Kristján Atli
Helvítis landsleikir.
Helvítis, djöfulsins, andskotans, fokking landsleikir!!!
Sem sagt, Stevie Gerrard er meiddur eftir leikinn í gær og verður frá í a.m.k. 2-3 vikur. Og þar sem reglan er sú að Liverpool fá engar bætur fyrir að missa leikmanninn, þá vona ég að Sven Göran sendi Rafa allavega kort þar sem á stendur, “sorry, my bad.”
Þetta er náttúrulega ekkert mál fyrir okkur. Það eru svo margir aðrir sem geta gert allt það sem Steven Gerrard geta gert, þannig að auðvitað er enska landsliðið í fullum rétti hérna. Auðvitað! Brosa!
Ég horfði á þennan leik í gær. Hann var frekar slappur. Peter Crouch lagði upp dauðafæri fyrir Owen, það var brotið á honum og Frank Lampard skoraði úr vítinu. 1-0 sigur, að miklu leyti til Crouchy að þakka. Annars virtist Crouch leggja upp flest öll dauðafæri Englendinga, og ef ekki hann þá Joe Cole, og Crouchy fékk sjálfur nokkur góð færi og hefði átt að skora. Spilaði allar 90 mínúturnar, efast samt um að Sven Göran velji hann fram yfir Wayne Rooney á miðvikudag. Sem er fínt, ein meiðsli vegna Englands er alveg nóg…
Svo horfði ég á Frakkana gera 1-1 jafntefli við Sviss. Stilltu upp svona 4-6-0 leikkerfi, með Wiltord “fremstan” (var samt alltaf úti á kanti) og greinilega skíthræddir um að tapa fyrir Sviss á útivelli. Svo kom innáskipting í hálfleik, eftir drulluslappan fyrri hálfleik. Vikash Dhorasoo fór útaf og Djibril Cissé kom inná. Sjö mínútum síðar var Cissé búinn að skora. Bjó það bara til fyrir sjálfan sig.
Bottom line: Cissé hefur sína galla eins og allir leikmenn, en ef hann fær að spila þá skorar hann alltaf! Svona eins og betri útgáfa af Neil Mellor. Af hverju er þessi maður ekki í liðinu hjá okkur?
Rafa hefur svarið: Squad Rotation! Jamm, hann róterar öllum hópnum og leyfir mönnum að spila jafnt. Enda sjá það allir að Cissé hefur í raun fengið að spila alveg jafn mikið og Crouch, Morientes og Pongolle í haust…
Já, ég er í vondu skapi í dag. Helvítis landsleikir. Þetta er búin að vera löng vika, og það er enn önnur vika til þangað til okkar menn mæta Blackburn í deildinni! Einar Örn verður á vellinum þá, þannig að það er eins gott að okkar menn skori nokkur mörk.
Helvítis landsleikjahlé.
Djöfull, helvítis voðalega er ég sammála þér. Myndi ekki gráta það þótt þessi helvítis landslið yrðu öll með tölu lögð niður fyrir fullt og allt. Óþolandi drasl.
Allt þetta bara fyrir knattspyrnu í 2 mánuði á heilum 4 árum 😡
Ertu ekki að grínast með þetta… er þetta hafið núna? Byrja allir að meiðast líkt og í fyrra?
Hvað varðar Cisse… úff hvað á maður að segja? Þetta er einfaldlega ekki rétt hjá Rafa þ.e. hann notar ekki alla leikmennina jafnmikið! PUNKTUR
Ég myndi nú ekki segja að allir séu að byrja á því að meiðast núna eins og í fyrra. Eru Gerrard og Dudek ekki þeir einu sem eru meiddir? :rolleyes: Ég held að Mellor sé að rífa sig uppúr þessu.
Legg til að fólk horfi ekki á HM næsta sumar og sendi frá sér skír skilaboð. Fyndið að eini leikmaður enska landsliðsins sem að VILDI vinna þennan leik og var sá eini sem að reyndi að skapa eithvað meiddist á meðan Lampard gerði ekki rassgat nema að skora úr einu helvítis víti.
Þetta er sorglegt viðhorf til (competitive) landsleikja. Er það Sven Göran að kenna að Gerrard meiddist?
Menn eru bara ansi æstir hér. Jú, það er virkilega slæmt að Gerrard sé meiddur, en á ég virkilega að trúa því að menn vilji hérumbil leggja landsleiki niður vegna þess að það hefur áhrif á leiki félagsliðsins??? Er ekki æðsti draumur hvers leikmanns að fá að leika fyrir landið sitt?? Skv. þætti alla vega sem fjallaði um enska landsliðið, þá virtust Owen, Beckham og fleiri tala um það sem draum. Og menn mega ekki vera svo blindir að halda að Gerrard hafi verið sá eini sem reyndi eitthvað í landsliðinu í gær!
– Ef einhver leikmaður meiðist í CL-deildinni, eigum við þá að bölva henni?
– Ef einhver meiðist í bikarkeppninni, eigum við þá að bölva henni?
Ég man ekki í augnablikinu á móti hverjum það gerðist á síðasta tímabili en þrír leikmenn Liverpool “hrundu niður” vegna meiðsla og Garcia haltraði … deildarleikur?
Meiðsli geta alltaf átt sér stað og Gerrard hefði alveg eins getað meiðst á móti Blackburn eins og Austurríki! Eða er ekki Blackburn vinsælt meiðslalið hjá okkur Púllurum?
Ég sjálfur er pirraður á manni eins og Eið Smára sem bar við meiðslum og gat ekki mætt í landsleik, en mætti svo fílefldur í deildarleik nokkrum dögum seinna. Þegar félagsliðin eru farin að pirrast yfir því að menn meiðist í landsleikjum, þá hreinlega finnst mér eitthvað vera að!
Ég er ekki fúll… mér hefur fundist landsleikjahléið alveg furðufljótt að líða. Tek undir með að Cisse ætti að spila meira, og fannst Liverpool mennirnir allir standa fyrir sínu í gær – en þó svo að meirihluti ykkar hér sé kannski á annarri skoðun, þá finnst mér landsleikir í alvörukeppnum eiga fullan rétt á sér fram yfir deildarleiki – og það að senda skýr skilaboð með því að horfa ekki á HM… einmitt. Annað hvort er þetta djók … eða sorglegt viðhorf gagnvart þeirri keppni sem alla knattspyrnumenn og áhugamenn dreymir um að spila í!
HM er algerlega málið. Eigum við ekki fyrst að losa okkur við deildarbikarinn á Englandi og þessa kepnni þarna í desember. Sú keppni er rugl – ekki landsleikirnir.
Ef einhver á miða á HM þá er ég til í að kaupa þá á sanngjörnu verði. 🙂
Að miklu leyti Crouchy að þakka?
Ég veit nú ekki betur en að Owen hafði fiskað vítið, og Lampard hafi skorað úr því. Getum við þá ekki alveg eins sagt að markið sé að miklu leyti Robinson að þakka, þar sem hann tók markspyrnu sem var upphafið að sókn Englendinga.
Ég er að miklu leyti sammála honum Dodda, menn geta meitt sig hvar og hvenær sem er og landsleikir eru það sem menn sækjast langoftast eftir að spila.
Rosalega eru menn neikvæðir. Fyrir mitt leiti er fátt skemmtilegra heldur en að horfa á HM og EM (nema að sjá Liverpool spila). Tek undir með Hössa er til í að kaupa miða á HM.
Doddi það var á Anfield í leik gegn everton sem þessir þrír leikmenn fóru meiddir út af. Vonandi sjáum við ekki annað eins á þessu tímabili.
Krizzi
Þetta snýst ekkert um það að menn geti alveg eins meiðst með félagsliðum sínum. Þetta snýst um það að menn eru að meiðast með landsliðunum og þau þurfa ekki að borga krónu af launum leikmannsins á meðan hann er meiddur. Þeir taka leikmennina og svo bara skila þeir þeim tilbaka og félagið situr í súpunni ef þeir eru meiddir.
Það væri aðeins auðveldara að réttlæta þetta ef landsliðin bæru einhverja ábyrgð, en það gera þau ekki.
Nákvæmlega. Ég ætla ekki að leggja til að leikmenn hætti að spila með landsliðum sínum, ég skil fyllilega hversu mikill heiður það telst að spila fyrir sitt landslið og ef ég væri knattspyrnumaður myndi ég spila hvar sem er með íslenska landsliðinu. Það skil ég vel.
Mitt vandamál er ekki með leikmennina, heldur landsliðin sjálf. Mér finnst knattspyrnusamböndin eiga að vera bótaskyld – fyrir það fyrsta þá eiga þau að borga laun leikmanna þegar þeir eru að störfum fyrir landsliðið, og fyrir það annað þá eiga þeir að bæta klúbbunum skaðann þegar leikmaður meiðist – t.d. með því að borga áfram laun leikmanns allan þann tíma sem hann er frá vegna meiðsla í landsleik.
Finnst ykkur það t.d. sniðugt að LFC sé búið að borga Gerrard þessi 120,000 pund eða hvað sem það er á viku sl. tvær vikur, á meðan hann hefur verið með landsliðinu en ekki “unnið handtak” fyrir Liverpool, og þarf áfram að borga honum 120,000 pund á viku næstu 2-3 vikurnar á meðan hann er meiddur?
Það finnst mér ekki. Landsliðið ætti að borga þennan pening, bæta klúbbnum skaðann með því að taka af þeim þessa launabyrði.
Það er bara mín skoðun. Mér finnst óþolandi að hugsa til þess að landsliðin geti nýtt sér vilja leikmannsins til að vilja spila fyrir sína þjóð til að fá leikmanninn frítt. Ég þekki engan smið sem myndi byggja hús fyrir íslensku þjóðina án endurgjalds, ég veit ekki til þess að þeir sem smíði nýja Wembley-leikvanginn geri það frítt. Knattspyrnusamböndin þurfa að borga svona fólki fyrir vinnu í sína þágu, fyrir hönd þjóðar sinnar, hví þá ekki að borga knattspyrnumönnunum laun líka?
Knattspyrnumenn eru ekki neyddir til að spila með landsliðinu. Þetta er hluti af þeirra lífi. Félagsliðin eiga ekki fótboltamennina heldur eru þeir starfsmenn. Vinnuskylda þeirra er bundin við æfingar, leiki o.s.frv.
Rétt eins og þegar ég ræð mig í vinnu þá lendir það á fyrirtækinu ef ég verð veikur og get ekki mætt.
Ef Steven Gerrard hefði farið í keilu, honum hefði skrikað fótur og ökklabrotið sig – hefði keiluhöllin verið skaðabótaskyld?
Bottomline-ið er að Liverpool verður bara að sætta sig við að starfsmenn þess eiga sér líf fyrir utan félagsliðið.
En kæri Makkari,
Fyrirtækið sem þú vinnur hjá, mun það borga þér laun í tvær vikur á meðan þú ferð og vinnur fyrir einhvern annan aðila frítt? Kem síðan tilbaka úr þeirri vinnu handónýtur eftir vinnuslys og get ekki hafið störf fyrr en 3 vikum þar á eftir?
Að sjálfsögðu, þ.e.a.s. ef launþeginn hefur unnið sér inn rétt á veikindafríi (oftast nær samkv. kjarasamningum eru það tveir dagar fyrir hvern unnin mánuð). Vinnuveitandanum kemur ekkert við hvað þú gerir í þínum frítíma nema ákveða það sérstaklega í samningnum. Ef Liverpool hefur ekki gert slíka klausu við Gerrard (sem hefði að öllum líkindum rústað samningsstöðu liðsins) þá verða þeir bara að sætta sig við sinn hlut.
Þetta er bara ekki spurning um veikindatíma. Þetta er spurning um það að ef þú ert að vinna hjá fyrirtæki við smíðar, þá farið þú alltaf annað slagið og vinnur fyrir annan aðila við smíðar og á meðan borgar fyrirtækið þitt launin þín. Ef þú meiðist eða slasast í vinnu þinni, þá auðvitað ferð þú í veikindafrí. Þú ert líka með þitt hefðbundna frí, sem er hjá fótboltamönnum yfir sumartímann.
Persónulega væri ég frekar pissed off að sjá starfsmann sem ég borga launin, vera að vinna fyrir annan aðila frítt við sama starf og ég borgi launin hans á meðan. Svo komi hann slasaður tilbaka og ég geti ekki notað hann hjá mér í lengri eða skemmri tíma. Algjört lágmark væri að sá aðili sem fær afnot af honum borgi honum launin á meðan hann vinnur fyrir hann.
SSteinn: ég bendi bara á ummæli þín í byrjun (nr. 1), þar sem þú myndir ekki gráta það þótt “þessi helvítis landslið” yrðu lögð niður … “óþolandi drasl”. — Þarna ertu ekki bara að tala um peninga.
Og ef það er virkilega málið, að menn gráta þennan pening, þá hef ég trú á því að félög eins og Liverpool hafi alveg efni á því að hafa menn í meiðslum. Hvernig var þetta með Cisse í fyrra t.d.? Auðvitað er það pirrandi þegar leikmenn meiðast í landsleikjum og geta ekki beitt sér fyrir félagsliðin, en hvaða línu leggiði þá til að landsliðin fari eftir? Vikulaunum hvers og eins, no matter what? Eða einhverja ákveðna upphæð?
Mér finnst þetta persónulega vera samningsatriði við leikmenn þegar samningar eru gerðir. Þú getur alltaf meiðst hvar sem er, þú gætir meiðst í bílslysi – hvernig er málum þá háttað? Það hljóta að vera klausur um meiðsli í landsleikjum og utan æfinga/leikja. Ef ekki þá fara menn samt út í þetta vitandi um áhættuna.
Vikukaup Gerrards er ótrúlegur peningur fyrir meðal-mann eins og mig (var það 120 þús? mig minnti endilega 100… skiptir ekki öllu), en í þetta stuttan tíma er þetta ekki fjárhagslegt og alvarlegt tjón fyrir klúbbinn. Sjá ekki knattspyrnulandssamböndin um för og uppihald fyrir alla landsliðsmennina? Ég veit að það er tittlingaskítur miðað við launin, en satt best að segja hef ég meiri áhyggjur af árangri liðsins á vellinum með hina og þessa menn meidda, heldur en peningahliðina á þessu.
Ég bið ykkur um að svara eftirfarandi spurningu á mjög svo heiðarlegan hátt: “Hefðuð þið blótað minna ef knattspyrnusamböndin væru með ákveðna peningaupphæð til félaganna fyrir meiðsli í landsleikjum?”
Hvernig ætti t.d. íslenska knattspyrnusambandið að fara að því að borga laun Eiðs Smára ef hann skyldi meiðast í nokkrar mánuði í landsleik? Það yrði ekki ódýrt allavega…
Nei, líklega ekki Doddi.
Líklega er þetta bara partur af þessu öllu saman. Landsleikjahléin fara einfaldlega óþyrmilega í taugarnar á mér og það eina sem ég hugsa yfirleitt þegar kemur að þeim er það að ég vona að sem fæstir Liverpool leikmenn taki þátt svo þeir meiðist nú ekki.
Engu að síður þá finnst mér þetta afar asnalegt mál með peningahliðina líka og er einn partur af því að ég þoli ekki landsleikjadæmið. Get svo sem alveg skilið þá sem fíla þetta, en ég er ekki einn af þeim og myndi ekkert gráta mig í svefn þótt þau yrðu lögð niður.
En það er bara ég 🙂