Kristján Atli
Samkvæmt Liverpool Echo í dag er Fabio Aurelio farinn að æfa aftur á fullu og mun spila í æfingaleik í kvöld, ef allt gengur samkvæmt áætlun. Hann hefur ekki spilað síðan hann meiddist í leik gegn PSV í Hollandi í Meistaradeildinni í apríl síðastliðnum, og miðað við hvernig hann var að spila fyrir meiðslin er þetta kærkomin viðbót við annars sterkan hóp okkar í byrjun tímabils.
Í sömu frétt vísar Rafa Benítez einnig til föðurhúsanna þeim sögusögnum að Pepe Reina sé á leiðinni til Atletico Madrid á næstunni. Pepe er ánægður hjá Liverpool og að spila þrusuvel, segir Rafa, auk þess sem hann er nýbúinn að framlengja samning sinn. Málið dautt.
Æðislegt. Með hann á fullu ætti Arbeloa að geta farið að einbeita sér að veita Finnan samkeppni um hægri bakvörðinn. Vonandi að Aurelio nái aftur sama formi og hann var í þegar hann meiddist.
haha málið dautt… þarf ekki að segja meira 😉
Góðar fréttir og vonandi að meiðsla vandræði Aurelio sé nú lokið. Raunhæft ætti hann að vera kominn á fullt eftir mánuð.
Hvað varðar Pepe og Atletico þá skil ég vel að þeir hafi áhuga en það eru engar líkur á því að hann sé að fara í bili.
magnað að fá Fabio aftur, en ég lýsi hér með eftir Kewell, eða fréttum af honum! 😛
og vill einhver plís, segja mér að ég hafi lesið þessa frétt vitlaust eða ekkert sé til í þessu http://www.dailymail.co.uk/pages/live/articles/sport/football.html?in_article_id=481235&in_page_id=1779&ito=newsnow
þetta er svakaleg frétt með Macherano…vonandi bara rugl
http://img262.imageshack.us/img262/6018/20070911163422gh0.jpg
hræiðleg frétt um tevez og mascherano. trúi ekki að þeir þurfi að dúsa inni í 5 ár!
Slökum aðeins á með þá bræður Tevez og Masche.
Er Daily Mail ekki eitt af þessum götublöðum??
Gaman að því að Alonso spilaði þennan leik í dag sem miðvörður.