Einar Matthías
Uppfært (Babu): Kári setti inn ummæli sem sóma sér betur sem færsla og umræðuefni. Endilega skoðið hans vangaveltur.
Svona í ljósi frétta síðustu helgar langar okkur að taka það fram að svona ágangur aðdáenda er með öllu óþolandi, fólk bara veigrar sér ekkert við að troða sér inná myndir af öðrum og það í leyfisleysi.
Ég hef bæði verið erlendis með Steina sem og hér á landi og hann bara fær ekki frið kallgreyið.
En orðið er frjálst fram að upphitun sem ætti að detta inn seint í kvöld.
Ég heyrði að þessi gaur, photobombarinn, hafi flúið land fljótlega eftir þetta atvik útaf bálreiðum aðdáendum Steina! ….sel það ekki dýrara en ég stal því!
Whelan #5 sagði við Sunderland-leikskýrsluna að hann teldi um 20% líkur á að Liverpool ynni titilinn í vor. Ég kann að meta svona talnaleiki í kringum fótbolta og langar til að tala um líklegan stigafjölda toppliðanna í vor út frá ýmsum forsendum.
Það vita það allir að Manchester City er búið að tapa fæstum stigum af öllum liðum í deildinni og er þannig með titilinn í hendi sér. Með þessar forsendur um töpuð stig er þetta því líkleg lokastaða:
1. Man City
2. Chelsea
3. Liverpool
4. Arsenal
En svo má alltaf leika sér með forsendur. Í þetta dæmi vantar hina stórmerkilegu staðreynd að gengi liða er misjafnt eftir því hvort þau leika á heimavelli eða ekki. Ef við lítum á meðalstigasöfnun á heimavelli og meðalstigasöfnun á útivelli í vetur, framreiknum út frá því hvar leikirnir sem liðin eiga eftir eru leiknir verður þetta niðurstaðan:
1. Man City 87 stig
2. Liverpool 84 stig
3. Chelsea 84 stig
4. Arsenal 77 stig
(Við þessa útreikninga enduðu Liverpool og Chelsea með sömu stigatölu upp á síðasta aukastaf. Markatalan gefur Liverpool þá augljóslega annað sætið.)
Nú, bæði þessi dæmi á undan taka tillit til alls tímabilsins hingað til. Við hér á kop.is trúum því (ja, viljum trúa því) að það sem af er árinu 2014 gefi betri mynd af því sem koma skal í vor. Ef við gerum ráð fyrir að liðin fjögur haldi áfram stigasöfnun á takt við það sem gerst hefur á þessu ári er þetta niðurstaðan:
1. Man City 89 stig
2. Liverpool 87 stig
3. Chelsea 86 stig
4. Arsenal 75 stig
Þessi tafla er augljóslega ósanngjörn fyrir Chelsea gagnvart Liverpool því að útreikningar byrja strax eftir leikinn á Stamford Bridge, sigurleik Chelsea og tapleik Liverpool. Þrátt fyrir það ætlum við að byrja næstu útreikninga á sama stað, við áramótin, og athuga hvað heimavallar- og útivallaform árið 2014 hefur að segja um niðurstöðuna í vor:
1. Man City 89 stig
2. Liverpool 87 stig
3. Chelsea 86 stig
4. Arsenal 76 stig
Þetta breytti ekki miklu. Það er að verða ljóst að eðlilegar forsendur sem gefa að Liverpool hampi titlinum eru vandfundnar. Skemmtanagildi skýrslunnar minnar eykst hins vegar til muna ef ég næ að spá okkar mönnum titlinum einu sinni áður en henni lýkur.
Lítum á leikina sem eftir eru. Enn tökum við gengi á heimavelli og útivelli með í reikninginn:
Chelsea er sigurstranglegra liðið í öllum leikjunum sem eftir eru nema leiknum á Anfield! (Þetta er einfaldlega kalt mat; Liverpool er með +31 í markatölu á heimavelli en Chelsea með +9 á útivelli. Ef annað hvort liðið er sigurstranglegra þarna er það Liverpool.)
Man City er sigurstranglegra liðið í öllum leikjunum sem eftir eru nema á Emirates, Anfield og jafnvel Goodison! (City er með +13 í markatölu á útivöllum í vetur, í jafnmörgum leikjum er Arsenal með +19, Liverpool með +31 og Everton með +16 á sínum heimavöllum.)
Arsenal er sigurstranglegra liðið í öllum leikjunum sem eftir eru nema leiknum á Goodison, KC Stadium og Carrow Road (ég er að segja ykkur það! Arsenal er ömurlegt á útivelli).
Liverpool er sigurstranglegra liðið í öllum leikjunum sem eftir eru! Punktur! Punktur með upphrópunarmerki!
Auðvitað er ólíklegt að ALLIR leikirnir fari „eftir bókinni“ en þessi markatöluaðferð með hliðsjón af heima- og útivelli er alls ekkert galin. Ef toppliðin fjögur leika sína leiki sem eftir eru þannig að ekkert jafntefli verði og „sigurstranglegra“ liðið vinnur endar þetta svona í vor:
1. Liverpool 89 stig (Gerrard tekur við bikarnum og með þá mynd í huganum geta flestir menn dáið sáttir.)
2. Chelsea 87 stig
3. Man City 84 stig
4. Arsenal 75 stig
Eftir alla þessa talnaleiki getum við litið til baka og ígrundað hvað við höfum lært:
Augljóst er að það er enn von! City á eftir að fara á þrjá erfiða útivelli, Chelsea einn og Liverpool engan. Auðvitað á Liverpool að stefna á titilinn! Ýmislegt getur gerst í toppbaráttunni en eitt er „víst“: Arsenal lendir í hinu eftirsótta fjórða sæti.
Kæru bræður og systur.
Örlítill ótti sækir að mér þegar ég hugsa um leik helgarinnar, fólk keppist við að mæra liðið og tala um bikar og titil og þar sem ég er forlagatrúar þá er ég svo hrædd við að nú taki þau í taumana til að slökkva gleðina sem er hjá okkur.
Persónulega er ég alveg sátt með 3-4 sætið og tel það í raun vera það sem stendur okkur í boði, nú herma nýjustu fréttir að Suaréz vinur okkar fari frá okkur í sumar og að hugur hans stefni til sólarparadísarinnar í Suðri, Spánar og má næstum örugglega telja það vera Real Madrid sem hafi hug á að bæta stórstjörnunni okkar í þeirra hóp ( ég vona og vona að þetta sé bara rugl).
Ég sé fram á erfiðan laugardag þar sem ég leita að öllum veikleikum Tottenham. Óbragðið sem kemur í munninn á mér þegar ég hugsa um þennan leik veldur því að ég kvíði leiknum og held að hann fari ekki á þann veg sem mér hugnast.
En nú ætla ég að fara og setja lagið okkur You never walk alone á hæsta styrk og syngja með og treysta því að hetjurnar okkar rauðklæddu láti Tottenham ekki hræða sig og hirði öll stigin 3 og sendi þá tómhenta heim til London.
Þangað til næst
YNWA
Kári, reiknaðirðu Everton með eða bara þessi fjögur lið?
Kæra frú Sigríður,
ég tek fréttir tengdar Liverpool trúanlegar þegar ég sé þær frá klúbbnum sjálfum, ekki frá Marca eða öðrum einskis nýtum illa gefnum fjölsneplum. Þess vegna geri ég ráð fyrir að Luis Suarez og aðrir leikmenn liðsins spili í rauðu í Meistaradeildinni á næsta leiktímabili með bros á vör, hugsanlega með enska meistaratitilinn á bakinu (og einhver/jir jafnvel með heimsmeistaratitil að auki).
Góða helgi,
Helgi J.
Kæri Helgi.
Mér létti nú svolítið þegar ég las þitt innlegg, að þessar fréttir séu bara tilbúningur. Ég veit að liðið okkar mun spila í Meistaradeildinni á næstu leiktíð í fallegu rauðu búningunum og ég vona svo sannarlega að við munum sjá Meistara Suaréz hlaupa þar um á skotskónum íklæddan rauðu…svei mér ef þú hefur ekki ýtt kvíðanum burtu og ég hlakki bara til sunnudagsins…
YNWA
…allar helgar eru góðar þegar okkar menn spila…
Ég hef bara ekki trú á að tottenham séu að fara taka okkur á Anfield. Við kjöldrógum þá á þeirra heimavelli.
Jú er nokkuð viss um að þeir komi dýrvitlausir til að hefna sín en þeir eru mættir í virkið og það verður ekkert auðvelt fyrir þá.
ég spái að Suarez fari á kostum í þessum leik og við vinnum 4-1.
Þetta með að Suarez sé nú á förum og blablabla hvað erum við búin að heyra þetta oft ?
Menn eru grænir af öfund og keppast um að orða mannin við þessi og hin lið.
Hef ekki trú á því. Við erum á leið í Meistaradeildina og hann kemur með okkur þangað takk fyrir. Mun ekki skipta máli hvaða peninga verður boðið í Suarez hann er EKKI til sölu.
Totthenham eru að fara mæta tilbúnir í baráttu frá fyrstu mínútu til að hefna ófaranna. Þetta verður ekki auðvelt og sigurinn er ekki vís!
Bragi minn, í einu líkaninu sótti að mér sá „uggur“ að Arsenal gæti tapað fjórða sætinu svo að ég reiknaði, fyrir forvitnis sakir, líka út lokastöðu fyrir Everton. Í ljós kom að engin alvöru atlaga var gerð að fjórða sætinu þar.
Everton endar með 70-72 stig miðað við fyrstu líkönin.
Í síðasta líkaninu (þar sem Gerrard … þið vitið) endar Everton með 75 stig (og gæti vel tekið fjórða sætið á markamuninum).
Fyrir síðustu Helgi veðjaði ég við vinnufélaga og Arsenal mann upp á kippu um að þeir lendi í 4. Sæti. Safest bet ever.
Já það er gaman að spá í spilin og reikna út. Einhver af þessum útkomum verða eflaust raunin. Það er þó ekki loku fyrir það skotið að þessi þrjú lið sem núna eru sannarlega í titilbaráttu tapi fleiri stigum. Það tók Arsenal bara tvo leiki að detta út úr baráttunni. Vonandi lendum við amk. ekki í því.
Staðan núna er sú að maður er ekki í rónni fyrir neinn leik. Okkar piltar geta alveg átt það til að ná ekki sínum besta leik á móti liði sem er nógu sterkt til að nýta sér það. Þeir hafa jú unnið á mörgum gömlum hindrunum, t.d. með að vinna marga leiki í röð, vinna slakari liðin, taka stig á útivelli gegn Man U. og svo framvegis. Þeir hafa einfaldlega nánast ekkert misstigið sig frá áramótum. Slíkt rönn mun enda einhverntímann, spurning hvort það gerist fyrir eða eftir 11. maí.
Hafandi sagt það þá eigum við fjóra erfiða heimaleiki eftir, þann fyrsta á sunnudaginn kemur. Síðan eigum við líka þrjá erfiða útileiki sem þurfa allir að vinnast.
Ég hef sagt að úrslitin í deildinni munu ráðast á Anfield í leikjunum gegn olíumafíurisunum. Ef það fer svo þá hef ég ekki trú á því að við munum klára báða leikina. Ég hef frekar trú á því að við vinnum Man City en gerum jafntefli eða töpum gegn Chelsea. Sigur á City mun, ásamt jafntefli þeirra á morgun gegn Arsenal, gera það að verkum að þeir taka þriðja sætið, við annað, en Chelsea á svo létt prógramm eftir að þeir munu varla misstíga sig, nema gegn okkur.
Annað sætið verður frábær árangur þótt okkur dreymi auðvitað blauta drauma um það fyrsta…
Fær maðurinn ekki frið vegna þess að hann er svo líkur Roy Hodgson?
Sælir,
ef að Liverpool verst á 7 mönnum (8 með Mignolet), eins og þeir gerðu á móti Sunderland, töpum við bæði gegn Chelsea og City. Það truflar mig pínu hvað BR skiptir sjaldan mönnum inná og breytir leikjum með skiptingunni. Hann hefur komist upp með þetta hingað til í deildinni, datt út úr báðum bikarkeppnum, en stjórar þurfa að geta skipt út af og aðlagað liðið líðandi stundu í leiknum.
Það er frábært að sjá hvað liðið er búið að bæta sig mikið frá síðustu tímabilum. Sjálfstraust, samheldni og vinnusemi er BR að þakka og á hann skilið mikið hrós fyrir. Spennandi tímar eru framundann og BR hefur allan minn stuðning og trú að hann geti gert og hefur gert liðið samkeppnisfært á Englandi. Einnig verður mjög forvitnilegt að sjá hvernig BR nálgast og spilar næsta tímabil þegar CL-leikir eru í miðri viku.
Mín tilfinning er samt sú að BR feli rosalega vel skort á breidd með því að breyta uppleggi og skipulagi mikið milli leikja. Hann getur það þar sem langt er á milli þess sem við spilum. Vonandi……….vonandi…………vonandi, og ég læt mig dreyma, gengur kapallinn upp og við verðum meistarar(Gerrard á það svo skilið) en ég óttast að 3. sætið verði okkar hlutkesti í vor. Þá er bara vona að BR hafi lært mikið í ár og leggi aðal áhersluna á PL þótt að við spilum í Evrópu, það á bara að vera bónus fyrir leikmenn að mínu mati. Deildin ofar öllu!
Tim Sherwood eitthvað að sprikla og reyna að búa til pressu á okkar menn.
http://www.mbl.is/sport/enski/2014/03/28/rodgers_engin_pressa_a_okkur/
„Ef maður eyðir 100 milljónum punda þá búast menn líklega við því að geta barist um titilinn.”
Ef þetta heitir ekki að svara fyrir sig þá veit ég ekki hvað. BR er snillingur!
Ég gjörsamlega þoli ekki þetta leiðinlega tottenham-lið og ég óska þess innilega að við tökum þá í bakaríið aftur! Ef það er eitthvað lið sem á það skilið þá eru það þeir. Þetta verður baráttan á milli góðs og ills, á milli fegurðar og ljótleika, á milli alvöru fótboltaliðs og pappakassa sem spila í nærfötum.
Veit ekki hvernig hefði farið fyrir manni ef það hefði ekki verið leikur í miðri viku, hann kom manni svolítið nær jörðinni eftir markasúpuna sem Liverpool hefur boðið uppá síðustu vikur. Leikurinn sýndi að við verðum að halda okkur á jörðinni, en auðvitað er það ekki séns eins og staðan er núna!!
1. Mér skilst að þetta Marca blað sé Real Madrid-tímarit og þetta er greinilega þeirra leið til að sýna áhuga þar sem þeir fá auðvitað ekki leyfi til að ræða við Suarez, ekkert nema þvæla.
2. Eftir allt sem Súarez hefur gert fyrir klúbbinn, aaaaaf hverju í andskotanum ætti hann að vilja fara áður en hann spilar fyrir félagið í Meistaradeildinni?
Þar sem Rodgers hefur komið allri pressunni yfir á Spurs með frábærum svörum í viðtali þá held ég að Liverpool gæti alveg tekið Tottenham í aðra kennslustund, Spursarar eru mun þreyttari og eru ekki í sömu baráttu og þeir voru í fyrri leiknum, sé fátt sem kemur í veg fyrir sigur okkar manna, annað en okkar menn.
Enn og aftur er Ssteinn að glenna sig á mynd eins og einhver stjarna þetta er fulllangt gengið
hver heldur að hann sé ?Hvort það er Liverpool blaðið eða eitthvað annað þá er þetta of mikið.
http://www.visir.is/-benjamin-er-sterkasti-krakki-sem-eg-thekki-/article/2014140328665
styrkjum þennan litla púlara!
Æj Þórir Eiríksson, þú ert því miður ákaflega sorglegur einstaklingur, haltu þínu tuði bara einhvers staðar annars staðar.