Ólafur Haukur
Mörkin
1-0 Mateta (víti) 57.mín
1-1 Salah 76. mín
1-2 Elliott 91. mín
Hvað réði úrslitum?
Sigurinn var svo sem alveg verðskuldaður þar sem Liverpool skoraði mörkin sem þurfti til að gera það en frammistaðan var heilt yfir ekki merkileg. Alisson var aftur í markinu og hafði það klárlega áhrif á leikinn enda átti hann tvær frábærar vörslur en það sem réði úrslitum var líklega það að Liverpool gerði breytingar á liðinu og Crystal Palace missa mann af velli seint í leiknum, þá girti Liverpool loksins upp um sig buxurnar og fóru að gera það sem þeir þurftu að gera til að vinna leikinn.
Alisson var frábær og átti tvær mjög góðar vörslur, eina snemma í leiknum og eina í blálokin sem voru svokallaðar þriggja stiga vörslur. Jones átti mjög góða innkomu í liðið þegar hann kom inn á og lagði upp mark Salah og ef hann hefði ekki skorað þá hefði hann eflaust unnið víti. Innkoma Harvey Elliott var hins vegar algjör lykill í þessu fannst mér, hann var að opna sókn hjá Liverpool þegar hann var tekinn niður og leikmaður Palace fékk sitt annað gula spjald og var rekinn út af, hann skoraði sigurmarkið og átti geggjaða sendingu inn á Diaz sem kom boltanum í netið en var örlítið fyrir innan rangstöðuna.
Hvað þýða úrslitin?
Úrslitin þýða það að Liverpool sest í toppsætið, stigi á undan Arsenal sem mæta Aston Villa á útivelli seinna í dag. Takist Arsenal ekki að vinna Aston Villa þá mun Liverpool halda toppsætinu þar sem markatalan er hagkvæmari.
Enn og aftur spilar Liveprool ekki nógu vel og lendir undir en nær að vinna leikinn, það er alls ekki frábært en þó á sama tíma frábært.
Hvað hefði betur mátt fara?
Spilamennskan var hreinlega mjög dauf. Miðjan var heilt yfir mjög bitlaus og gekk miðjumönnunum Endo, Gravenberch og Szoboszlai sem byrjuðu leikinn mjög illa að ná tökum á leiknum. Á margan hátt var vörnin nokkuð fín en van Dijk gerði sig sekan um smá mistök þegar hann braut á sóknarmanni Palace og fékk dæmda á sig vítaspyrnu en brotið var á Endo í aðdragandanum svo hann slapp með skrekkinn og vítaspyrnan tekin af. Quansah var svo sekúndubroti of seinn með fótinn upp í baráttu við sóknarmann Palace seinna í leiknum og fékk þá dæmda á sig vítaspyrnu sem þeir skoruðu úr. Tvö óþarfa brot þarna enheilt yfir var vörnin nokkuð fín, ekki fullkomin en alls ekki léleg. Sóknin var hins vegar helsta vandamálið hjá Liverpool í dag fannst mér og mark Salah var fyrsta skotið á markið hjá Liverpool og það var á 76. mínútu. Þeir voru engan vegin í takt þarna frammi, hlupu sig í vandræði, gengu illa að senda og taka á móti bolta og voru bara mjög bitlausir. Breytingar Klopp hins vegar komu með jákvæðari hluti í sóknina og miðjuna svo það var flott.
Næsta verkefni
Næsti leikur er útileikur gegn Union SG í lokaleik riðlakeppni Evrópudeildar, Liverpool er búið að tryggja sér fyrsta sætið í riðlinum svo það er ekki ólíklegt að þeir muni rótera mikið fyrir þann leik og um helgina kemur Man Utd á Anfield og það eflaust leikurinn sem Liverpool er hvað mest við hugann við núna.
Þakka öllum sem annast gullmolann okkar hann Allison, fjölskyldu, læknum og sjúkraþjálfurum .
haha já heldur betur!
Sælir félagar
Takk fyrir þessi 3 stig í afar döprum leik af okkar hálfu. Alisson Becker langbesti leikmaður Liverpool og allir aðrir byrjunarliðsmenn undir pari.
Það er nú þannig
YNWA
Elliott-sokkur með bernaiese í kvöldmatinn hjá mér.
Hvað með hnökróttan, heiðargenginn garnarsokk með truflu-coulis? Býður einhver betur?
Ég er nú mest fyrir þennan venjulega mömmumat.
Við höltrum áfram. Meistaraheppni vonandi.
Maður leiksins að mínu mati, Alisson Becker og Harvey Elliott. Flestir að spila undir pari í dag.
3 stig allt sem skiptir máli.
Eliott = vanmetnasti leikmaðurinn.
Nú þurfa nýju miðjumennirnir að taka aukaæfingar og Nunez minn að reima aftur á sig markaskóna.
Iðnaðarsigur. Ódýr tvö gul spjöld á þennan Ayew sýndist mér og það breytti leiknum.
Virkilega gott að vinna svona sigra. En á móti mu viljum við fá alvöru performans þó maður fari nú ekki fram á endurtekið efni frá því fyrravor.
En það væri vissulega gaman!
Finn til með Palace mönnum …. arfaslakt en sætur sigur … Szobo þarf frí … Elliott þrusugóður eftir að hann kom inná … Allison sá besti. Getum ekki haldið áfram að spila svona þá verða hlutirnir fljótir að fara niður á við.
Ánægður með skiptingarnar hjá Klopp í síðustu leikjum er að gera þær snemma…
Það er svo mikil geðveiki að halda með þessu liði…
Fjórir veikir hlekkir í byrjunarliðinu í dag: Endo, Gravenberch, Diaz og Quansah. Endo var stöðugt á fjórum fótum og deildin er bara allt of hröð fyrir hann. Gravenberch þarf miklu meiri aðlögunartíma, hann var aldrei öruggur á boltanum í dag, var svona eitthvað að sveifla löppunum í átt að hinu og þessu án mikils árangurs. Diaz er mjög skiljanlega ekki á góðum stað andlega eftir að pabba hans var rænt en það er líka eins og hann hafi dofnað í sinni spilamennsku. Vonandi er það tímabundið því hann var einn af okkar mest spennandi mönnum fyrir ekki svo löngu síðan. Quansah er fyrirgefið (meira að segja vítið) því hann er að byrja og getur bara batnað með auknum lærdómi við hlið Van Dijk og félaga. Og svo er það Nunez, heittelskaður en alveg gríðarlega pirrandi á stundum.
Bestir: Allison nr. 1, 2 og 3. Þvílíkar vörslur! Hann er okkar mikilvægasti maður. Elliott alveg sprúðlandi sprækur og djarfur í öllum sínum aðgerðum eftir að hann kom inná. Hann er kominn langt framúr Jones að mínu mati. Og svo er það Trent, sem gefur 50 metra sendingar með stórutánni. Ótrúlegur.
Van Dijk gerði reyndar nákvæmlega sömu mistök og Quansah, þannig að þú getur fyrir gefið honum með góðri samvisku. Endo til varnar þá var það klárt mál að CP átti að þjarma að honum um leið og hann fengi boltann og láta hann aldrei í friði.
Þetta var ekki verðskuldaður sigur að mínu mati en mér er drullu sama, því að hversu oft höfum við ekki lent í óverðskulduðum töpuðum stigum( t.d Tottenham leikur).
Við vorum einfaldlega lélegir í dag.
Palace voru frekar rólegir til að byrja með og voru ekki að æða í okkur heldu létu eftir okkur boltan og virtist þessi litla ákefð hjá þeim eiginlega svæfa okkar lið líka. Við spiluðum á þeira level og fórum svo eiginlega undir það. Vörnin hafði ekki mikið að gera í fyrri hálfleik en Alisson þurfti einu sinni að verja stórkostlega en það var miðjan og sóknarleikur liðsins sem var steingeldur.
Síðari hálfleikur var eiginlega lítið skárra fyrir utan eftir að við vorum einu fleirri kaflinn. Þegar korter var eftir voru Palace sanngjart yfir og við ekkert líklegir að gera neitt en það var svona frekar ódýrt tvö gul spjöld og þar með rautt á Ayew sem gaf okkur von.
Við fórum í gang skoruðum tvö mörk og svo var það auðvita Alisson sem sá til þess að öll þrú stigin fóru heim til Liverpool.
Maður leiksins: Alisson án efa.
Vörnin: Var alveg ágæt í þessum leik og fannst mér Van Dijk stýra þessu nokkuð vel.
Miðjan: Var steingeld meiri hlutan af leiknum. Endo lélegur og alltof lengi með boltan og Gravenberg/Sly alveg týndir. Trent fannst mér koma ágætlega inn en krafturinn kom þegar Elliott og Jones mættu á svæðið. Jones með flotta stoðsendingu(hefði annars fengið víti) og Elliott með flott markl.
Sókn: Ömurleg í þessu leik og er það aðeins varamaðurinn Gakpo sem má vera stoltur af sinni frammistöðu.
= Skiptingarnar breyttu öllu í þessum leik.
Þessir ljótu sigrar skila jafn mörgum stigum og þeir fallegu en við þurfum að fara að spila betur ef við ætlum að enda þar sem við erum núna.
YNWA – Síðasti góður leikurinn okkar í deild var 3-0 sigur gegn Brentford 12.nóv. Þetta er áhyggjuefni.
Svo satt og rétt allt sem Sig. Ein segir í þessari athugasemd
Mjög vond spilamennska í cirka 75 mínútur.
Frábær innkoma hjá varamönnum; Jones leggur upp jöfnunarmarkið og Elliott með frábæra takta og skorar sigurmarkið. Gomez einnig flottur.
Szoboszlai er augljóslega í lægð. Er líklega þreyttur og því flott að Klopp hafi skipt honum út af í dag. Nauðsynlegt að passa upp á þennan gullmola.
Að mínu mati virkar ekki að spila Nunez í gang heldur þarf að vinna með hann á æfingasvæðinu. Hann er okkar aðal 9-a og verður að skila meiru miðað við spilaðar mínútur.
Crystal Palace átti skilið stig úr þessum leik en heppnin var með okkar mönnum og þremur mikilvægum útivallar-stigum landað. Hinsvegar ef spilamennskan heldur svona áfram þá er bara tímaspursmál hvenær liðið verður flengt.
Nú er bara að vonast eftir hagstæðum úrslitum í öðrum leikjum.
Áfram Liverpool!
Einmitt en þegar lið vinnur þrátt fyrir svona spilamennsku þá er kominn meistarabragur a það!
Við hverju er að búast í desembertörn, öll 3 stig erum bara vel þegin óháð spilamennsku því spilamennskan kemur með minna álagi.
Klára þessa törn vonandi á toppnum og þá er aldrei að vita hvað gerist í vor.
Ætla ekki að draga neina fjöðir yfir það að við vorum drullu lélegir í dag, eins og reyndar undanfarna þrjá leiki, bara drullu lélegir.
Við komumst upp með það núna en að verður ekkert alltaf þannig, einn daginn fáum við þetta í bakið.
Hvað veldur er mér fyrirmunað að skila en kannski er ég bara með of miklar væntingar.
Toppbarátta eða ekki, mér finnst þetta lið ekki geta neitt í neinu. Sendingar lélegar, hreyfing án bolta lítil, ákefð og barátta lítil., vinnum fáa bolta nr 2, vörnin stundum eins og gatasigti, allt of mikið af einstaklingsmistökum, færanýting skelfileg, færasköpun skelfileg. Allison bjargar okkur allt of oft en svo á hann til að gefa mörk sjálfur.
Hvað við erum að gera í efsta sætinu er mér hulin ráðgáta, jú, einhverra hluta vegna dettum við inn á það að vinna þessa leiki, ennþá.
En, 3 stig eru kærkomin og góð.
Elska þetta lið okkar!
Verður Bruno í banni gegn okkur næstu helgi?
Já því miður…
Já, hann er heppinn að losna undan þeim leik!
Hahaha það er nú meiri klikkunin að horfa á Liverpool leiki, endalausar skapsveiflur, reiði og svo ofsafengin gleðiöskur.
Konurnar á heimilinu skilja ekkert í mér og syninum sem erum að trompast yfir leiknum, og svo ekki sé nú talað um hundsgarminn sem hringar sig í bælinu sínu og myndi breiða yfir höfuðið á sér ef hann gæti.
Allison og Elliot menn leiksins hvað mig varðar, og Herr Klopp líka fyrir að spotta hvar vandinn lá, og bregðast hárrétt við með skiptingum.
Til lukku Salah með mark nr 200.
Nú þegar það kom loksins máttu fara að spila eins og þú gerðir fram að marki nr 199 takk.
YNWA
Það er ekki hægt að líta frá því að liðið kemur fáranlega oft til baka á þessu tímabili. Það nær alltaf að gera það sem þarf til að vinna eða ná fram úrslitum jafnvel þó það hafi verið að spila illa eins og það gerði klárlega í þessum leik..Það eitt og sér segir mér að raungeta liðsins er miklu meiri en hún lítur út fyrir að vera.
Ég held að ástæða þess að Klopp kvarti sáran yfir þessum hádegisleikjum er vegna þess að lið hans spila best þegar þau eru úthvíld og ekki dauðþreytt sökum leikjaálag. Spilamennska hans krefst meiri orku en gengur og gerist.
Mér fannst ég sjá klárlega á nokkrum leikmönnum að þeir hefðu þurft dag aukalega í hvíld. T.d Szoboszly og Endo og fleirri.
Mér fanst þetta víti sem Liverpool fékk á sig mjög undarlegt. Það kom tilkynning í skjáinn löngu eftir atvikið og ég gat ekki séð að þetta hafi verið brot.
Það var brotið svo augljóslega á Endo að það hefði ekki þurft að taka svona langan tíma. Bakhrinding og peysutog er ólögleg. Skildi ekki afhverju dómarinn eyddi svona löngum tíma í að skoða myndband af því.
Mér fanst dómarinn gera aftur á móti vel í að gefa leikmanni Palace rautt, því þeir voru búnir að tefja ólöglega áður í leiknum. T:d fór einn leikmaðurinn og ætlaði að taka boltann af Van Dijk þegar hann ætlaði að taka innkast, sem er klárlega gullt spjald. Geri ráð fyrir að dómaranir hafi verið að tala saman allan tímann og honum hafi verið bent á þetta.
Hver sem ástæðan er, mútur eða skortur á gæðum, þá finnst mér dómgæslan á Englandi vera skelfilega léleg. Þetta gerist orðið ítrekað í mörgum leikjum. Man City urðu fyrir þessu í síðasta leik gegn tottenham þegar hagnaðarregla var dreginn til baka. Það var reyndar vist réttlæti í því að Man City lendi í þessu líka því þeir hafa verið dálítið stikkfrí þegar það kemur að undarlegri dómgæslu.
17. desember getur ekki komið nógu snemma í ár!!
Er einhversstaðar hægt að horfa á leiki dagsins eftirá? Er að spyrja fyrir vin sem missti af fjósakonunum.
Klopp er maður leiksins hjá mér. Skiptingarnar hans í síðustu leikjum þar sem já við höfum bókstaflega verið með allt niðrum snýr alltaf öllu algjörlega við þetta er ekkert nema taktísk snilld sem er í gangi þarna.
Þetta er súrsætt ástand sem er í gangi..liðið okkar á að byrja betur en þeir hafa gert en það er auðvelt að vera kartafla í sófanum og æpa á imbann eins og maður gerir stundum.
Virkilega erfitt program sem er í gangi stanslausir leikir þétt saman og allt getur gerst.
Neðstu liðin geta gert skandal við efri liðin það eru engir hólpnir í því mikið af sýndum veiðum en ekki gefnar.
Höfum í raun verið að ströggla í nokkrum leikjum í röð en sigur vilji ásamt þessum breytingum hjá Klopp eru að koma þeim í gegn um þetta á réttum augnablikum.
Gaman að þessu á meðan það er og vonandi halda þeir áfram að ná úrslitum þrátt fyrir að leikirnir séu ekki alltaf flugeldasýningar.
Alisson hlýtur bara að vera maður leiksins þessar vörslur í þessum leik geta bara þeir allra bestu.
YNWA !
Efsta sætið!!
Top of the League!!
Meistaraheppnisbragur á þessum sigri, hefðum vel getað verið fleiri mörkum undir þegar Palace missa sinn mann af velli, en voðalega er gaman að sjá Klopp ítrekað tefla skiptingaskákina eins og stórmeistari, þær hafa verið óaðfinnanlegar undarfarnar vikur.
Heppni er ekki til…..
Við hér á Ystu Nöf erum yfirum og allt í kring svo hamingjusöm. Liverpool er á toppnum. Það er bara allt eins og það á að vera: Norðurljósin og Hagkaupsvagninn skín skær eins hún Sigga mín kallar Karlsvagninn.
Í þessum skrifuðu orðum þá fékk ég samtal um að Gunna spákona fékk mein í tána og er á bráðadeild svo nú kveð ég. Gunna spákona hefur haft rétt fyrir sér um síðustu fjóra leiki.
Kveðja frá Ystu Nöf.
Okkar leið á Everest….
Liverpool er núna að vinna leiki á breiddinni. LFC hefur nefnilega aldrei búið við jafn sterka breidd og varamannabekk sem sprengir leikina í seinni hálfleik með gæða ferskum fætum. Breidd liðsins gerir LFC að meistaraefnum.
Sammála breiddin að klikka inn þessar vikurnar….Arsenal vantar breiddina sem sást svo vel í dag….
Liverpool leiðir Premier League um miðjan desember 2023. Umsagnir stuðningsmanna Liverpool á Kop síðunni meðan á leik stóð:
“Það er orðið býsna langt síðan maður sá góða spilamennsku hjá Liverpool. Átakanlega lélegt… en svo sem ekkert nýtt. Virkilega slappt svo ekki sé meira sagt. Það vantar bit í sóknarleikinn. Guð minn góður hve slakt liðið getur verið. Margir ekki að spila á pari. Liðið á ekkert skilið fyrir þennan skítabolta sem þeir eru að spila. Held það sé frekar kominn tími á að losa okkur við Salah. Er ekki kominn tími til að hvíla frekar Nunes og þá hafa hann ekki í hóp. Það er orðið býsna langt síðan maður sá góða spilamennsku hjá Liverpool. Skítheppnir að vera ekki undir á móti Crystal Palace sem vantar á.m.k. 5 af sínum bestu mönnum. Þessi fyrri hálfleikur í takt við lélega spilamennsku undanfarið. Ekki viss um að þeir sleppi með það í dag. Enn og aftur Alisson að bjarga liðinu frá háðung og enginn leikmaður að spila vel. Ósköp er þetta máttlaust og hugmyndasnautt. Eigum ekki að vera í þessum vandræðum með þetta cp lið. Göngubolti eins og síðast en þá sluppum við. Þessi mátlausi sóknarleikur gengur ekki endalaust upp. Muniði hvenær við skoruðum “auðvelt” gott mark
síðast.? Mér líst ekki á að við séum að fara að skora sigurmarkið. Óverðskuldaður sigur eftir ömurlega frammistöðu. Þetta gengur ekki svona lengur.”
Hafa stuðningsmenn okkar virkilega enga trú á okkar mönnum. Af þessum umsögnunum að dæma er erfitt að skilja að þetta ömurlega lið sem spilar þennan skíta fótbolta leiði Premier League !!! Áfram Liverpool ! Áfram Klopp! Saman eruð þið eruð frábærir. Þessir endurkomu sigrar eru magnaðir og gefa mér trú að liverpool standi uppi sem sigurvegari í vor. Þið gefist aldrei upp og finnið alltaf leiðir til að vinna leikina. Annað sem er eftirtektarvert er að Liverpool er með bestu vörnina í Premier League.
Og bestu sóknina!
Góðir punktar Guðmundur….allir að klaga syndrom eða hvað á að kalla þetta hugarfar……
Margt til í þessu, en þetta væl er bara partur af LFC sálarlífi. LFC á mikið inni, og vèlin virðist bara fara í gang í seinni hálfleik. Það hefur dugað en mèr finnst eðlilegt að aðdáendur hafi áhyggjur, því það eru hættumerki í spilamennskunni sem besti markvörður heims hefur coverað að miklu leiti.
Ég á setninguna að menn væru flestir að spila undir pari. Get ekki séð það sem væl. Nokkuð viss um Klopp sé sammála menn geti gert miklu betur en það sem þeir sýndu okkur í gær.
Það er nú þannig
YNWA
Fullkomlega eðlilegt að menn ranti og fái útrás fyrir pirringinn á meðan leik stendur, alveg eins og þegar liðið er dásamað þegar vel er gert.
Sjálfur sagði Klopp eftir leikinn að þetta hafi verið lélegustu 75 mín sem hann hefur séð hjá okkar mönnum, en samt unnið leikinn.
YNWA
Góð samantekt Guðumundur þetta er ástæða þess að ég les aldrei umsagnir stuðningsmann Liverpool við meðan á leik stendur og þá les ég umsagnirnar heldur ekki eftir leik! Það er ekki þess virði og í raun skil ég ekki hvernig menn nenna að vera skrifa meðan leikurinn er í gangi því það myndi trufla svo mikið taugakerfið sem þarf að vera í standi til að geta haldið með okkar frábæra fótboltaliði sem gerir hlutina allt öðruvísi og hætti aldrei þó að á móti blási. Liðið okkar þarf stuðning nr 1.2 og 3 og pælið í þvi ef að allir stuðningmen liðsins sem væru á leiknum væru með sömu vantrúnna og við á leikdegi og drulluðu allan tíman með á leik stæði það væri ekki góður stuðningur að mínu viti en hvað veit ég er bara Liverpoolnörd að slá á lyklaborð.
YNWA.
Elliot hefur verið mikið hrósað í dag og er vel að því kominn. Spurning hvort hann nái að vaxa upp í að verða framtíðararftaki Salah? Örvfættur og í grunninn alls ekki ósvipaður Salah sem leikmaður, þótt hann hafi vitanlega ekki enn náð þeim hæðum enda ekki fengið tækifæri til og er bráðungur. Vonandi höldum við þessum leikmanni undir Klopp, og vonandi tekst Klopp að gera hann að heimsgæðaleikmanni áður en hann heldur heim til Þýskalands. Hann er ekkert svo langt frá því. Verður mjög spennandi að sjá hvernig spilast úr honum næstu 2-3 árin.
Jæja,þetta var erfið fæðing en sigur kom og 3 stig í pokann og þau telja öll,þó misfalleg þau eru.
Liverpool er óvænt farið að skora fyrir utan teig og fagna ég því!! Miðjan var þó alveg hörmung og að gaur eins Will Hughes geti skeint þeim aftur og aftur er ráðgáta sem erfitt er að leysa,en Endo átti í miklum erfiðleikum með hann og Gravenberch og Sly voru ósýnilegir í dag.
Scums næstir á dagskrá og Brúnó tékkaði sig út fyrir þann leik,sem segir allt um karakterinn sem býr í þeim pappakassa og United kalla fyrirliða sinn.
Alisson sýndi í byrjun leiks af hverju hann er besti markvörður deildarinnar og að mínu mati,besta varsla tímabilsins = AB1.
Here we are, top of the league… having problems.
Eitt skil ég bara alls ekki, hvernig aukaspyrnumark TAA hafi verið rankað sem sjálfsmark vegna viðkomu í markvörð, sem átti aldrei séns. Og svo hins vegar mark Salah, sem fór af CP manni og inn, en telst skorað mark af Salah. Gefi mér allar vættir, að ég þurfi ekki að hafa aðrar áhyggjur en þessar ofantöldu, út leiktíðina. Annars erum við bara í góðum málum, dálítið kallt þarna á toppnum, við bara klæðum okkur eftir því.
YNWA
Ástæðan er sú að ef Leno hefði ekki verið þarna, þá hefði boltinn skoppað aftur til baka inn á völlinn, hann var semsagt ekki á leiðinni í markið (burtséð frá því hvort það var einhver snúningur á boltanum sem hefði hugsanlega getað látið hann skoppa í markið, við munum aldrei geta fullyrt um það). Hins vegar með markið sem Salah skoraði, þá er ljóst að skotið frá Salah var á markið. Hvort markvörðurinn hefði varið ef boltinn hefði ekki farið í varnarmanninn er líka engin leið að segja, en um það er ekki spurt.
Þakka þér fyrir svarið Daníel, sem er mjög gott. En skot TAA var á markið! En eins og ég sagði, ef mínar áhyggjur eru ekki af meiri stærðargráðu, þá er ég ánægðasti LFC aðdáandi heimsins, þó víðar væri leitað.
YNWA
Einnig má minnast á innkomu Joe Gomez. Stóð sig vel þegar hann kom inn. Teygði á þeim í CP og skapaði hættu, ursla og pláss fyrir aðra. Hann er ekki alltaf uppáhalds þegar greyið er settir í bakvörðinn en i þessum leik var hann einn af þeim fáu sem stóðu sig