Atalanta 0 – 1 Liverpool (3-1)

Mörkin

0-1 Salah (5.mín, víti)

Hvað réði úrslitum

Spilamennska liðsins í þessum tveimur leikjum var til skammar. Það má auðvitað benda á stór atriði eins og færið hans Darwin í fyrri leiknum og færið hjá Salah í fyrri hálfleik í þessum leik en ef við horfum á þetta í heild sinni þá átti liðið bara ekkert skilið að fara í undanúrslit….. í Europa League.

Þetta er bara sá tímapunktur tímabilsins þar sem að hver leikur er úrslitaleikur – við erum að tapa þeim einum af öðrum og eigum nú eina keppni eftir þar sem að líkurnar eru ekki með okkur. Bæði er formið á okkur þannig að ég óttast sunnudaginn en einnig er City bara lið sem lætur ekki af hendi forystu, því miður.

Hvað þýða úrslitin

Það er frekar einfallt, evrópuleikir Liverpool undir stjórn Klopp verða ekki fleiri. Það er þyngra en tárum taki.

Hvað hefði mátt betur fara?

Í einvíginu sjálfu? Markvarsla, varnarvinna, tengin miðju og varnar, tenging miðju og sóknar, sóknarleikur og nýting.

Fyrir það fyrsta, Liverpool á aldrei að tapa 0-3 á Anfield. Það á bara ekki að gerast, sama hver andstæðingurinn er. Leikur liðsins var í algjöru ójafnværi í báðum þessum leikjum. Varnarleikur liðsins var betri í seinni leiknum en líklega var stór ástæða þess að heimamenn þurftu ekki að leita að marki. Miðjan var jafn týnd og hún hefur verið síðustu 2 vikurnar og sóknin var algjörlega geld nánast allann leikinn.

Horfandi á það að við héldum hreinu (loksins), þá hefði allur sóknarleikur liðsins mátt fara betur. Allt frá öftustu línu og fram á topp – og lítið breyttist við skiptingarnar.

Næsta verkefni

Það er stutt á milli stríða. Næsta verkefni er á sunnudaginn þegar við heimsækjum Fulham í deildinni. City á ekki deildarleik þessa helgina (undanúrslit í FA bikanum) svo það er mikilvægt að við gerum það sem við getum.

Þar til næst

YNWA