Daníel Sigurgeirsson
Við höfum hingað til látið nægja að kynna nýja leikmenn kvennaliðsins í opnunarpósti tímabilsins, en í dag var klúbburinn að borga hæstu upphæð sem félagið hefur greitt fyrir leikmann kvennaliðisins, þegar Olivia Smith kom til Liverpool fyrir litlar 250 þúsund evrur. Þetta er upphæð sem dugir til að setja hana á lista yfir 10 dýrustu leikmenn úrvalsdeildarinnar. Það er talið að Sophie Roman Haug hafi verið dýrasti leikmaður félagsins fram að því, og hafi væntanlega verið keypt fyrir u.þ.b. 100 þúsund pund.
Olivia kemur frá Sporting Lissabon, en er kanadísk að uppruna og er aðeins 19 ára en þykir gríðarlegt efni. Hún var valin ungi leikmaður ársins í portúgölsku deildinni á síðasta tímabili, skoraði 13 mörk og átti 9 stoðsendingar í 18 leikjum sem verður að teljast bara ljómandi gott. Sjáum t.d. hér eitt marka hennar:
WSL, say hello to Olivia Smith.
— SHE scores bangers (@SHEscoresbanger) July 2, 2024
Velkomin Olivia!
