Einar Matthías
Þvílík vika, Real Madríd var pakkað saman í miðri viku og Man City jafnvel ennþá meira sannfærandi um helgina. Liverpool er afgerandi á toppnum allsstaðar fyrir vikið. Framundan eru tveir erfiðir útileikir, Newcastle á St. Jamses áður en Liverpool heldur í síðasta skipti yfir Stanley Park til að spila í Guttagarði. Ljómandi að losna við þá úr hverfinu.
Ögurverk liðið er á sínum stað, það var töluverð barátta um fagmann vikunnar í boði Húsasmiðjunnar
Happatreyjur.is – Gjafaleikur
Minnum áfram á Happatreyjur.is eru auðvitað jólagjöfin í ár, endilega kynnið ykkur málið á happatreyjur.is.
Lesendur Kop.is geta notað afsláttakóðan afsláttakóða KOP10
Stjórnandi: Einar Matthías
Viðmælendur: SSteinn og Maggi
Þökkum að vanda samstarfsaðilum þáttarins fyrir að hjálpa okkur að halda síðunni úti.
Egils Gull / Húsasmiðjan / Verdi Travel / Ögurverk ehf / Done
MP3: Þáttur 499
Þegar Michael Edwards hætti hjá Liverpool varð maður var við talsverðar breytingar. Völdin virtust færast meir í hendur Klopp. Klopp var sérlega trúr sínum leikmönnum sem hafði í för með sér að liðið fór að eldast og endurnýjunin var lítil. Ástæða þess að Keita og Ox voru ekki seldir virtist vera Klopp.
Man City hafa haft hægt um sig á markaðnum undanfarin ár, liðið er að eldast og maður spyr sig hvort Guardiola sé nú á svipaðan hátt og Klopp var,, of trúr sínum leikmönnum.
Maður hefur séð marga leikmenn sem voru um og yfir þrítugt fá langa risasamninga sem virtust meika fullkomin sens en reyndust vera hræðileg ákvörðun, dæmi: Aubameyang, Ozil, Alexis Sánchez, Casemiro.
Margir voru brjálaðir þegar LFC létu Winjaldum renna út á samning, en eftir á að hyggja reyndist það vera hárrétt ákvörðun þó hann hafi ekki verið nema 31 árs þegar hann fór til PSG.
Í fyrra gerði Kyle Walker 3 ára risasamning við City. Í dag er hann (34 ára) í fyrsta skipti á ferlinum að missa leikmenn framhjá sér og virðist hreinlega búinn sem leikmaður í hæsta klassa.
Maður gerir ráð fyrir því að Van Dijk og Salah vilji 3 ára samninga en svo virðist vera að LFC ætli einungis bjóða þeim eitt ár.
Það er nokkuð ljóst að þeir eru aldrei að fara að fá 3 ára samninga og ef samningar eiga að nást verða leikmennirnir að gefa eftir.
Svo það er líka leikmannanna að sýna að þeir vilji virkilega vera áfram.
Svo virðist vera sem Hughes og Edwards vinni eftir strúktur sem þeir ætla að fara eftir.
Slúðrið frá The Athletic segir að Salah sé það ólmur í að vera áfram hjá LFC að hann sé nú tilbúinn að skoða þann möguleika að semja til eins árs (tökum því með fyrirvara).
Svo spyr maður sig hvort ein af ástæðum þess að VVD og Salah séu að leika svona frábærlega sé sú að þeir eru á lokaári samnings?
Stuttir samningar hafa oft þann kost í för með sér að menn leggja meira á sig og spila betur og vert er að hafa í huga að þó þeir séu að spila frábærlega í dag er ekki á vísan að róa með að verði eftir tvö ár.
TAA er svo annað dæmi,, en það er helst talað um hann geri óraunhæfar peningakröfur og að strúktúrinn hjá LFC verði ekki beygður.
Manni er líka farið að lengja eftir fréttum af samningsmálum Konate og Diaz.
Akkúrat þetta. Hef beint á þetta þegar menn eru í FSG OUT vagninum
að það er hreinlega spurning hvort það sé félaginu til tekna að sitja uppi með tvo launaháa pósta í 3 ár
maður hefur séð það svo oft að menn geta dottið yfir hæðina á einu ári.
Það gæti kostað lægð í heilt tímabil sem gæti svo orðið lengra. Liverpool þarf stöðugt að vera endurnýja sig og reyna halda sér á þeim stalli sem það er í dag.
en aðal staðreyndinn er sú að Dijk og Salah verða ekki eilífðir og farið að styttast vel í annan endan.
eina sem maður vonar er að liðið nái að fylla þeirrar stöðu með vægri lendingu svo miklir lykilmenn eru þetta.
TAA er svo annað mál, ég vona innilega að hann sé tilbúinn að semja innan ramma félagsins. spurningin er einfaldlega sú núna.
Konate: Fabrizio Romano póstaði því í Okt. að viðræðum milli hans og félagsins gengu vel.
svo hefur ekkert gerst.
Diaz. eina sem maður les um að hans framtíð er óljós.
Mögulega er spurning hvort að önnur lið séu en að hækka sig í þrep á launaskalanum. sem Liverpool þarf svo að taka líka.
En svo getur bara vel verið að menn treysti hvor öðrum það mikið að menn séu að einbeyta sér af því að klára verkefnið sem er í gangi og allar svona viðræður séu bara gerðar rólega og eru í raun gott sem klárar.
1 ár á VVD og Salah er ásættanlegt imo þá þarf maður ekki að spá í þessu fyrr en 2026.
Og eins og menn koma inná þeir eru ekki að fara yngjast því miður !
En getum ekki látið Trent labba frítt það má bara alls ekki gerast Liverpool á ekki að vera í þessari stöðu
maður vill sjá hann fá góðan samning og hann vilji vera áfram hjá Liverpool verð hrikalega pirraður ef hann fer til Real.
Manni finnst Diaz standa sig vel og gott að hafa þennan leikmann í hóp ásamt Gakpo við erum með lúxus vandamál hverjir eiga byrja leiki þar á bæ en að sjálfsögðu skilur maður að menn vilji spila alla leiki það er eðlilegt fyrir svona góða leikmenn.
Vonandi fara koma góðar fréttir með samningamál Hughes og co fara spíta í lófana ná þessu í gegn ekkert kjaftæði !
Ég er nú meira en svolítið undrandi á þessari ráðstöfun. Tek undir með pundittunum í þættinum að best væri að setja Alisson á söluskrá.
Kelleher hefur verið stórbrotinn og óháð hæfileikum Alissons þá gildir hið fornkveðna: ,,The best ability is availability”
Svo væri gaman ef litla MU stæði uppi í hárinu á Arsenal annað kvöld og næði amk jafntefli…. Nott. Forest gæti svo strítt Pep og þá verður fróðlegt að fylgjast með umræðunni!
Takk fyrir góðan þátt – sérstaklega gaman að fá þetta svona fyrri hluta viku – það er dæmi um að það gengur vel hjá okkar mönnum þegar þættirnir lenda snemma 🙂
Fyrsta kortérið í þessum leik á móti Man City er einhver mesta flenging sem ég hef séð á knattspyrnuvellinum. Þegar maður var búinn að taka í sátt nálgun Slot á að possession vinnur ekki endilega leiki þá ákveður hann bara að setja þumalskrúfurnar á Pep og bensíntittina hans. Þvílíkt og annað eins – no joke, staðan hefði getað verið 4-0 á fyrsta kortérinu.
Sama var upp á teningnum með Real Madrid – þeir sáu ekki til sólar, hvað þá Mbappé sem mun eflaust naga sig í handarbakið að hafa ekki látið slag standa og komið til Liverpool á sínum tíma – megi hann rotna í þessum hreinsunareldi á Spáni þar til hann fer að hegða sér eins og maður.
Nú er prófið á Slot komið – getum við ekki farið að segja það að titillinn er okkar að tapa úr þessu?
Hlakka mikið til að sjá hvernig okkur farnast síðan á móti minnimáttar-liðunum í þessari viku og bæta 6 stigum við sarpinn.
Ég elska síðan svona gott take en ég myndi aldrei fyrir mitt litla líf selja Alisson frá okkur fyrr en við förum að sjá einhver dramatísk veikleikamerki í leiknum hjá honum. Nafni minn veit það vel að munurinn á einstökum markvörðum og góðum markvörðum er hvernig vörnin er fyrir framan þá. Karius, okkar besti maður, varð allt í einu góður markvörður þegar VVD var kominn í vörnina þannig að Kelleher, okkar besti rauðhærði Íri, er ekki á sama pari og Alisson en það sem hann nýtur góðs af er að hafa bestu vörn í Evrópu fyrir framan sig.
Að því sögðu, þá hlakka ég mikið til að sjá samningamálin klárast núna í desember. Eins miklir business-menn og Edwards & co. eru ásamt FSG þá vita þeir vel að það væri glapræði að láta leikmenn metna hátt á hálfan milljarð punda labba út um dyrnar í janúar.
Áfram að markinu – YNWA!
Eitt er þó það sem ég hef ekkert séð á miðlum en Háland var hvergi sjáanlegur í leiknum og hann er gersamlega hörmulegur í stóru leikjunum og samvinna vörn og miðju sáu til þess að blondínan var ósýnilegi maðurinn í leiknum. En Man City leikmenn eru oft súkkulaðikúlur í fjölmiðlum og vel passað upp á þá.
Svona til að hlægja aðeins 😀
https://www.youtube.com/watch?v=d4zbFY2tzNs
Ég veit ekki alveg hvernig þið viljið flokka þetta eftir stöðum. Hér eru því leikmenn sem eru áttur (central mid) og tíur (attacking mid) í einum hrærigraut. Þið ráðið að sjálfsögðu hvernig þið viljið stilla Ögurverksliðinu upp en ef ég væri að velja þetta mundi ég stilla upp í 4-4-2, taka einn úr þessum hópi og eiga svo tvær stöður eftir fyrir framherjana því þar er svo sannarlega enginn skortur á brostnum vonum. Annar möguleiki væri að velja tvo úr þessum hópi og velja svo þrjá framherja/kantmenn og spila þetta sem 4-3-3 en það má líka bara spila hefðbundið 4-3-3/4-2-3-1 og hrúga strækerum á bekkinn.
Jamie Cassidy (1996-99) – Þótti efni. Cassidy er ári eldri en Jamie Carragher sem sagði meðal annars að ef hann hefði ekki lent í meiðslum þá hefði hann klárlega orðið fastamaður i liði Liverpool. Í staðinn fór ferillinn alveg í vaskinn. Hápunkturinn eru 8 leikir með Cambridge United. Í mars á þessu ári var hann svo dæmdur í 13 ára fangelsi fyrir aðild að alþjóðlegu eiturlyfjamáli og peningaþvætti.
Anthony Le Tallec (2002-08) – Annar helmingurinn af frönsku demöntunum sem Gerard Houllier sótti til Le Havre. Ásamt Florent Sinama-Pongolle slógu þeir í gegn með franska U17 ára landsliðinu og áttu að vera framtíð franska landsliðsins sem var nú nokkuð sterkt á þessum árum. Houllier var nú ekki beint að tala væntingarnar þeira niður. Mögulega ætti Le Tallec frekar að teljast með framherjum en hann var líka notaður aðeins aftar á vellinum og því leyfi ég honum að slæda með hér. Skemmst er frá því að segja að frönsku demantarnir náðu aldrei að standa undir þeim gríðarlegu væntingum sem voru gerðar til þeirra, Sinama-Pongolle átti þó aðeins betri feril en Le Tallec sem spilaði 32 leiki fyrir Liverpool á þremur tímabilum og skoraði eitt mark. Var svo mikið á láni og fór að lokum frá okkur 2008 til Le Mans. Hann átti svo sæmilegan feril þar sem hann var mest að flakka á milli Ligue 1 og Ligue 2 í Frakklandi en komst aldrei nálægt þeim hæðum sem vonast var til.
Darren Potter (2003-07) – Írskur unglingalandsliðsmaður sem spilaði alls 17 leiki með aðalliði Liverpool á fyrstu árum Benitez, bæði í deild, bikarkeppnum og meistaradeildinni. Var seldur til Wolves fyrir 250 þúsund pund og átti svo ágætisferil i Championship og League One. Á einnig fimm A landsleiki fyrir Írland.
Danny Guthrie (2005-08) – Enskur unglingalandsliðsmaður sem hóf feril sinn hjá Manchester United. Spilaði 7 leiki fyrir Liverpool áður en hann var lánaður til Bolton þar sem hann stóð sig vel og Newcastle keypti hann fyrir rúmar 2 milljónir punda. Var í nokkuð stóru hlutverki þar til að byrja með en svo smám saman minnkaði hlutverk hans. Fór þaðan til Reading og flakkaði svo á milli liða í Championship. Fór svo eitt ár til Indonesíu, kom til baka til Englands og spilaði tvö tímabil með Walsall í League Two áður en hann kom og spilaði með Fram á Íslandi í fyrstu deildinni og endaði ferilinn þar. Guthrie hefur verið í töluverðu fjárhagsbasli sem virðist aðallega mega rekja til veðmálaskulda og lýsti yfir gjaldþroti árið 2022.
Dani Pacheco (2007-13) – Má segja margt það sama um Dani Pacheco og Anthony Le Tallec. Mögulega meiri framherji eða kantmaður en gat líka spilað sem sóknarsinnaður miðjumaður. Væntingarnar til hans voru líka mjög miklar. Liverpool “stal” honum úr akademíu Barcelona sem hafði nýlega skilað upp mönnum eins og Messi, Pedro, Pique, Fabregas, Busquets, Bojan og fleirum og átti Dani Pacheco að vera næstur í röðinni. Hjá Liverpool spilaði hann 17 leiki, flesta í Europa League, og tókst ekki að skora mark. Var lánaður í Championship deildina og til Spánar en náði hvergi að slá mikið í gegn. Fór frá Liverpool til Alcoron í næstefstudeild á Spáni og spilaði mest í þeirri deild áður en hann fór á smá flakk til Kýpurs og Póllands. Er 33 ára í dag og spilar með Wis?a P?ock í næstefstudeild í Póllandi.
Jonjo Shelvey (2010-13) – Veit ekki hvort hann er brostin von þar sem hann átti nú smá feril hjá Liverpool en einhvern veginn vonaðist maður eftir meiru frá honum. Var keyptur 18 ára á ágætispening frá Charlton þannig að maður var með nokkrar væntingar. Hann spilaði nú alveg slatta (69 leikir og 7 mörk) á þremur árum áður en hann var seldur til Swansea. Fór þaðan til Newcastle þar sem hann var í stóru hlutverki í átta ár. Átti svo misheppnuð skipti yfir til Nottingham Forest en spilar í dag í Tyrklandi. Á að baki 6 landsleiki fyrir England og fjölda unglingalandsleikja.
Joao Carlos Teixeira (2012-16) – Portúgalskur unglingalandsliðsmaður sem við fengum 19 ára frá Sporting. Fékk 8 leiki hjá Liverpool, flesta í bikarkeppnum. Fór frá Liverpool til Porto eftir að samningurinn rann út en náði ekki að festa sig í sessi þar. Flakkaði um Portugal og fór svo til Feyenoord. Á öðru tímabilinu sínu hjá Feyenoord hitti hann fyrir Arne Slot sem gaf honum tvo leiki áður en hann losaði sig við hann aftur til Portugal. Fór svo að elta peninginn til Qatar og Kína. Spilar í dag með Shanghai Shenhua.
Cameron Brannagan (2014-18) – Uppalinn leikmaður sem á nokkra unglingalandsleiki fyrir England. Spilaði 9 leiki fyrir Liverpool í deild, bikar og Europa League á fyrsta tímabili Jurgen Klopp. Var svo lánaður til Fleetwood áður en hann var seldur fyrir 200.000 pund til Oxford þar sem hann hefur spilað síðan, alls tæplega 300 leiki, mest í League One en eru nú komnir upp í Championship deildina.
Sergi Canos (2013-16) – Annar miðjumaður/kantmaður sem við sóttum til Barcelona í La Masia. Á einn leik fyrir Liverpool, en var mest á láni hjá Brentford og stóð sig ágætlega þannig að Norwich keypti hann á talsverðan pening eða allt að 4,5 milljónir punda. Ekki held ég að við höfum fengið allan þann pening þar sem hann spilaði bara 6 leiki fyrir Norwich og var seldur á svipaða upphæð til Brentford þar sem hann stóð sig vel og hjálpaði til að koma þeim upp í Premier League og spilaði með þeim þar fyrstu tvö árin. Er 27 ára í dag og spilar með Valencia á Spáni.
Ovie Ejaria (2014-20) – Enskur unglingalandsliðsmaður sem við sóttum i akademíu Arsenal. Spilaði samtals átta leiki fyrir Liverpool á öðru tímabili Jurgen Klopp. Fór svo mikið á lán en var svo seldur fyrir 3,5 milljónir punda til Reading. Yfirgaf Reading í desember 2023 og hefur verið án félags síðan.
Bobby Clark (2021-24) – Var sóttur 16 ára til Newcastle árið 2021 þar sem pabbi hans er goðsögn. Talið er að Liverpool hafi greitt allt að 1,5 milljónir punda fyrir hann sem er nú talsvert fyrir 16 ára kjúkling. Hann er að sjálfsögðu ein af hetjunum okkar sem tryggði okkur deildarbikarinn á þessu ári og vonaði maður að hann gæti orðið hluti af framtíðarliði Liverpool. Ekki virðast Michael Edwards og félagar hafa það mikla trú á honum þar sem hann var seldur til Pep Lijnders og félaga í Salzburg í sumar. Kannski var það bara að 10 milljónir punda auk sell on klásúlu hafi einfaldlega verið of gott tilboð til að hafna. Hugsanlega er einhver buyback klásúla þannig að við getum sótt hann aftur, hann er nú bara 19 ára en telja verður heldur ólíklegt að hann verði einhver lykilleikmaður hjá Liverpool í framtíðinni.