Daníel Sigurgeirsson
Þá er hinn eitilharði Nat Phillips genginn til liðs við WBA eftir að hafa átt stuttan (8 ár eða svo) feril með Liverpool, þar af allnokkrum sinnum á láni hjá öðrum félögum. En í þau skipti sem hann var hjá Liverpool gaf hann allt í leikinn, og yfirgefur klúbbinn sem “legend”. Tímabilið 2020-2021 mun að eilífu verða greypt í minni okkar, þar sem hann átti þátt í því að meiðslahrjáðasta lið Liverpool síðustu áratuga náði 3ja sæti.
Hver er ykkar helsta minning af Nat Phillips? Hendið því endilega í athugasemdirnar hér fyrir neðan.
Þessi sala þýðir einhverjar 3 millur í kassann, og líkur á að veskið hjá Edwards og Hughes eigi eftir að fitna enn meira því Jarell Quansah er líklega að fara til Bayer á einhverjar 30 millur plús 5 í klásúlur. Téð veski mun nú reyndar þynnast talsvert á móti þegar Milos Kerkez verður kynntur sem nýr leikmaður félagsins, væntanlega á morgun ef trúa má slúðrinu.
Annars er orðið laust, svo ef þið hafið heyrt eitthvað áhugavert slúður er um að gera að deila því.
Hvað ætti Slot að gera varðandi Konate, nokkuð ljóst að hann ætlar sér frítt til real á næsta ári. Sagt að hann hafi neitað nýjum samning.
Ég vona að við fáum þennan Guehi frá Palace og Konate sitji á bekknum allt tímabilið ef hann ætlar sér ekki að skrifa undir, eða bara bjóða real að fá hann ódýrt núna í sumar, betra en að missa hann frítt.
Konate og Trent skyggja aðeins á þennan glugga en ef þeir vilja spila fyrir real þá bara verði þeim að góðu, vil bara ekki missa þá báða frítt.
https://www.youtube.com/watch?v=5FxVYmN_stw