Rodgers ræðir við LFC miðla / Janúarglugginn

Brendan Rodgers gaf helstu Liverpool vefsíðunum (fyrir utan Kop.is) færi á spjalla við sig í síðustu viku, líkt og hann gerði fyrr á þessu tímabili. Frábært move hjá honum enda er þarna maður sem getur talað á mannamáli og nokkuð umbúðalaust við stuðningsmenn og með þessu er hægt að koma skilaboðum til stuðningsmanna og svara spurningum án þess að þurfa að óttast að innihaldið fari forgörðum og úr verði fyrirsögn með frétt sem er nánast aukaatriði.

Anfield Wrap er með link á þennan rúmlega klukkutíma langa blaðamannafund hérna

En ég ætla aðeins að skoða þetta út frá þeim punktum sem Dan Kennett (fulltrúi Tomkins Times) tók saman að fundi loknum með mínum vangaveltum í bland.

Rodgers um vandræði innanvallar
Stærsta vandamálið er upp á toppi, liðið er ekki að nýta færin nógu vel þó hann sé ánægður með hvað liðið er að skapa mikið af færum. Hann hefur t.d. talað við Raheem Sterling og sagt honum að til að halda sæti sínu í liðinu verði hann að skora meira og búa til meira af mörkum. Ákvarðanataka inni í teig hefur oft á tíðum verið slæm í vetur hjá liðinu.

Rodgers  um Aston Villa
Vikan fyrir Aston Villa leikinn var fyrsta vika tímabilsins sem var alveg hrein. Þ.e. engin leikur eða landsleikur í miðri viku. Daginn fyrir leik voru allir spenntir og tilbúnir í slaginn en eins og gegn Arsenal var þetta meðal verstu leikja okkar í vetur. Eitthvað sem hann skrifar á kæruleysi og maður les milli línana að Rodgers hefur farið hressilega yfir þetta tap eftir leik.

Rodgers um lausnir til að laga vandræði liðsins
Liðið er búið vera í mikilli sérþjálfun á æfingavellinum undanfarna mánuði. Rodgers hefur verið að reyna stimpla inn í hvern og einn hvernig hlaup eigi að taka og slíkt, sérstaklega inni í vítateig. Jose Enrique hefur t.a.m. hlustað vel og er farinn að gera það sem fyrir hann er lagt með mjög góðum árangri. Hann segist hafa nýtt sl. 6 mánuði í að reyna ná hámarksárangri út úr því sem hann hefur í höndunum (eins og allir stjórar ættu reyndar að gera).

Hann útskýrði t.a.m. af hverju Johnson hefur verið að spila vinstri bakvörð þrátt fyrir að vera einn besti hægri bakvörður í heimi, það kom liðinu betur. Enrique og Downing eru að taka of mikið af sömu hlaupunum sóknarlega og flækjast þannig fyrir hvor öðrum. Enrique vill alltaf overlappa þegar hann sækir framávið og þarf að spila með einhverjum sem tekur hlaup inn á miðju frekar en sama hlaup upp vænginn. Þess vegna passar það mikið betur þegar Johnson spilar hægramegin með Downing fyrir framan sig. Þaðan á hann mikið auðveldara með að koma með hlaup inn á miðju og eins og Fulham fékk að kynnast getur það verið stórhættulegt.

Shelvey skoraði 6 mörk í 11 leikjum þegar hann spilaði sem vinstri kantframherji hjá Blackpool sem skýrir af hverju hann hefur verið að spila þá stöðu sl. þrjá leiki. Hann er þá hugsaður sem leikmaður sem getur komið með hlaup inn á miðju og opnað fyrir hlaup frá bakverðinum.

Shelvey og Downing eru líklega hvorugur eitthvað sem Rodgers sér í þessum stöðum til eilífðar en það skásta sem hann hefur úr að moða núna í því sem hann er að reyna að gera. Sama má segja um Suso eða Sterling (o.s.frv.) og þetta skýrir ágætlega af hverju hægrifótarmaður er á vinstri kanti og öfugt.

Rodgers um núverandi hóp
Leikurinn gegn Fulham var 30.leikur ársins. Við erum með of lítinn hóp.

… um Jose Enrique
Liverpool hefur eignast leikmann í vetur sagði hann um spánverjann.

…um Jordan Henderson
Verðmiðinn hefur hamlað honum en það er enginn vafi að hann er góður leikmaður. Hann er frábær íþróttamaður og vill alltaf hlusta og læra til að bæta sig.

Rodgers um síðasta leikmannaglugga
Hörmung. Dempsey var helsta skotmarkið en það átti aldrei að gerast að enda uppi svona fáliðaðir.

Rodgers um janúar gluggann
Janúar snýst um að forgangsraða og finna út hvað það er sem við þurfum núna. Því fyrr því betra. Spurningunni um hvernig fullkominn janúar líti út þá sagði Rodgers að tveir leikmenn, hámark þrír væri frábær gluggi. Það er búið að gera fjárhagsáætlun fyrir allt árið en sama klúður og í sumar er ekki í boði núna. Ef réttir leikmenn eru í boði á láni eða lítinn pening verður það skoðað.

Rodgers um næsta sumarglugga
Það verður forgangsraðað öðruvísi næsta sumar. Vinstri bakvörður er klárlega staða sem við viljum styrkja segir Rodgers. Jack Robinson hefur verið frábær en þarf núna að fá leikreynslu og spila fleiri leiki gegn leikmönnum á réttu getustigi m.v. hvar hann stendur núna. (Hljómar eins og hann sé að fara á láni sem og reyndar fleiri leikmenn).

Eins þarf að kaupa leikstjórnanda ‘‘einhvern sem spilar tíuna“. Það er eitthvað sem hljómar mjög mjög vel að mínu mati.

Rodgers um hvort það sé stefna að kaupa unga leikmenn
Liðið þarf að finna jafnvægi milli eldri og yngri leikmanna. Eigendurnir elska unga hæfileikaríka leikmenn sem geta verið hjá okkur í 10 ár eða meira. Fyrir Rodgers snýst þetta um að finna bestu leikmennina í boði hverju sinni. Hann áréttar að Liverpool sé ekki selling club. (m.ö.o. hressandi common sense).

Rodgers um sóknarmenn
Hann vill duglega leikmenn. Leikmenn sem hafa hungur og vilja skora. (Borini).

Eins þarf liðið einhvern til að spila milli vítapuntsins og marksins. Náttúrutalent, leikmann sem er það eðlislægt að skora.  Skiptir engu máli hvort hann er lítill eða stór svo lengi sem hann er hreifanlegur og hefur getu og vilja til að skora. (Mikil vonbrigði að enginn stakk upp á Robbie Fowler).

Rodgers um Luis Suarez
Hann sér Suarez ekki fyrir sér í því hlutverki sem hann er að spila í dag. Þessa níu upp á toppi sem leiðir sóknarleikinn. Hann getur spilað í holunni milli miðju og sóknar eða á öðruhvorum vængnum. Hans helsti styrkleiki er hvað hann er skapandi og hreifanlegur en með þannig leikmann er nauðsynlegt að hafa einhvern fyrir framan hann til að njóta góðs af og klára færin.

Þetta hljómar líklega eins og tónlist fyrir fleiri en bara mig.

Rodgers um hans nálgun
Honum er skítsama um leikkerfið þannig séð, hann hugsar aðallega út í leikstílinn. Skiptir hann engu hvort það er 4-5-1, 4-3-3, 4-2-3-1 eða hvað sem er meðan liðið spilar hans pressu fótbolta. Hann vill byrja leiki af krafti og halda haus í 90 mínútur í hverjum leik. Hann vill stjórna leikjum og pressa stöðugt. Gefa andstæðingnum aldrei frið.

Rodgers um dómara
Hann vildi ekki ræða dómara mikið eða kenna þeim um per se en það skapaðist umræða um þessa ótrúlegu dómgæslu sem við höfum fengið í vetur, hann sagði að loksins þegar við fengjum víti myndi þeim rigna inn og eins kom Rodgers inná að krakkinn sem var á línunni í Norwich leiknum, þegar Suarez fékk ekki augljósasta víti allra tíma var sami línuvörður og dæmdi markið af okkur á lokamínútunum gegn Everton. Hann sagði reyndar líka að línuvörðurinn hafi verið alveg miður sín eftir Everton leikinn er hann fór á fund dómara eftir leik. (Gott, sögðu fulltrúar vefsíðanna:)

Hann er búinn að tala við formann dómarasamtakanna, sem gerði bara ill verra og hann fékk meira að segja Kevin Friend, EPL dómara á æfingu til að dæma hjá liðinu og skýra út hvað þeir eru að gera vitlaust því liðið hefur hreinlega ekki fengið neitt frá dómurum í vetur.

Rodgers að lokum um frammistöðu liðsins til þessa og markmið
Hann var nokkuð sáttur við liðið þar til fyrir Villa leikinn m.v. þau spil sem hann fékk að spila úr. Liðið setti sér markmið í upphafi tímabilsins og skv. Rodgers getum við ennþá náð þeim, kemur m.a. inná að liðið geti ennþá náð topp 4 í deildinni. Hann bjóst við að vera með fleiri stig núna heldur en liðið er með og sagði að liðið þurfi að koma sér í betri stöðu. Hann er núna með 3 ára samning og hefur trú á að hann muni bæta leik liðsins á hverju tímabili. Hann er núna að innleiða sína hugmyndafræði og strúktúr og segir liðið vera á réttri leið og þurfi að halda áfram.

Vonandi fylgir árangur þegar þessum markmiðum hefur verið náð.

Með Brendan Rodgers við stjórnvölin finnst mér svona fundir algjör snilld og þetta hjálpar mikið til við að skilja hans sýn á hlutina þó maður hafi að einhverju leiti ónotatilfinningu yfir því að stefna klúbbsins sé rædd svona opinskátt. Líklega er maður bara svo óvanur því.

Ég er ekki viss um að svona fundir væru alveg janfn sniðugir meðan við vorum með Dalglish og hvað þá Roy Hodgson, raunar held ég að það hefði verið hörmung hjá þeim seinni. Rafa Benitez hefði á móti líklega unnið mjög marga á sitt band með þessu móti og er að mér finnst líkur Rodgers að mörgu leiti.

Rodgers er að tala á mannamáli og það er alveg skýrt hvað hann er að reyna gera á Anfield. Það er margt sem ég hef efasemdir um hjá Liverpool í dag en Rodgers er ekki eitt af því og svona fundir hjálpa til við að styrkja þá skoðun. Reyndar fer tal um möguleika á 4.sæti eða gengi í næstu leikjum í taugarnar á mér og ég held að það hafi tekið fókusinn af Aston Villa leiknum í síðustu viku.

Núna fyrir þessa umferð sjáum við svo okkar gamla stjóra neita að tala neitt um væntingar til tímabilsins eða neitt í þá áttina. Fókusinn var bara á að vinna næsta leik sem var gegn Aston Villa fyrir tilviljun…sem þeir unnu 8-0 og voru óheppnir að vinna hann ekki stærra. Þessi svör Benitez fyrir Villa leikinn hljómuðu mjög kunnuglega enda það sem hann innleiddi hjá Liverpool og þetta er eitthvað sem Rodgers sem og aðrir starfsmenn Liverpool í dag þurfa að tileinka sér.

Það er ekkert rosalegt sem kom fram hjá Rodgers og ekkert sem kemur gríðarlega á óvart, þetta er að mestu common sens þó vissulega geti maður núna varla beðið eftir næstu leikmannagluggum. Það er reyndar eitthvað sem við höfum gert frá 1.september.

Janúarglugginn

Annars langar mig að enda þetta á að velta aðeins fyrir mér janúargluggangum og minnimáttarkennd margra stuðningsmanna Liverpool fyrir leikmannakaupum. Ég veit að janúar glugginn er erfiðari en sumarglugginn en hann er langt frá því að vera vonlaus og við höfum fengið fullt af góðum leikmönnum til liðsins í þessum glugga.

Liverpool getur ekki boðið upp á meistaradeildarsæti þó liðið stefni klárlega á að geta það á næstu tímabilum. Eðlilega gerir þetta það að verkum að hluti markaðarins er lokaður fyrir okkur, leikmenn á vissum aldri eða stað á sínum ferli vilja bara spila fyrir þá klúbba sem eru að keppa á toppnum og í dag bjóðum við ekki upp á það þó við séum á móti alveg samkeppnishæf við marga meistaradeildarklúbba í því sem skiptir meira máli en þessi keppni, launum.

Ég bara skil ekki þessa rosalegu minnimáttarkennd sem komin er í marga þegar kemur að leikmannakaupum Liverpool. Ég náði þessu ekki í fyrra og fannst FSG sleppa helvíti vel frá síðasta janúarglugga hvað varðar pressu frá stuðningsmönnum, sumarið var svipað en núna komast þeir ekki hjá því að styrkja liðið og virðast vita það.

Stærsti hluti leikmanna í Evrópu (og heiminum) væri meira en til í að spila fyrir Liverpool gæti ég vel trúað enda liðið að spila á stærsta sviðinu, eitt það frægasta í heiminum og ætti vel að geta selt leikmönnum það að liðið sé á uppleið og stefni miklu hærra á nýjan leik.

Eins og ég segi þá eru nokkur lið sem við erum ekki að keppa við um heitustu bitana en það afsakar ekki algjört aðgerðarleysi, þessi ríkustu lið eru meira að segja oftar en ekki yfirfull af gæðaleikmönnum sem vilja fara til að fá að spila fótbolta á ný. Nuri Sahin nærtækt dæmi um það.

Ef við notum útilokunaraðferðina þá eru nokkur lið sem við getum líklega ekki keypt bestu leikmennina frá (þó oft megi finna out of favor leikmenn í þessum liðum sem gætu reynst öðrum góðum liðum mjög vel).

England
Man Utd – Eina liðið í heiminum sem við getum útilokað að kaupa leikmenn frá og þannig verður það meðan Ferguson er hjá þeim (og eflaust eftir hans tíma).

Man City, Chelsea, Arsenal, Tottenham, Everton – Lítið þarna sem við getum lokkað til okkar í augnablikinu þó reyndar sé búið að orða okkur hvað mest við Walcott, lykilmann í Arsenal og Sturridge sem var fyrir stuttu mikilvægur partur af Chelsea.  Þetta sýnir hvað þetta er í raun og veru ekki lokað ef aðstæður eru réttar.

Leikmenn í öllum öðrum liðum á Englandi sé ég alveg vilja spila fyrir Liverpool og við höfum verið að  kaupa lykilmenn frá öðrum EPL liðum undanfarið.

Þýskaland
FC Bayern – Líklega er þetta eina liðið sem við getum alveg útilokað að kaupa leikmenn frá nema þá leikmenn sem þeir vilja losna við.

Dortmund og Schalke eru líklega með á þessum lista þar sem bæði eru ennþá í meistaradeildinni en bæði lið eru eins og önnur þýsk lið fyrir utan FC Bayern, til í að selja fyrir réttan pening. Satt að segja hef ég aldrei skilið af hverju Þýski markaðurinn er ekki skoðaður meira, öll lið eiga að hafa a.m.k einn þjóðverja.

Spánn
Bacerlona og Real Madríd eru svo langt frá öðrum að þau eiga bæði hóp af varamönnum sem kæmust í flest önnur lið í heiminum. Við njótum nú þegar góðs af því (má þó deila um það) og erum orðaðir við lánsdíla við Barcelona sem gætu komið báðum liðum vel. Þannig að þó þeirra lykilmenn séu gjörsamlega out of reach fyrir okkur þá eru margir á mála hjá þeim sem við getum alveg skoðað. Þar fyrir utan eru bæði lið með gamla Liverpool menn í lykilhlutverkum sem sýnir hversu sterkt Liverpool liðið var fyrir mjög stuttu síðan.

Valencia, Malaga og A. Madríd eru líklega líka out of reach fyrir okkur eins og er. Valencia er í meistaradeildinni en reyndar þar fyrir utan í allskonar veseni. A Madríd er í banastuði á Spáni eins og er og Malaga er í sama flokki og PSG, City o.s.frv.

Önnur lið á Spáni ættu alveg að vera fair game og þar eru alveg leikmenn sem við gætum skoðað og átt möguleika á. Skoðið t.d. Sevilla og Athletic Bilbao til að nefna dæmi.Annað dæmi er t.d. að Santi Carzorla kostaði Arsenal heilar 11 m punda og Michu kostaði Swansea 2m punda. Eitthvað segir mér að það sé slatti til af leikmönnum á Spáni sem við höfum ekki heyrt mikið af en væri mjög vel hægt að horfa til.

Frakkland
PSG – Þeir selja okkur ekki nema þá leikmenn sem þeir nota ekki.

Aðrir ættu að vera nokkuð fair game fyrir réttan pening og réttar aðstæður. Lyon selur þá leikmenn sem skila þeim góðum gróða og önnur lið eru ekkert nálægt Liverpool í stærðarflokki.

Ítalía
Juventus – Gæti trúað að þeir séu out of reach fyrir okkur sem og lykilmenn í nokkrum liðum sem spáð er bjartri framtíð á hæsta leveli og stórum leikmannasölum.

Napoli, Roma, AC, Inter – Allt lið sem eiga lykilmenn og risanöfn sem Liverpool á ekki möguleika á en eins gætu öll átt leikmenn sem væru mikið til í að spila í EPL og fyrir Liverpool. Fer allt eftir aðstæðum hverju sinni.

Öll önnur lið ættu að vera nokkuð fair game.

Holland
Kaupin á Luis Suarez sýna mjög vel að allir leikmenn Hollands eru fair game fyrir okkur enda var hann besti leikmaður deildarinnar þar og Liverpool í verri stöðu ef eitthvað er þegar hann kom.

Rest af Evrópu
Af þeim sem ég hef ekki talið upp nú þegar og eru ennþá í meistaradeildinni held ég að við getum útilokað leikmen frá Porto og Shaktar, a.m.k. núna í janúar. Myndi ekki einu sinni segja það sama um t.d. Galatarsaray og Celtic þó mér detti engan í hug þar sem við ættum að hafa áhuga á úr þeim liðum.

Það koma í hverjum glugga góðir leikmenn í lið á Englandi sem við höfðum aldrei nokkurn tíma heyrt um og oftar en ekki fyrir skít á priki. Ég er ekki að segja að Liverpool eigi að stefna bara á þannig leikmannakaup en frekar vill ég fá 2-3 þannig leikmenn og eitt risanafn frekar en 2-4 miðlungsmenn sem allir kosta of mikið (en eru þekkt nöfn).

Rest af heiminum.
Þetta var bara Evrópa. Besti leikmaður Liverpool í dag er frá Uruguay og einn af þeim bestu kemur frá Brasilíu. Báðir hafa liklega rúmlega tvöfaldast í verði síðan þeir komu. Heimsmeistarar félagsliða koma frá Brasilíu. Það eru gæðaleikmenn  að spila fótbolta út um allt hinumegin við tjörnina. Allt frá N – Ameríku til S – Ameríku. Ég hef ekki vit á því hverjir geta hvað en ég var að vona að Liverpool væri með útsendara á þessum stöðum sem gætu fundið þessa leikmenn. M.v. þá leikmenn sem hafa verið að koma yfir til Evrópu undanfarna áratugi hef ég enga trú á öðru en að hægt væri að gera mjög góð kaup á þessum slóðum með 10-15 m punda. Þá er Afríku markaðurinn eftir en þaðan hafa góðir leikmenn farið út um allt í Evrópu.

Auðvitað er setið um alla góða leikmenn, minn puntur er að ef við eigum 10-20m pund til að eyða í leikmannaglugga og höfum hálft ár til að undirbúa okkur hefði ég búist við því að hægt væri að leita lengra en bara til Aston Villa, Newcastle x 2, Blackpool x 2, Sunderland eða varalið Chelsea. Sérstaklega þar sem leikmenn úr þessum liðum kosta í 100% tilvika miklu miklu meira en leikmenn í sama eða betri gæðiflokki annarsstaðar í heiminum og sérstaklega þegar lið eins og Liverpool er að spyrjast fyrir um þá.

Knattspyrnustjórar leita á þann markað sem þeir þekkja og því miður (hvað þetta varðar) hafa þrír síðustu stjórar Liverpool verið breskir á tíma sem breskir leikmenn eru ekkert að slá sérstaklega í gegn. Það skal enginn segja mér að Liverpool sé ekki að leita út fyrir landsteinana vegna þess að þeir geta ekki lokkað leikmenn þaðan til sín, þetta snýst um stjórann hverju sinni og það er ástæðan að lang stærstum hluta fyrir því að við keyptum menn eins og Cole, Konchesky, Downing, Henderson, Carroll og Allen (alla á yfirverði?). Rodgers nýtur klárlega vafans ennþá og hann hefur svosem lítið verið á leikmannamarkaðnum (fengið leikmenn frá Ítalíu, Englandi, Hollandi og Spáni/Þýskalandi).

Að því sögðu lýst mér svosem ekkert hræðilega á kaupin á Daniel Sturridge sem ætti að hafa lokið læknisskoðun hjá Liverpool í dag, hann tikkar í mjög mörg box sem leikmaður og ég hef mikla trú á að Brendan Rodgers geti bætt hann mikið. Sérstaklega horfi ég í það að hann hefur hraða sem vantar í Liverpool.

Eins útiloka ég ekkert Tom Ince þó kaup á honum hreinlega öskri “meðalmennska” svona fyrirfram og setji stórt spurningamerki við stjórnun klúbbsins enda misstum við hann á klink fyrir einu og hálfu ári. Kannski verður hann frábær leikmaður og þessi peningur sem fer í að kaupa hann til baka allt að því hlægilegur. Við ættum a.m.k. að þekkja þennan leikmann.

Báðir leikmenn eru á þannig aldri og með þannig verðmiða að líklega verður alveg hægt að selja þá aftur á góðan pening nái þeir ekki að festa sig í sessi hjá Liverpool. Báðir hafa skap sem sumir segja vera til vanræða, veit ekkert um það en lýst ágætlega á að fá inn menn með smá karakter og egó.

Ég er tilbúinn að gefa þeim báðum séns eins og öllum öðrum leikmönnum Liverpool (ef þeir koma). En það breytir því ekki að ég hef miklar áhyggjur af innkaupastefnu FSG og finnst hún mjög langt frá því að vera eins metnaðarfull og ég var að vonast eftir þegar þeir keyptu félagið (byrjuðu reyndar með látum, Suarez). Heimurinn er svo miklu stærri en bara England og Liverpool er heillandi fyrir leikmenn úr öllum heimshornum.

Ennþá finnst mér ég samt alveg ná að skilja hugsunina á bak við öll leikmannakaup Rodgers. Fyrirfram hefði ég reyndar haldið að hann myndi fyrst leita til leikmanna með spænskt knattspyrnuuppeldi en hann hefur svosem ekki fengið að gera mikið ennþá, kaup á Allen og Borini var alveg hægt að skilja enda leikmenn sem hann þekkir, eins ætti Sahin að smella mikið betur inn í liðið en við höfum fengið að sjá og Sturridge og Ince eru tegundir af leikmönnum sem Rodgers vill hafa í framherjastöðunum.

Mikið djöfull vona ég að þetta hitti í mark hjá honum í janúar og þessir menn smelli í Liverpool liðið frekar en að bætast við flopp hópinn.

Hef meira að segja sæmilega trú á því, ef þeir þá koma á annað borð.

Babu