Manchester City á morgun!

Sem betur fer er skammt stórra högga á milli hjá liðinu okkar um þessar mundir… á morgun kemur Manchester City í heimsókn á Anfield. Okkar menn eru væntanlega fullir sjálfstrausts eftir góðan sigur gegn PSV í miðri viku, sem þó kostaði sitt.

Það er staðfest að Xabi Alonso verður líklega frá í um tólf daga vegna meiðslanna sem hann hlaut gegn PSV, Mark Gonzalez verður frá í þrjár vikur eftir tognun og óvíst er með þáttöku Jermaine Pennant á morgun. Ákvörðun með hann verður ekki tekin fyrr en rétt fyrir leik.

Þá eru Stephen Warnock, Fabio Aurelio, Momo Sissoko og Harry Kewell enn frá.

Ég sé ekki annað en ástæðu til að vera bjartsýnn. Við höfum haldið markinu hreinu í fimm af síðustu sex leikjum í öllum keppnum (fengum reyndar á okkur þrjú mörk gegn Arsenal) og liðið virðist vera að komast á réttan kjöl. City hafa verið í svipuðu rugli og við, gengið vel á heimavöllum en afleitlega á útivöllum.

Við erum í túnda sæti deildarinnar með átján stig en City getur komist yfir okkur með sigri á morgun, þeir eru sem stendur í tólfta sæti með sextán stig. Þeir unnu Fulham sannfærandi um síðustu helgi.

Mál málanna er að sjálfsögðu endurkoma Didi Hamann, eins vinsælasta leikmann Liverpool á síðari árum. Ég verð að viðurkenna að ég skil ekki ennþá af hverju hann var látinn fara. Hann er jú að komast á efri aldur en það þarf að hafa fjóra miðjumenn í liðinu, okkar fjórði núna er Zenden.

Ef Hamann væri enn í Liverpool kæmi hann sterkur inn núna í fjarveru Xabi og Momo, plantar sér fyrir framan vörnina sem gæfi Gerrard færi á að fara meira fram völlinn. En það þýðir ekkert að velta sér upp úr því en það er ljóst að Þjóðverjinn mun fá frábærar viðtökur á morgun. Það var staðfest í dag að hann hefur náð sér að fullu af meiðslum sem hafa hrjáð hann undanfarið en talið er líklegt að hann byrji á bekknum.

Hamann var ekki bara frábær leikmaður, heldur var hann óhemjuvinsæll meðal annarra leikmanna. Hann hefur víst frábæran húmor og í ævisögu Steven Gerrard talar fyrirliðinn um hvað hann sakni þjóðverjans mikið. Hamann ku einnig hafa verið mun skiljanlegri á ensku en til dæmis Carragher 🙂

Að okkar liði. Ég sá ekki leikinn gegn PSV, horfði bara á tíu mínútna langan kafla með helstu atriðunum úr leiknum og hreifst bara nokkuð af. Við leikum sex leiki í deildinni fyrir jól og eigum að vinna þá alla.

Leikirnir eru gegn City, Portsmouth (á miðvikudaginn), Wigan, Fulham, Charlton og Watford. Eftir volæðið í byrjun tímabilsins er vonandi að okkar menn rífi sig upp og taki nokkra sigurleiki í röð – ég sé ekkert því til fyrirstöðu. Þarna á milli eru svo leikir gegn Galatasaray og Arsenal, í Deildabikarnum.

Byrjunarliðið á morgun? Hmmmmmm…. Ég ætla að tippa á þetta:

BEKKUR: Dudek, Hyypiä, Fowler, Bellamy, Guthrie.

Semsagt, tvær breytingar frá sigurleiknum gegn PSV, Garcia inn fyrir Gonzalez og Zenden inn fyrir Alonso, sem eru meiddir. Ég vona svo sannarlega að Pennant spili, sýndist hann sýna lipra takta gegn PSV, en eins og áður sagði sá ég bara það helsta úr leiknum.

Ef ekki, hvað gerir Rafa þá? Einhverjir voru að halda því fram að Bellamy kæmi inn í liðið. Rafa sagði fyrir skemmstu að það myndi hann ekki gera, eins og lesa má hér af opinbera vefsetrinu, en hvaða aðrir kostir eru í stöðunni ef Pennant spilar ekki?

Hérna er “leikmannahópur Liverpool fyrir leikinn” sem ég tók af BBC, veit ekkert hvað er til í þessum hópi samt: Liverpool: Reina, Finnan, Carragher, Hyypia, Agger, Riise, Luis Garcia, Pennant, Gerrard, Zenden, Bellamy, Crouch, Kuyt, Fowler, Dudek, Guthrie, Hammill, Peltier.

Þarna eru þrír ungir strákar, Guthrie, Hammill og Peltier. Guthrie er miðjumaður, Hammill er kantmaður og Peltier getur spilað bæði skilst mér. Ég veit hreinlega ekki hvort Rafa treysti þessum strákum strax í úrvalsdeildina, það er þó aldrei að vita. Ég hef þó hrifist einna mest af Paul Anderson af þeim strákum sem ég hef séð með varaliðinu. Þetta kemur í ljós….

Mín spá: Ég held að City eigi bara ekki séns. Við skorum snemma (Kuyt), Crouch bætir við öðru skömmu síðar og Luis Garcia klárar þetta í seinni hálfleik. 3-0 sigur 🙂 Bjartsýnin skín úr augunum á manni! Já og Gerrard mun að sjálfsgðu brillera í sinni stöðu á miðjunni….

YNWA