Luuuuuuuuis Garcia… he drinks sangria

14 Comments

1. ég get alveg tekið undir það að maður greip sig við það að andvarpa og klökkna smá… Bróðir pabba míns og sonur hanns fóru á Anfield fyrir tveimur árum, og eftir leik, fóru þeir á Est Est Est, sem er veitingastaður sem leikmenn eru þekktir fyrir að fara á eftir leiki, ég og pabbi minn ætluðum þangað þegar við fórum í febrúar en það gekk ekki eftir þannig að við fórum á staðin við hliðina, en hvað um það, þar sáu þeir Alonso og Garcia, þeir fóru hikandi til Alonso þar sem hann var að borða með vinum, og kom það þeim ótrúlega á óvart hvað hann var almennilegur og bauðst til að taka með þeim mynd, og Garcia var víst jafn huggulegur. Ótrúlega gaman að vita af mannlegu hliðinni á leikmönnum og hvað þeir eru almennilegir.

2. Hann var aðeins í þrjú ár hjá okkur og eins og þú segir Einar, þá gat maður verið hrikalega pirraður út í hann eina mínútuna, en elskað hann þá næstu. Þetta er Luis í hnotskurn og það verður ALDREI tekið af honum að hann REYNDI alltaf sitt besta, stundum skilaði það sér og stundum ekki. Hann reyndi þó alltaf og maður sá hann aldrei hengja haus.

   Ég mun muna mörg stórkostleg mörk frá honum, líklega helst markið gegn Juve því ég var í stúkunni fyrir aftan markið og heyrði boltann syngja í netinu. Ég man þó eitt enn betur þegar kemur að Lil’ Luis. Það er þegar ég var einnig á Anfield og það á leik gegn Everton. Þrír leikmenn Liverpool farnir útaf vegna meiðsla snemma í leiknum, og þá meiðist Luis frekar illa, en sá stutti hætti ekki og barðist eins og ljón á annarri löppinni út leiktímann. Þar sýndi hann í hnotskurn hjartað sitt og staðfesti það svo fyrir þeim sem ekki vissu, með þessu frábæra kveðjubréfi sínu.

   Hann var bara í þrjú ár, en ég flokka þennann dreng algjörlega sem Liverpool Legend fyrir sitt framlag.

3. Frábær karakter og skemmtilegur fótboltamaður. Legend í sögu klúbbsins, og þetta bréf fær mann til að sannfærast enn meir, um það hversu öflugur, vænn og bestur og flottastur Liverpool-klúbburinn og allt á bak við hann er. Það er ekkert lið í heiminum sem hefur jafn hrein og smitandi áhrif. Luis: gull af manni, sem skoraði flott mörk!

4. Hef aldrei skilið þá sem voru eitthvað pirraðir þó að ekki gengi allt upp hjá Garcia sem hann reyndi. Hann reyndi þó og oft tókst það þannig að hann skaraði framúr. Gæjinn var fæddur winner þó hann hafi klúðrað einhverjum hælsendingum. Ég mun ávallt hafa nóga þolinmæði fyrir leikmönnum sem spila fótbolta eins og Luis Garcia og ég sakna hans ferlega mikið.

5. flottur leikmaður sem var maður stórleikjanna, hef aldrei skilið þá neikvæðu gagnrýni sem hann þurfti að sitja undir (t.d. á liverpool.is spjallinu)…. fannst hann alltaf frábær leikmaður sem var líklegur til að skora eða búa e-ð til, síðan skemmdi ekki fyrir sá siður hans að skora í stórleikjum

6. Sömu mínútuna var hann uppáhaldsleikmaðurinn minn og mesti aumingi sem spilað hefur í Liverpool hehehe Allir höfðu skoðun á þessum dreng því þannig leikmaður er hann. Gerði ótrúlega hluti en klúðraði einnig oft á furðulegan hátt. Heilt yfir erum við betra lið í dag vegna Garcia. Hann hefur sett standardinn varðandi hugmyndaríka framliggjandi miðjumenn sem koma til með að spila fyrir Liverpool næstu áratugina.

   Ég kem til með að sakna hans og er ljóst að ég mun fylgjast náið með Atletico Madrid í vetur.

7. Átti frábæra leiki inn á milli og LFC á honum margt að þakka. Hins vegar var hann í deildinni einungis góður í ca. 1 af hverjum 3 leikjum og er hreinlega ekki hægt að hafa svoleiðis menn í toppliðum.
   Ástæðan fyrir því að Benitez lét hann fara er skýr, hann er ekki nógu stabíll og nógu traustur fyrir lið sem ætlar að vera það besta í heimalandi sínu.
   Hann gerði frábæra hluti, en bara alls ekki nógu oft. Ég mun minnast hans tiltölulega hlýlega en hann mun aldrei verða nein goðsögn hjá mér. Ég hef núna í 1-2 ár sagt að hann sé ekki nógu góður (rétti maðurinn kannski betur orðað) til að spila fyrir Liverpool FC því að ég set þá kröfu á leikmenn LFC að þeir séu góðir í (nánast) hverjum einasta leik. Því græt ég þetta alls ekkert en minnist þó góðra stunda sem hann skapaði og þakka honum fyrir þær.

8. Ástæðan fyrir því að Benitez lét hann fara er skýr, hann er ekki nógu stabíll og nógu traustur fyrir lið sem ætlar að vera það besta í heimalandi sínu.

   Ég held að langlíklegasta ástæðan hafi verið sú að hann og fjölskylda hans vildi flytjast aftur til Spánar.

9. Stb… samkvæmt þessu hefði Gerrard átt að hætta eftir síðasta tímabil þar sem hann átti 1 góðan leik af hverjum þremur. Liðið í heild tapaði í raun þriðja hverjum leik. Hverjir eru þá nógu góðir?

10. Ég mun minnast hans helst fyrir frábært skallamark á móti anderlecht sem er með þeim flottari sem ég hef séð enda var ég á vellinum

11. Frábær leikmaður sem átti stóran þátt í Meistaradeildar sigrinum 2005, mjög stóran! Einn af mínum uppáhalds leikmönnum og þrátt fyrir misjafna leiki þá er hann heilt yfir legend vegna mikilvægi þeirra marka sem hann skoraði.

    Sá hann spila tvívegis og var á Anfield þegar hann sá um Bordeaux, ásamt Gerrard, í 3-0 sigri síðasta haust. Þá var gaman 🙂

12. Ég fékk sting í hjartað þegar ég sá að hann var að fara. Maðurinn var/er hreint út sagt ótrúlegur og þrátt fyrir smæðina þá komu ófá mörk frá honum með skalla.
    Ég mun sakna hans gríðarlega og óska honum alls hins besta hjá AM… vonandi komast þeir í Meistarardeildina að ári og mæta okkur í riðli og því mun hann koma aftur á Anfield og verður vel fagnað… vonandi að hann geri bara engan skandall á móti okkur 🙂
    Fyrir mitt leyti þá þakka ég honum fyrir sitt framlag til liðsins þann tíma sem hann var hér. Takk fyrir verulegar góðar stundir Tumi Þumall !

    YNWA

13. Ég fékk nú bara tár í augun og allt. Ég mun sakna hans fáránlega mikið. 🙁

14. Hérna er svo fínt svarbréf frá Liverpool aðdáenda til Luis Garcia.