Kristján Atli
Góðan daginn og (vonandi) gleðilegan sunnudag, Púllarar nær og fjær! Rafa Benítez gerir breytingar á byrjunarliði sínu í dag (sem endranær) og það er sem hér segir:
Finnan – Carragher – Hyypiä – Arbeloa
Pennant – Gerrard – Mascherano – Riise
Voronin – Torres
**Bekkur:** Itandje, Benayoun, Lucas, Babel, Kuyt.
Það er tvennt í þessu sem vekur athygli. Í fyrsta lagi, þá er þetta fjórði leikurinn í röð sem að Fernando Torres byrjar inná sem segir mér að Rafa hafi nú tekið eitthvað mark á gagnrýninni sem hann fékk fyrir að hvíla hann gegn Birmingham. Í öðru lagi þá er bekkurinn frekar jákvæður að mínu mati, en um leið er smá áhætta fólgin í honum. Það er ljóst að Rafa stillir upp liði til sigurs í dag en vill eiga næga kosti á bekknum ef illa gengur að skora. Hins vegar gætum við lent í vandræðum ef varnarmaður meiðist í dag. Vonum samt ekki.
Áfram Liverpool!
Á ég að trúa því að Liverpool Football Club eigi engan betri vinstri kantmann heldur en vin minn John Arne Riise?
Samt ekki. Arbeloa getur leyst allar stöðurnar í vörninni og Riise myndi þá detta niður í vinstri bakvörð fyrir hann. Þá erum við með tvo kantmenn sem geta farið á vinstri kantinn, Babel og Benayoun.
Annars er Crouch auðvitað ekki á bekknum og slúðrið mun bara aukast um að hann fari í janúar. Vona svo sannarlega ekki, og hef reyndar ekki trú á því…
Við höfum einfaldlega það breiðan hóp að það verða alltaf einhver stór nöfn að sitja fyrir utan og í dag eru það Crouch, Sissoko, Aurelio og Leto og svo eru Alonso, Agger og Kewell meiddir en mér líst vel á liðið og ég hef engar áhyggjur ef einhver úr vörninni meiðist því þá fer Arbeloa í þá stöðu og Riise í bakvörðinn, ég spá okkar mönnum 2-0 sigur með mörkum frá Voronin og Hyypia 🙂
Ég er bjartsýnn í dag. Ætla leyfa mér meira að segja að vera mjög bjartsýnn. Trúi ekki öðru en við náum sigri í dag. Við eigum að stilla uppi sterkasta liði okkar hverju sinni – ekki láta það ráðast af því hver andstæðingurinn er. Það er veikleikamerki. Andstæðingurinn á að hræðast Liverpool. Taka þetta núna.
Voronin búinn að setj’ann!! Veit einhver hérna um gott sopCast rás sem er með þennan leik?
Er einhver að horfa á þetta á netinu ?
Og þá hvar ?
1-1 í hálfleik.. liverpool talsvert betri
Andskotans Robbie Keane !
Koma svo !
Sælir félagar
Menn þurfa auðvitað að skora úr færunum sínum. Benayoun inná fyrir Pennant sem á ekki að vera í byrjunarliði. Enn og aftur söknum við Aggers og þýðir ekki að skammast útí sóknarmenn T’ham því vörnin á auðvitað að taka svona sókn í nefið. Okkar menn talsvert betri en verða að nýta færin sín ef ekki á illa að fara.
Djöfull þetta helvítis sopcast virkar ekki hjá mér!
er hægt að horfa á leikinn einhversstaðar annarsstaðar á netinu?
helvítis helvíti… T’ham komnir yfir!
Andskotans Robbie Keane !!!!!!!!!!!!!
Koma svo !
Á þetta að verða enn einn dagur vonbrigða hjá Liverpool? Hvað er eiginlega í gangi hjá liðinu?
Ekki er liðið að fara tapa 2 leikjum í röð á Anfield! ég man ekki eftir því hvenær það gerðist síðast!
Hvernig væri að fá smá match report ?
Er ekki einhver að horfa sem getur sett inn smá lýsingu ?
Erum við lélegri eða er þetta heppni hjá Totturunum ?
Við getum gleymt þessari titilbaráttu!!!!!!!
Liðið í smá bulli þessa daganna. Gætu alveg rifið sig uppúr þessu og farið á run og stimplað sig þannig inn í topbaráttuna aftur. En miðað við þetta erum við að horfa á baráttu um 4 sætið aftur. Fúlt en þannig er þetta bara.
jájájá TORRES!!!
Það er einhvernveginn búið að innprenta það inn í alla sem koma að LFC að 4. sætið sé bara hip og kúl. Allt annað sé bara óþarfa bónus. Maður sér það þegar leikmennirnir labba inn á völlinn, vantar allt hungur og allan áhuga. Meira að segja stuðningsmenn eru farnir að sætta sig við ástandið. Liverpool í dag er lið hinna miklu hæfileika og glötuðu tækifæra. Fjórða sætið, hér komum við!
Benitez hlýtur að hlaupa hringinn í kringum Liverpool-borg til að fagna þessu stigi. Ég er eiginlega feginn því að nú komi leikjahlé. Kannski leikmenn vakni úr rotinu eftir hálfsmánaðafrí. Þegar þeir opna launaumslagið sitt um næstu mánaðamót.