Magnús Þórarinsson
Skjótt skipast veður í lofti!
Þá möntru þekkja allir íslenskir áhugamenn um veðurfræði sem horfa á hið óutreiknanlega veðurfar Skersins skipta sköpum á einu akademísku korteri. Í Fowlers bænum ekki leggja á ófæra heiðina og hlustum ekki á hámenntaða veðurfræðinginn sem er atvinnumaður í að vara við vondu veðri. Munnvættur fingur upp í lofti mun mæla vindáttina og sjá um mínar veðurmælingar! Minn misgóði fjallajeppi mun drösla mér í gegnum storminn og ég legg lag mitt við Læðuna. Þetta reddast. Þetta reddast allt saman.
En þetta er ekki alltaf jafn einfalt og íslenska lukkuleiðin á Læðunni býður okkur uppá. Fyrir tæpri viku síðan var Liverpool ósigrað í 18 leiki í röð og lítill söknuður í gangi á næst dýrasta leikmanni heims. SBB = Seldur – Búinn – Bless! Hver var þessi Coutinho? Bara peningur í bankanum?
Við lögðum hinn ósigraða ljósbláa peningadreka að velli með einskærum Liverpool-liðsanda og hinn tólfti maður dró okkur yfir endalínuna á mögnuðu kvöldi. Móment sem verður skrifað í sögubækurnar. Anfield í æðsta veldi og sögulegur 4-3 sigur. Algleymi. Svona á fótboltinn að vera.
Og svo Svanasöngur gegn botnliðinu? Svanir í vonlausri stöðu í botnsætinu. Með nýráðinn þjálfara. Og við í ljósbláu stuði. Hvernig var þetta hægt? Örvænting, örvinglun og örmögnun! Tap! En mínir frúr og herrar, þetta er hinn innsti og einlægasti mergur málsins í okkar frábæra fótbolta og sérstakleg okkar ástsæla liði.
Okkar Liverpool Football Club; þar sem allt er hægt og allt er ómögulegt. Allt getur gerst. Yfirgengileg sorg, yfirgengileg gleði: Hillsborough & Istanbul. Við stuðningsmenn Liverpool þekkjum þessar gríðarlegu hæðir og lægðir og má þá fara að tala aftur um veðurfræðina með massíf millibör og aðra mælikvarða. Við þekkjum sveiflurnar.
En svo við náum áttum aftur þá erum við Liverpool FC! Og okkar hlutverk og tilgangur er að vinna silfraða bikara til að gleðja mannskapinn og halda í gleðina. Shankly var á þeirri skoðun og ekki dettur mér í hug að vera ósammála þeim snillingi. Hér er í boði bikarslagur í 32-liða úrslitum FA Cup á Anfield gegn WBA. Hér er margt til að spila fyrir og andlit sem hægt er að bjarga eftir hörmung síðasta leiks.
Andstæðingurinn
Það verður að viðurkennast að upphitunarritari forðast það að ræða lið Alan Pardew eins og heitan eldinn af augljósum ástæðum. Í það lið skortir leikgleði og líf þó að Pardew muni öskra liðið áfram að enskum sið. WBA mun mæta á Anfield fullir sjálfstrausts eftir að hafa áorkað 0-0 jafntefli fyrir rúmum mánuði í deildinni. Hvað getum við lært af þeim leik?
Enginn lærdómur sem við þekkjum ekki miðað við önnur lið sem mæta varnarsinnuð á Anfield. Hinn örlitli og ofurdýri galdramaður okkar gerði oft gagn í þessum aðstæðum en nú verða skapandi spilarar Liverpool sem eftir eru að stíga upp og sinna sínum skyldum. Sérstaklega þurfa þeir að átta sig á því að best er að gera allsherjaráhlaup frá fyrstu mínútu leiksins en ekki að bíða fram á síðustu mínútu með að gera árás. Við heimtum allsherjar sóknarárás frá fyrstu mínútu.
Liverpool
Það verða fáar breytingar að mínu mati frá síðasta leik. Okkar sterkasta uppstilling verður í boði og við stefnum að öflugum heimasigri. Van Dijk er að spila sig inn í hópinn og verður klárlega í byrjunarliðinu þrátt fyrir misjafna frammistöðu í síðasta leik. Við munum stilla upp okkar sterkasta liði og að mínu mati er það eftirfarandi:
Spakra manna spádómur
Við hljótum að sjá góða innlifun hjá okkar mönnum í kvöld og að lært sé af slæmum siðum síðasta leiks. Sóknarleikur frá upphafi ætti að ala af sér 3-0 sigur okkar manna og ekkert múður. Jafnvel þótt það sé laugardagskvöld.
Come on you Reds!
Góð upphitun, en vil sjá Lallana koma inn fyrir Gini
Ynwa
Klopp ròterar. Ings, Solanke, Migno, Lallana, Trent, Lovren, Klavan og Woodburn allir lìklegir.
Algjört rugl að fara að rótera í bikar sem við eigum séns á að vinna. Eigum að spila á okkar sterkasta liði. Punktur.
Fimm dagar eftir af glugganum. Utd kommir með Sanchez, Arsenal búnir að fá Mkhitaryan og með Aubameyang í vinnslu, Spurs að fá Lucas Moura og Chelsea að fá Emerson og framherja (Dzeko). Meðan við seljum Coutinho og fáum ekkert í staðinn.
Já hér spilar inn í að það er leikur á þriðjudaginn, en á hinn bóginn þá er liðið komið þetta langt í bikarnum og því full ástæða til að taka leikinn á morgun alvarlega.
Ég held að það verði einhver rótering í gangi, en samt þannig að megnið af liðinu haldi sér. Líklega verður Ward á bekknum, þó ég væri alveg til í að sjá hann á milli stanganna. Ég væri líka alveg til í að sjá hvort Woodburn hafi farið fram frá því að við sáum hann síðast með aðalliðinu. Hann hefur ekki einusinni það mikið fengið að spila með U18 eða U23.
Mér hefur líka fundist Ings koma með ákveðinn ferskleika inn á þessar mínútur sem hann hefur fengið, og væri alveg til í að sjá meira af honum. Það er verið að tala um að þessi meiðsli hans verði til þess að hann verði aldrei aftur sami leikmaðurinn. Það getur svosem vel verið, en munum samt að Gomez lenti líka í slæmum meiðslum, og hann er núna með nokkurnveginn fast sæti í byrjunarliðinu.
Sælir félagar
Ég neita að trúa að Klopp stilli upp óbreyttu liði. Hjá andstðingunum verður þetta 10 manna veggur, 5 og 4 með einn fljótan mann frammi. Þar af leiðir að ekki þarf að stilla upp varnarsinnaðri miðju eins og gert var á móti Gæsastóðinu.
TAA inn fyrir Gomes og Lallana fyrir Wijnaldum og hugsanlega fá Moreno og Henderson eihverjar mínútur þegar staðan er orðin 4 – 0. Við sjáum til. En við fáum sigur í þessum leik og ég held það verði snýta. Mín spá er 4 – 1 því okkar menn láta ekki sjá til sín annan eins leik og á móti Álftunum um daginn.
Það er nú þannig
YNWA
Ég vill fá Ings í framlínuna í þessum leik með Lallana fyrir aftan sig og Salah og Mane á könntunum.
Gefum okkar lykilmanni Firminho smá pásu en það er leikur á þriðjudaginn.
Trent má svo koma inn í liðið og vonandi er Woodburn í hópnum
Það kemur kannski eitthvað í ljós varðandi uppstillinguna á blaðamannafundinum sem er að fara að byrja:
https://www.facebook.com/LiverpoolFC/videos/10156470434252573/?notif_id=1516974828071687¬if_t=live_video_explicit
Ég myndi vilja sjá sama lið og gegn swansea nema taka Comez út fyrir Arnold og Lallana inn fyrir annaðhvort Can eða Wijnaldum, svona verður þetta aðeins sóknarþyngra sem er hið besta mál gegn liði sem er aldrei að fara mæta til að spila knattspyrnu.. Gomez verður bara að fá hvíld og hreint óskiljanlegt hversu mikið hann hefur spilað uppá síðkastið ef mið er tekið af því að hann gefur mark nánast í hverju einasta leik og auk þess er Arnold betri leikmaður en hann að mínu mati.
Hvað varðar Van DIJK þá fannst mér hann frábær gegn Swansea allan leikinn en var óheppinn í markinu, allt annað gerði hann uppá tíu og vann hvern einasta skalla bolta á báðum endum vallarins og stjórnaði vörninni eins og hershöfðingi, þessi gæji á heldur betur eftir að styrkja liðið okkar..
Annars spái ég því að okkar menn mæti dýrvitlausir eftir skituna á mánudagskvöldið, skori snemma og keyri yfir þetta hundleiðinlega Albion lið svona 5-0.. Salah hendir í þrennu og lallana og Mane með sitthvort markið.
Vil sjá 343 henda bara Gomes út Lalla inn. Annars bara góður.
varðandi leikinn á móti Swans .. þá finnst mér kjánalegt að tala um að lið vilji ekki spila fótbolta .. Eða “leggi rútunni”. Fyrir mér er það einfaldlega að verjast vel.. sérstaklega þegar minni máttar lið mæta sterkari liðum. LFC var með 4 shots á target og Swans 2.. þó að possession og total shots og önnur tölfræði hafi átt að gefa okkur sigur, þá vantaði okkur að skjóta á rammann og jafnvel ná að fylgja.. West Brom leikurinn verður örugglega meira líflegur .. FA cup í húfi, og West Brom hafa verið lúnknir á köflum .. Þetta verður bara hörkuleikur.. líklegt jafntefli .. nema að okkar markaskorarar verði á skotskónum..
Þetta er þá helst eftir blaðamannafundinn:
* Mignolet verður í marki.
* Lallana verður ekki með, smá setback.
* Klavan veikur, búinn að missa nokkur kíló, ekki með.
* James Milner með “dead leg” á æfingu, tæpur.
* Moreno og Henderson gætu verið í hóp, jafnvel í byrjunarliði.
* Clyne lítur vel út, ekki farinn að æfa með liðinu samt.
Er ég að gleyma einhverju?
Klopp talaði um að þeir væru ekki að fara að bæta við fleirum í þessum gluggan en vildi samt ekki segja 100% nei því að það myndi skemma allt slúður næstu 5 daga 🙂
Sturridge verður líklega með á morgun.
Klopp finnst laugardagsleikir klukkan 19:30 miklu betri en 12:30 (þar sem hann verður svangur).
Hann hefur trú á Ings og sagði að það segjir ýmislegt að hann sé ekki lánaður í burt.
#3
Við keyptum dýrasta varnarmann í heimi í þessum glugga. Styrktum þá stöðu sem helst þurfti að styrkja.
Segjum sem svo að Liverpool séu að reyna að kaupa aðra leikmenn. Ætti Klopp að segja það beint út að þeir séu að reyna við aðra leikmenn.
Neibb það væri langt best að segjast ekki vera að gera neitt. Afhverju?
1. Það eykur traust leikmanna sem fyrir eru
2. Bestu viðskiptinn eru gerð fjarri fjölmiðlum, því að um leið og fjölmiðlar eru komnir í þetta þá fer verðið að hækka og jafnvel önnur átta sig á því að hægt er að kaupa þennan leikmann. Það sem er verst er að flest viðskipit í dag vita fjölmiðlar um því að helvítis umboðsmenn vilja auðvita selja sinn leikmann til hæðsbjóðenda til að fá sem mest sjálfir.
3. Hvað gerist ef Klopp segjst vera að leita af framherja og kaupir svo engan eða miðjumanni og kaupir engan. Það gefur tilkynna að hann treystir liðinu sem fyrir er ekki eins mikið og að þetta sé veikleiki.
Ég reikna með að Klopp og Liverpool kaupi engan en hvort sem þeir eru að reyna að gera það eða ekki þá er alltaf best að neita því.
Hef á tilfinningunni að einn detti inn um gluggann.
Góður leikmaður.
Annars að leiknum.
Laugardagskvöld. Óvenjulegur tími. Rafmagnað loft og stemning.
Okkar menn munu byrja af krafti og svo verður þetta vinna að klára dæmið.
Migno í marki. TAA inni. Ings byrjar í stað Firmino.
Sama miðja og í síðasta leik því miður. Eða hvað. Með bakverðina á flugi þá er það fínt.
Klopp mun keyra upp bakverðina og láta þá Can og Wijnaldum covera.
Allt annað flæði en s?ðast og WBA vita ekki hvort þeir eru að koma eða fara. Setja þó eitt úr einu hornspyrnunni.
3-1
En hvað veit ég. Nema að við ætlum að vinna bikarinn.
YNWA
Poethic upphitun. Tap, skrifað i skýin.
Flott upphitun en það kemur ekki til greina að hafa bæði Wijnaldum og Can í svona leik þar sem andstæðingurinn mun parkera rútunni í eigin teig. Annar þeirra þarf að víkja fyrir Lallana.
#13 Rétt. Keyptum dýrasta varnarmann heims en það hangir alltaf e-ð á spýtunni hjá Liverpool enda seldum við dýrasta leikmann LFC frá upphafi á móti. Aldrei hægt að styrkja liðið bara. Virðumst alltaf þurfa að selja á móti og missa breidd. Efast um að Utd menn hefðu verið sáttir með að þurfa að selja einn af sínum bestu leikmönnum til að fá Sanchez.
Af hverju reyna menn ekki að berjast við Arsenal um að fá Aubameyang? Ég skil það eiginlega ekki. Þetta er leikmaður sem skorar mikið og Klopp þekkir vel. Er þetta einhver vandræðagemsi með agavandmál?
# 19 Það hlýtur eitthvað að vera í gangi.
Venjulega þegar maður sér svona mikla hæfileika vera til sölu þá koma öll stórliðinn og í dag miða við hvernig verðið er á leikmönum ætti hann að vera 85 m punda+ kall(ef Lukaku er 75m).
Hvernig stendur á því að Arsenal sem eru ekki í meistaradeild og eru ekki líklegir til að komast þangað í ár séu eina liðið sem er að elta hann?
Klopp kannast auðvita við kauða og er ég viss um að ef hann væri spenntur fyrir honum þá myndi hann reyna að fá hann en svo virðist ekki vera.
#18 held hann vilji einfaldlega ekki vinna með honum aftur
Spennandi að sjá hvernig menn girða sig í brók eftir drullutæpan síðasta leik. Það getur heldur ekki verið endalaust að þeir sem koma á Anfield eigi sína bestu leiki varnarlega. Ef allt er með felldu þá skorar okkar lið amk hálfan tug mark en ef helv vanmatið og hálfkæruleysi sem kalla má hroka verður við völd má glutra leiknum niður í jafntefli. Sami hrokinn og hrjáir suma hina svokölluðu stuðningsmenn sem tala um skyldusigra í tíma og ótíma.
#8 Van Dijk var lengi fínn á móti Swansea og viss óheppni hjá honum að hafa stoðsent á leikmann andstæðingsins, allt í þessum leik var raunar litað af hinum of reglulega vonda degi Liverpool (þótt fram að þessum hafi sem betur fer verið nokkuð umliðið frá þeim síðasta).
Partur af vonbrigðum þessa leiks var óheppni en stór hluti líka kæruleysi leikmannanna. Leikurinn var hundleiðinlegur áhorfs og í tilviki LFC, ólíkt til dæmis MU, þá veit það aldrei á góð úrslit.
Það sem mér fannst við þátt Dijk í leiknum var ákveðin oftrú hans á að tempra leikinn niður aftarlega, til að skapa traust og yfirvegun vitaskuld, til þess var hann keyptur, en ég held að hann sé vanur að spila í aðeins hægara liði og hann þurfi að læra að helsti styrkleiki Liverpool er hraði.
Að bæta öftustu vörnina til þess eins að missa sóknarbitið er lítils vert. Miðjan í Swansea leiknum var hroðalega hæg að hluta til vegna þess að vörnin spilaði boltanum ekki nógu hratt upp. Liðið var reyndar bara almennt andlaust í þessum leik. Held við munum sjá bragarbót á því.
Salah var nokkra leiki að þrusa sér í gang og ég er viss um að Klopp á eftir að segja Dijk að varnarmaður sé líka mikilvægur sóknarlega og þánderstrækið upp völlinn sé það sem skilað hefur LFC flestum sigrum síðan hann tók við liðinu.
On we go. Fullt af leikjum eftir í deildinni og 30 stig ættu vel að geta skilað sér í hús. Fara svo bara langt í meistaradeildinni, reyna að ná þessum bikar sem keppt er um í kvöld, og tímabilið verður ásættanlegt.
Afsakið þráðarránið en það er verið að tala um að Lemar sé búinn að ná samkomulagi við Liverpool . En LFC vill samt ekki borga þessar 90m sem þeir setja upp allavega enn sem komið er
Er þetta að gerast eða er þetta bara enn eitt slúðrið sá þetta bara áðan og langaði að vita hvort það væru fleiri og betri heimildir um þetta en mikið hrikalega yrði það svakalegt að fá hann og svo Keita í sumar þetta myndi klárlega styrkja okkur all svakalega.
Hvar horfir maður á leikinn á Flúðum? Veit það e-h?
#25 kaupir þér 4g inneign hjá innlendri netþjónustu og gengur svo niður að Litlu-Laxá, þar sem besti laxveiðitíminn er einmitt í janúar (notar hár þitt og skegg til að kasta út línu og flugu ef annað gefst ekki), ferð svo með I-pad og skonsu á bakkann, slærð inn streamhunter.tv. Klæddu þig bara vel, svo er líklega golfskáli þarna í grenndinni sem gæti sýnt leikinn.
hæ, hvar er best að sjá leikinn í tölvu ?
“Fimm dagar eftir af glugganum. Utd kommir með Sanchez, Arsenal búnir að fá Mkhitaryan og með Aubameyang í vinnslu, Spurs að fá Lucas Moura og Chelsea að fá Emerson og framherja (Dzeko). Meðan við seljum Coutinho og fáum ekkert í staðinn.”
Hvaða vitleysa er þetta. Utd búnir að fá Sanches, selja Mkhitaryan. Arsenal tapa sínum besta manni og fá M í staðin. Spurs ekki búnir að fá neinn, Aubameyang er ekki farinn neitt, Chelsea ekki búnir að fá Emerson og við búnir að fá dýrasta varnarmann í heimi.