Liverpool 0 – 1 Crystal Palace (Skýrsla)

0-1 Eze ’14

Fyrri hálfleikur var að miklu endurtekið efni frá því fyrr í vetur. Það vantaði ekki ákafan í okkar menn, sérstaklega Robbo og Diaz, en liðið var engan vegin í takti við sjálft sig. Í hvert sinn sem Palace fengu tækifæri til að sækja sköpuðu þeir mikla hætta og eftir ekki nema korters leik náðu gestirnir að skora eftir frábæra sókn og hörmungar varnarvinnu hjá Liverpool.

Skömmu síðar var Van Dijk nálægt því að gefa annað mark þegar hann rann í grasið, en Alisson náði að neyða sóknarmanninn í að vippa og þindarlausi skotinn okkar bjargaði á marklínu á síðustu sekúndu.

Út hálfleikinn voru okkar menn meira með boltann og með smá heppni hefðu þeir skorað en vantaði alla stjórn á miðsvæðið og augljóst að það þurfti að bregðast við. Klopp skipti arfaslökum Endo útaf og svo kom Trent inn á strax eftir hálfleik eftir að Bradley sneri sig á ökkla.

Næstu tuttugu mínútur voru svipaðar því sem á undan fór. Liverpool miklu miklu miklu meira með boltann en þrátt fyrir að maður sæi greinilega framför í spilinu með innkomu Szobozlai og Trent þá voru engin færi til að tala um. Palace varðist vel og töfðu vel. Þegar rúmur klukkutími var liðin af leiknum skipti Klopp inn á Gakpo og Jota fyrir Diaz og Nunez.

Næstu fimm voru algjör stormur, þar sem Jota og Curtis Jones hefðu báðir átt jafna og Alisson mynti á hvers við höfum saknað þegar hann varði fullkomnlega. Palace tók ævintýralega langan tíma í þrefalda skiptingu og gerði hvað þeir gátu til að drepa tempóið.

Þrátt fyrir að það vantaði ekki baráttuna þá varð úrslitum leiksins ekki breytt. Okkar menn gátu ekki framkallað en eitt kraftaverkið og Palace sigldu sigrinum heim. Örvæntingin náði hápunkti þegar Alisson kom fram til að reyna að skora aftur úr föstu leikatriði.

Bestu menn Liverpool

Ekki margir sem gera til tilkall hér. Diaz var fínn þangað til hann var tekin út af, Robbo frábær í fyrri hálfleik. Aðrir voru ekki góðir.

Vondur dagur

Hér um bil allir. En ég auglýsi nú formlega eftir Mohammed Salah, sem var svo til ósýnilegur í þessum leik. Endo átti líka sinn versta leik lengi.

Hvað nú?

Liverpool endar leikvikuna í þriðja sæti og munu væntanlega klára tímabilið þar. Það þarf kraftaverk á Ítalíu til að halda lífi í þessu tímabili. Meiri bévítans vikan búin.