Brighton úti í næst síðasta leik tímabilsins

Næst síðasti leikur tímabilsins er á morgun þegar okkar menn ferðast á suðurstöndina til Brighton og mæta þar heimamönnum. Það verður áhugavert að sjá ástandið á okkar mönnum á morgun þar sem þjálfarinn hefur verið á Ibiza og leikmennirnir verið að skemmta sér í Dubai. Þetta eru þó forréttindin sem menn vinna sér fyrir með því að klára deildina snemma.

Það verður því áhugavert að sjá liðsvalið hjá Slot á morgun, leikmennirnir snéru tilbaka til æfinga á föstudag þannig spurningin er bara ætlar hann að spila á sínu sterkasta liði eða fá rulluspilarar hlutverk á morgun.

Vissulega hafa Brigton menn ekki að miklu að keppa en þeir eiga enn mjög veika von á að komast í Sambandsdeildina en þá þurfa Chelsea að enda í sjöunda sæti og vinna Sambandsdeildina og Brighton að fara upp fyrir Brentford í áttunda sætið. Ef það gerist verða tíu ensk lið í evrópukeppnum á næsta ári. Það þýðir að hálf deildin spili evrópuleiki.

Ég held að hann muni fara hálfa leið líkt og gegn Chelsea og geri nokkrar breytingar. Vissulega dró ég þær nánast upp úr hatti en ætla skjóta á þetta lið á morgun.

Annars er það helst í fréttum að Frimpong virðist vera á leið í læknisskoðun á morgun þannig við sjáum líklega fljótlega staðfestingu á hans félagskiptum fyrir 30. milljónir punda.

Spá

Held að Brighton mæti hungraðari í þennan leik og komist snemma yfir en Salah jafnar í 1-1 jafntefli.