Búningurinn fyrir næsta vetur!

56 Comments

Fyrir forvitna, þá er hægt að sjá (og ræða) nýju Liverpool-treyjuna fyrir næstu tvö tímabil (2010-2012) hér fyrir neðan. Hef þetta bak við tengil til að ýta frábærri upphitun ekki of neðarlega á síðuna.

Sem sagt, nýja treyjan verður kynnt formlega á morgun en myndir af henni láku á Twitter í kvöld og svona lítur gripurinn út:

Og svona líta félagarnir Carragher, Torres og Gerrard út að störfum í nýju treyjunni:

Mín skoðun: FRÁBÆR TREYJA. Hvíti kraginn sem hindraði mig í að kaupa síðustu treyju er horfinn, Adidas-rendurnar á hliðunum eru í lágmarki og nýja auglýsingin fellur ágætlega þarna inn. Líst vel á þetta, hlakka til að sjá fyrstu Torres-þrennuna í þessari treyju.

fb-share-icon
Tweet

56 Comments

  1. Ég vona bara að þeir Torres og Gerrard verði hérna á næsta ári til þess að spila í þessum búningum.
    En verða þessir búningar ekki sýndir á opinberu síðunni á morgun.

  2. Ef að þetta eru búningarnir þá líst mér mjög vel á þá.

  3. Ég fíla þetta.

    Og ég vil líka nota tækifærið til að taka tilbaka allt slæmt sem ég hef sagt um Arjen Robben.

  4. Hélt ég myndi nú aldrei segja þetta en Arjen Robben er frábær!

    Sjaldan hefur einn leikmaður náð að rífa sig upp frá því að vera eitt mesta erkifífl í boltanum í að vera frábær. Þetta mark var það mikið rugl að það var í Messi standard.

    Annars er nýi búningurinn vel heppnaður þó það sé nú skrítið að sjá hann ekki með Carlsberg logoi.

  5. Elska þennan búning, Arjen Robben og allt Bayern liðið. Þeir stuðningsmenn Man Utd sem fögnuðu sigri í stöðunni 3-0 hafa greinilega ekki verið að horfa á tiltekinn leik sem var spilaður í Istanbul fyrir 5 árum!

  6. Hlandaðu uppí mig, ég elska Arjen Robben.
    Æðisleg treyja, hlakka til að fjárfesta í einu stykki.

  8. Ég var búinn að steingleyma hvað ég held mikið með Bayern 🙂 Meira að segja Robben er frábær, þrátt fyrir að ég hafi blótað honum manna mest í þessum leik 🙂

    Ágætur búningur og allavega flottari heldur en það sem var hérna um daginn

  9. Fínasta klæði. Alveg hægt að splæsa í þetta. Verður gaman að sjá varabúning og CL búninginn 🙂

  10. flott treyja! veit samt ekki alveg með þetta styrktar merki svo vil ég reyndar hafa liverpool búningin eins mikið rauðan og mögulegt er.. en veit einhver með varabúninga hefur ekkert af þeim lekið út

  12. Sælir félagar
    Mér líst vel á búninginn og það hætta að drekka Carlsberg sem ég haf gert sem sannur stuðningsmaður.. vantar meiri styrkleika í þann bjór !! En ég er að far að horfa á Liverpool – Fulham um helgina og vitið þið hvort þessi búningur sé kominn í sölu.

  13. Ég er alveg til í að kaupa þessa treyju, mjög flott og ég er alveg að fíla nýja sponsorinn.
    Nú hefur konan ekki lengur þau rök að hún vilji ekki að börnin séu gangandi áfengis auglýsingar þannig að ég get loksins keypt treyjur á krakkana 🙂

  14. Finnst treyjan flott og vona svo innilega að þetta sé lokaútkoman með hálsinn (kraginn burt).
    Mikið rosalega var gaman að sjá boltann hjá Robben inni.

  17. Díses hvað Torres er kvenlegur þarna á myndinni. Vil sjá hann snoða sig og jafnvel setja LFC tattoo í hársvörðinn einsog alvöru BAYERN maður. Ha?

  18. Búningurinn er stórglæsilegur en tíðindi kvöldsins eru að leiktímabilið er að smám saman að fokkast upp big time fyrir ManU. Ekki að maður þori alveg að afskrifa helvítið hann Ferguson en one down í kvöld. Skrítin þessi fótbolti en hugsanlega fer það svo að í endurminningunni verði litið á að árangur Liverpool þetta árið sé bara góður borið saman við ManU. En það er best að segja sem minnst en vona að maður verði áfram bænheyrður eins og í kvöld.

  19. Afar glaður að sjá þennan búning, og þó Carlsberglogoið sé flott hyllir nú í það að ég gæti mætt í Liverpoolbúning í vinnuna í fyrsta sinn lengi, þar sem ekki þykir við hæfi að ég flaggi ölauglýsingum í daglega djobbinu.

    En Arjen Robben er gaurinn í kvöld og ég fékk gæsahúð af gleði að sjá nasavængi þess gamla í viðtalinu eftir leik!!!!! Vændi Bayern um óíþróttamannslega hegðun, kallaði það “typical Germans”….. SNILLD SNILLDANNA!

    Spurning morgundagsins í minni vinnu?

    Hvaða tvö ensku lið eru ENNÞÁ Í EVRÓPUKEPPNUM!!!!!!!!

  20. Grátlegt að sjá að það hlakkar í mönnum yfir óförum annarra.

    Grátlegt að sjá okkur státa okkur af því að vera enn með í Evrópudeildinni.

    Grátlegt að sjá metnaðarleysið sem ríkir hjá okkur því við getum ekki glaðst yfir neinu nema óförum annarra.

    Grátlegt að við skulum ekki hafa verið að detta út gegn Bayern í stað þess að spila við Benfica á morgun.

  21. þið talið mikið um að vilja ekki vera með áfengisauglýsingar.. afsökunin hjá mér er að Carlsberg gerir lika gos (Carlsberg Sport)

    Annars mjög flottur búningur, hlakka mikið til að sjá vara og cl búningana

  22. Virkilega flottur búningur. Ánægður með hann! En er ekki hægt að framleiða búninga fyrir asnalega miðfeita einstaklinga eins og mig? Yrði bara asnalegur, íklæddur svona fegurð……ég elska Liverpool.

  23. Flottur búningur,er búinn að bíða að mig minnir í 15 ár eftir nýjum styrktaraðila á Liverpooltreyjuna eftir að Þorgrímur Þráinsson ældi því út úr sér að Liverpool yrði aldrei enskur meistari með bjór auglisýngu framan á treyjuni.
    VIÐ VERÐUM MEISTARAR Á NÆSTA TÍMABILI.

  24. Það eina sem er grátlegt hérna eru ummæli #20.

    Frábær búningur annars, virkilega sáttur með hann.

  25. Jesús minn Grolsi, farðu þá bara að grenja.

    Annars sammála Viktor EB, virkar flottur búningur fyrir leikmenn… alls ekki fyrir þorra þeirra (okkur) sem spilum í sófanum 😉

  26. Grolsi, þar sem að Man. Utd telst til erkifjenda LFC, þá er okkur einfaldlega skylt að gleðjast yfir óförum þeirra. Alveg burtséð frá því hvort við höfum efni á því eður ei.

    En ég er að spá í að skella mér á eitt stk. adult long sleeve treyju, djöfull er þetta flottur búningur!

  27. Fíl’ann. Þessi verður klárlega kominn á mitt heimili fljótlega eftir að hann kemur í sölu. Ætla að heyra í Valda í Jóa Útherja og kanna hvenær kvööööököööööndið kemur í Ármúlann.
    “Grolsi”………….common, af hverju þarftu að láta svona ??? Leyfðu mönnum bara að gleðjast yfir því sem þeir vilja, það þarf ekki að trufla þinn svefn í nótt.
    Forza Liverpool.

  29. Flottur buningur en ég er ekki að fíla það að það sé banki sem auglýsing getum við ekki bara verið svona flottir eins og barca og auglýst unicef eða eitthvað fallegt.Akkuru erum við að auglysa mesta glæpastarfsemi í heimi þetta sýnir en og aftur að liverpool er á niðurleið.Þegar við seljum sálina okkar til einhverja kalla í jakkafötum svona án gríns ef það er eitthvað sem á eftir að drepa liverpool þá er það þegar við seljum sál okkar til djöfulsins .

  30. Mér finnst þessi búningur ekkert sérlega fallegur. Hef séð mun fallegri búninga en þennan, því miður. Grái Candy var t.d mun fallegri!

    Að öðru. Það má stunda svokallað þráðrán þegar rætt er um búninginn og þá alltí einu er í lagi að fara að ræða leik MAN UTD og Bayern. En þegar ritað er um leiki Liverpool þá má ekki fara að ræða um vanæfni knattspyrnustjórans- sem ég ætla reyndar ekkert að gera að neinu umtalsefni núna.

    Að lokum grolsi hefur nú reyndar lög að mæla að því leiti að metnaðurinn er að engu orðin þegar menn tala um hugsanlega betri árangur en Manjú á titlalausu ári þeirra(hugsanlega). Menn eru þá fljótir að gleyma arfaleiðinlegum bolta félagsins og ótrúlega slökum árangri.

    En já þetta er þráður um búininginn 🙂 og mér finnst persónulega hægt að gera betur þar- en hann er ekkert alslæmur, ekkert mjög flottur heldur!

  31. Grátlegt að lesa skrif Grolsa , hann passar að reyna að smita öll skrif og þræði af jákvæðni sinni og bjartsýni.

    En annars finnst mér þessi búningur nokkuð flottur, svolítið sérstakt að sjá ekki Carslberg þarna framaná 🙂

  32. “Performance benefits of tech fit include improved speed, increased endurance capabilities and enhanced proprioception. This will help give the team that all important edge over the competition, when it matters most.”
    Ánægður með þennan nýja fídus í búningnunm, ætti klárlega að hjálpa okkur að ná titlinum á næsta ári. 🙂

  34. Mér finnst þessi bara mjöög flottur, fjárfesti 100% í einu svona stykki! Samt frekar skrítið að hafa ekki Carslberg á honum, en það venst;)

  35. Já, það verður óneitanlega frekar skrítið að hafa ekki “nafnið sitt” skrifað framan á búninginn okkar. En þessi búningur virkar vel á mig og mér finnst hann ljósárum fallegri en grái Candy búningurinn sem einhver minntist á hér að ofan. En svona er nú smekkur manna misjafn, og ekkert við það að athuga.
    Ég skil hinsvegar ekki hvernig menn eins og Grolsi nenna að koma hingað inn með þetta tuð sitt. Það er alveg klárt á þeim bænum, að viðkomandi er bara engan veginn að átta sig á því um hvað ensk knattspyrna er. Ef menn mega ekki lengur gleðjast yfir því að mestu erkifjendurnir drulla uppá bak, Þá er nú alveg eins gott að hætta þessu bara. Það yrði saga til næsta bæjar ef Liverpoolstuðningsmenn mættu ekki lengur monta sig að því að hafa skellt þeim bláu á barnum úti í Liverpool einhvern laugardaginn !!

    Ég frábýð mér svona rugl, enda hefur maður daglega tekið við skotum frá United mönnum, í allan vetur og margir þeirra mæta meira að segja á leikina okkar nú orðið, til að hlægja þegar okkur gengur illa. Ég áskil mér bara rétt til þess að vera glaður þegar United, Everton eða hvaða lið sem mér dettur í hug er að drulla á sig. Það er bara partur af þessu öllu…

    Hér kemur svo þráðránið: Grolsi með fullri virðingu, þá finnast mér þín skrif yfirleitt frekar leiðinleg og neikvæð.

    Insjallah… Carl Berg

  36. Einar Örn, þú mættir líka að taka eftirfarandi ummæli til baka: 😉

    “Úff, Man U með auðveldustu leið í úrslitin. Forðast Inter, Arsenal og Barca”
    “ég held að flestir Man U stuðningsmenn hefðu valið Bayern umfram barca, inter og arsenal. Og að fá annaðhvort franska liðið í undanúrslitunum er náttúrulega slæmur brandari.
    Auðvitað eru þetta allt sterk lið, en þetta er samt klárlega léttasta leiðin”

    Schöne grüsse 🙂

  37. doddi

    • Að öðru. Það má stunda svokallað þráðrán þegar rætt er um búninginn og þá alltí einu er í lagi að fara að ræða leik MAN UTD og Bayern. En þegar ritað er um leiki Liverpool þá má ekki fara að ræða um vanæfni knattspyrnustjórans- sem ég ætla reyndar ekkert að gera að neinu umtalsefni núna.

    Fair point, munurinn er kannski sá að umræðan hefur nú að mestu alveg haldið sér um búninginn. United- Bayern var bara að klárast þarna og menn eðlilega sáttir og leiðist ekki að koma aðeins inn á það á Liverpool blogginu, enda höfum við flestir fengið dágóðan slatta af skít frá United félögum okkar.

    En kannski, ef maður reynir að líta neikvætt á þetta, er þessi þráðrán lína eitthvað óljós, það verður líklega bara að hafa það. Umræða um stjórann og flesta þá leikmenn sem sömu menn hafa viljað drulla yfir trekk í trekk hefur samt KLÁRLEGA alveg fengið sinn sess á þessari síðu og rétt rúmlega það. Ef allir þræðir myndu snúast upp í umræðu um United eða Bayern myndum við líka stoppa það af (draga úr því) með mjög svipuðum hætti.

    og
    Geri, auðvitað þarf hann alls ekki að taka þetta til baka. Gerir þetta bara enn betra 🙂

  39. Annaðhvort er flókið að skrifa comment hérna eða ég svona vitlaus. Fólk er vinsamlegast beðið að sitja á skoðunum sínum um hvort sé rétt 🙂

  40. Doddi (#30) – stundum er þráðrán augljóslega í lagi, og það á að mínu mati við hér af því að við settum ekki inn færslu vegna United-leiksins í gær en samt var augljóst mála að Liverpool-stuðningsmenn myndu vilja ræða það einhvers staðar.

    Hitt er svo annað mál og það sem ég kalla meira þráðrán þegar ákveðnir menn taka orðið alla þræði og beina þeim í sömu umræðuna, aftur og aftur. Það er öllu verra og leiðinlegra til lengri tíma litið. Það verður enginn bannaður eða dæmdur föðurlandssvikari fyrir að voga sér að nefna eitthvað annað en það sem þráðurinn fjallar um (sérstaklega ef menn taka það fram að þeir fari út fyrir efnið, orðið vinsælt að byrja slíka pósta á „Afsakið þráðránið, en…“) en þegar menn snúa öllum þráðum upp í sömu umræðuna (í vetur hefur það verið lélegurRafa, lélegurLucas og/eða lélegurKuyt, á árum áður voru það menn eins og Riise, Josemi og Pellegrini, auk stjórans, sem voru oftast ástæðan fyrir þrálátum þráðránum) spyrnum við jafnan við og reynum að stöðva slíka framvindu.

    Vona að þetta skýri málið aðeins. Það er allt í lagi að fara aðeins út fyrir efnið, sérstaklega ef menn taka það fram og ef ástæðan fyrir því er góð, en ef menn ætla að ræða sama hlutinn í hverri einustu færslu munum við taka á því.

  41. Sáu þið viðtalið við Kafteininn útaf þessum búning… hann sagðist þurfa að fara í ræktina til að sýna meiri vöðva og hló… ( hann er víst tight fit)…
    damn it…. ég ætla að vona að það séu bara “keppnis treyjur” og wide fit fyrir okkur… eða mig allaveganna

    Kristján V…..

    Ekki tight fit maður ; )

  42. Drengir mínir.

    Málið með slimfit er bara 3X og málið dautt, fá bara mömmu til að rykkja saumunum aðeins þarna ofarlega, gullið ráð frá góðum félaga mínum til okkar allra.

    Eða er kannski verið að leggja að okkur einhver dulin skilboð, “Drop the beer and spend your money elsewhere”? Er á leiðinni líkamsræktarátak hjá Liverpool á heimsvísu?

    Ja hvur veit….

    Enn jafn glaður með gærkvöldið og að mæta í vinnuna í morgun var alveg með ferskasta móti, náði alveg mörgum svörum við kommentum sem á manni hafa dunið í vetur! Enn mikilvægara að komast áfram í kvöld en áður!!!

  43. Bíddu .. var að horfa á vídeóið á LFC.TV .. var Reina að tala scouse?

    Flottur búningur!!

  46. Skildi einhver hvað Carra var að segja? Ég náði fyrstu setningunni en þurfti að hlusta á þetta aftur til þess að skilja restina 😀

  47. Einar Örn, þú mættir líka að taka eftirfarandi ummæli til baka: 😉

    “Úff, Man U með auðveldustu leið í úrslitin. Forðast Inter, Arsenal og Barca” “ég held að flestir Man U stuðningsmenn hefðu valið Bayern umfram barca, inter og arsenal. Og að fá annaðhvort franska liðið í undanúrslitunum er náttúrulega slæmur brandari. Auðvitað eru þetta allt sterk lið, en þetta er samt klárlega léttasta leiðin”

    Ég skal með ánægju éta þetta oní mig. 🙂 Ég viðurkenndi þó að ég held seinna í þræðinum að Bayern gæti gert eitthvað, en ég var nú ekki bjartsýnn. Hefði United komist í gegnum Bayern þá hefðu þeir auðvitað nánast verið komin í úrslitin.

    Stundum er gaman að hafa rangt fyrir sér. 🙂

  49. Veit einhver hvaða gella þetta er þarna á milli Carragher og Gerrard?

  50. „Veit einhver hvaða gella þetta er þarna á milli Carragher og Gerrard?“

    Hef ekki hugmynd … en Fernando Torres bara veeeerður að fara að klippa sig. Ég vil fá hanakambinn aftur. 😉

  55. líka gaman að vita til þess að þessi búningur er unnin út frá búningnum tímabilið 1989-1990 sem að var jú síðasta tímabilið sem að Liverpool vann ensku deildina. Gaman að sjá að menn eru að reyna storka örlögunum, nýtt lógó nýjir tímar?

Benfica á morgun

Liðið komið