Opinn þráður – leikmannakaup

Podcast á dagskrá í kvöld en opinn þráður fram að því.

Markaðurinn er auðvitað ekki opinn ennþá og flestir ef ekki allir leikmenn farnir í frí eftir langt tímabil. Það er eiginlega bara eitt lið sem er að klára kaup á leikmönnum fyrir þessi mánaðarmót og Dan Kennett var með áhugaverðar vangaveltur um það afhverju það gæti verið.

On May transfers, it's worth noting that nearly all major clubs have a financial year that runs 1st June-31st May to align with FFP

— Dan Kennett (@DanKennett) 29 May 2017

So if a club has headroom within the current FY it's quite possible they may want to move quickly to get the deals done in May.

— Dan Kennett (@DanKennett) 29 May 2017

Whereas others may want to wait until 1st June and the new financial year to announce deals #JustSaying

— Dan Kennett (@DanKennett) 29 May 2017

Á móti myndi maður ætla að Liverpool sé ágætlega statt eftir þetta tímabil hvað FFP varðar og með svigrúm til að bæta við leikmanni enda engu eytt í leikmenn á síðasta tímabili.

Liverpool hafa klárað sín innkaup nokkuð snemma undir stjórn FSG og miðað við orð Klopp um að leikmannakaup væru að miklu leiti frágengin myndi maður ætla að ansi margt gerist í júní (áður en undirbúningstímabilið hefst). Líklega eru flest liðin að hugsa þetta þannig.

Mín spá, við kaupum fæsta af þeim sem helst hafa verið orðaðir við Liverpool en eftir síðasta glugga treysti ég Liverpool mun betur en oftast áður til að bæta liðið. Klárlega betur en sumarið 2014 þegar liðið veiktist umtalsvert fyrir tímabil í Meistaradeild.

Michael Edwards var lykilmaður síðasta sumar og virkar betur á mann sem æðsti maður hvað þetta varðar í samanburði við Ian Ayre. Eins er Klopp með þá Buvac og Krawietz mun meira sannfærandi en Rodgers og Pascoe. Sé núverandi teymi ekki klúðra glugganum svo fullkomlega að hann endi á vali á panic kaupum á Balotelli eða öldruðum Eto´o.