Ingimar Bjarni Sverrisson
Mörkin
’13 Dembele (0-1)
Hvað gerðist markvert í leiknum?
Okkar menn byrjuðu af gríðarlegum krafi og náðu fyrstu tíu mínuturnar og náðu að skapa sér tvö eða þrjú afar álitleg færi. Það voru þó gestirnir sem nýttu sitt færi. Á þrettándu mínútu náðu Barcola og Dembele að sameina krafta sína í leifturfljótri skyndisókn, sem endaði með því að Dembele skaut sér fram hjá hafsentunum okkar og náði í bolta sem Konate hefði líklega átt að skilja eftir fyrir Alisson.
Það sem eftir lifði hálfleiksins voru Parísarmenn með vindinn í bakið. Það var ekki að okkar menn spiluðu illa, en gestirnir virtust eiga mun auðveldara með að skapa færi og við gátum þakkað Becker fyrir að staðan væri ekki verri. Næstum allt virkaði hjá Liverpool, en ekki nóg til að jafna.
Fyrstu 30 mínútur seinni hálfleiks voru hreinlega frábær fótbolti á báða bóga og líklega besti hálftíma af fótbolta á Anfield í vetur. Bæði lið léku á alls oddi, okkar menn meira með boltann en allar skyndisóknir þeirra frönsku hættulegar. En fjárans tuðran vildi ekki inn!
Það dróg til tíðinda á 73. mínútu, miður góðra. Trent hoppaði í tæklingu og festi stóru tá í grasinu. Niðurstaðan var að hann sneri svakalega upp á öklan á sér og verður væntanlega frá í í einhverjar vikur. Í stað hans koma Quansah inn á og þessu ótengd sendi Slot Nunez inn á fyrir Jota.
Það sem eftir lifði hálfeiks róaðist aðeins leikurinn, en ekki mikið. Liverpool, var meira með boltann, sköpuðu fleiri færi en sama hvað þeir gerðu náður þeir ekki að skora. Framlenging niðurstaðan eftir 180 mínútur.
Það var vítaspyrnufnykur af framlengingunni frá fyrstu mínútu hennar. Þreyttar lappir báðum megin og ákveðin vonbrigði að varamenn okkar næðu ekki að koma inn af meiri krafti. PSG náðu yfirhöndinni í seinni hálfleik en hinn guðdómlegi Alisson Becker varði þeirra besta skot á ramman. Satt best aðs segja var maður afar feginn þegar að vítakeppninni kom.
Því miður reyndist vítakeppninn okkur ekki hagstæð. Salah stór fyrir sínu en Nunez og Jones tóku hreint út sagt skelfileg víti sem Donnarumma varði léttilega, á meðan PSG liðar skoruðu öruggt úr sínum.
Hvað réði úrslitum?
Færanýting, öllu heldur skortur á henni var ástæðan fyrir að okkar menn náðu ekki að klára verkefnið í kvöld.
Hverjir stóðu sig vel?
Fyrir utan ein hrikaleg mistök í upphafi leiks voru varnarlínan og sérstaklega Alisson virkilega flottir í dag. Sama miðjan og gatt ekki neitt fyrir viku voru miklu betri í þessum leik, en þetta var ekki leikur þar sem einn maður stóðu uppúr. Quansah verður að fá mikið hrós fyrir hvernig hann kom inn á, lang besta skiptingin í leiknum.
Hvað hefði mátt betur fara?
Sóknarlínan eins og hún lagði sig hefði mátt standa sig mun betur í þessum leik. Miðað við þann urmul færa sem voru sköpuð í þessum leik er ótrúlegt að ekkert mark hafi verið saknað. Diaz og Salah voru í það minnsta að pressa vel, Jota var heillum horfin. Verst var samt að skiptingarnar hans Slot virtust ekki hafa nein jákvæð áhrif á leikinn
Umræðan eftir leik
Ef Konate og Trent eru illa meiddir gæti þetta reynst rándýr leikur fyrir næstu vikur.
Það er ofboðslega langt síðan Liverpool spilaði við lið og hitt liðið virtist í betra formi. Í lok framlengingar voru okkar menn á keyra á gufunni einni saman, á meðan PSG virtust geta hlaupið endalaust.
Ömurlegur endir á Meistardeildinni í ár staðreynd, ótrúlega fúlt eftir að hafa stútað riðlakeppninni.
Hvað er framundan?
Það er heimsókn á Anfield South um helgina og dolla í boði!
Sumir eru fæddir winnerar en aðrir fæddir skúrkar … það vita allir hvaða leikmenn hér er átt við … úff innkoman í leikinn og síðan í vító …
Stærstu mistök Slot hingað til sem stjóri að stöðva hann ekki frá því að taka víti !
Ég bara fann það strax á mér að Nunez myndi ekki ráða við þetta og skil ekki þessa ákvörðun.
Held að allir nema hann hafi vitað að þetta færi aldrei inn.
Skelfileg kaup
Magnað að rústa stærstu deild heimsins og fá PSG í 16- liða úrslitum. En svona er þetta. Við getum ekki alltaf unnið allt.
Mikið ofboðslega er þetta leiðinlegt kombó, endalaust léleg færanýting og enn einu sinni verður þetta okkur að falli. Mikið ofboðslega er þetta dapurt að menn reyna endalaust að finna næsta mann, þó þeir séu í góðu færi. Þetta kemur okkur að kolli, og myndi kosta miklu meira ef við værum ekki með svona “solid” vörn. Það vantar “killer” fram á við, einhvern sem klárar þessi hálffæri, en er ekki alltaf að leita af Salah. Kvöldið í kvöld var skólabókardæmi um lélegan sóknarleik en góðan varnarleik. Við getum klúðrað færum endalaust og gerum það, á meðan vörnin stendur sína plikt. Þetta er í raun pathetic hvernig framlínan okkar klúðrar hverjum leiknum á fætum öðrum. Djöfull er ég pirraður eftir þennan leik 🙁
Ertu með annan i huga en Alexander Isak ?
Nú gæti breiddin komið okkur í koll. Búið að keyra nánast á sama liðinu.
Frábær leikur hjá frábærum liðum. Okkar menn búnir á því í framlengingunni. Nunez og Gakpo komu ekki með neitt inn í leikinn, Gakpo greinilega ekki í leikformi og Nunez…… hvað getur maður sagt!
Ok, vinnum deildarbikarinn á sunnudaginn, svo kærkomið frí fram í apríl, vonandi mæta allir ferskir þá og klárum deildina áður en maí mánuður gengur í garð.
YNWA
Já og vil bæta því við að ég vorkenni Nunez, lítið að ganga upp hjá honum þetta tímabilið!
Dauðþreittur Jota var betri en Núnez. Af hverju var hann settur inná? Nunez er bara ekki með þau gæði til að spila fyrir Liverpool
Við hefðum samt líklega verið dottnir út eftir 90 mín í gær ef hann hefði ekki komið inná í fyrri leiknum
Vonandi vinna PSG meistaradeildina þeir eru með magnað lið núna þurfum við að gera okkur klára fyrir sunnudaginn og ná í BIKAR
PSG betri yfir þessa tvo leiki.
Svo margt sem var að í dag, veikleikar sem liðið hefur að mestu náð að fela í deildinni.
Nú þurfa menn að rífa sig upp.
Djöfulli fúlt en tvö frábær lið að keppa. Ég er stoltur og ég nenni ekki að finna sökudólga. Mér leið eins og færanýtingin væri speglun á því sem gerðist í París í síðustu viku. Vítaspyrnukeppni finnst mér alltaf “hálfósanngjörn” leið til að ráða úrslitum. Náum deildinni nr. 20 og vonandi deildarbikarnum líka. Og svo verður vonandi bæting á næsta tímabili 🙂
Ég ætla bara þá að vona að PSG taki þetta núna fyrst þeir náðu að sigra okkur. YNWA.
Eftir að hafa horft á þessa leiki við PSG er ég komin á þa skoðun að það eigi ekki að semja við Sala um framlengingu, nema þa að samningurinn verði mjög hagstæður fyrir Liverpool. Hann er frábær við vítateigshornið og í vítateignum en því miður er hraðinn að minnka og varnarvinnan er ekki góð. Hvorutveggja er algjör nauðsyn í nútimafótbolta. Nú má Sala troða sokk upp í mig og vera frabær til vors:-)
þetta er ekki í fyrsta skipti sem Salah hverfur í föstumánuðnum. Hann hefur ekki leikið vel að undanförnu þó hann hafi sett mörk úr vítum.
Ef Salah fer í sumar þá held ég að Liverpool hafi fengið allt það besta frá honum. Góðir hlutir taka enda og vissulega yrði mikill söknuður af Salah.
Verði einhver spennandi kantmaður keyptur í staðin gæti það verið það besta fyrir alla aðila.
Salah hefur borið Liverpool einn í vetur. Hann hefur komið að 44 mörkum af 69.
En vissulega þarf að endurnýja liðið – og það töluvert.
Og kannski Slot líka, eða?
Ég er ekki sammála því að menn voru að spila á gufunni, Gakpo td þurfti bara að keyra sig út í 20 mín sem flestir skemmtiskokkarar gætu gert en virkaði eins og hann væri búin að spila í 5 tíma eftir 12 mánaða fjarveru. Sobo og Macca voru enn að hlaupa með tilgangi þegar þeir voru inná en varaskeifur þeirra vorum heillum horfnar. Robbo var flottur ásamt Jarred sem þurftu að verjast miklu meira þegar leið á, einfaldlega því liðsfélagar þeirra sem áttu að koma með aukakraft inná brugðumst þeim, okkur og fólkinu á vellinum. Mér finnst þetta ekki vera marks um þreytu heldur stæla. Að þeir skuli halda að þeir séu bestir og mestir. Hlauptu úr þér lungun fyrir þreyttari liðsfélaga þína eða farðu. Ég er gjörsamlega brjálaður út í varamenn okkar í dag.
hvers vegna tjáir þú þig einungis eftir tapleiki? Þú hefur aldrei neitt annað fram að færa en gremju og biturleika.
Veit ekki, kannski þoli ég ekki að tapa eða eitthvað. Hver ert þú?
viltu þá nafn og kennttölu? Jafnvel heimilisfang líka?
Það er svakalega dýrt fyrir okkur að Jota og Nunez eru bara eiginlega aldrei að gera gæfumuninn fremst á vellinum. Fínn leikur en skallinn hjá Quansah…. Þar mögulega fór þetta.
Töpuðum bara fyrir betra liði, áfram gakk, næsti leikur á Wembley
Jæja heilvítis svekkelsi og ekki bara Nunaez sem var sslakur heldur öllum sem var skipt inná nema Quansha Curtis gerði ekkert og Elliot sást ekki eftir að hann kom inná hefði bara verið betra að hafa miðjuna eins áfram. En PSG flottir og alltaf 50 / 50 í vîtó þurfum að taka þessa 2 bikara sem eru eftir og þá er þetta flott tímabil.
Sælir félagar
Það er ekki hægt að vinna alla leiki og með smá hepnni (eða minni óheppni) hefði Liverpool getað unnið þetta á heimavelli sínum. Liðið byrjaði með miklum látum báða hálfleikina en inn vildi boltinn ekki og því fór sem fór. Ég er sáttur við leik liðsins og leikmenn skildu allt eftir á vellinu. Hvort liðið sem var hefði getað unnið leikinn í venulegum leiktíma eða í framlengingu og mér fannst LIverpool á köflum yfirspila frábært lið PSG. En ef lukkan er ekki með þá tekur ólukkan við. Frábær leikur tveggja góðra liða. Takk fyrir mig
Það er nú þannig
YNWA
Kannski rétt að minna fólk á að Nunez var með gæðin til að leggja upp sigurmarkið gegn PSG fyrir viku, og skora svo jöfnunarmark og fiska víti um helgina.
Hann er greinilega enn mjög brothættur andlega. Slot var að veðja á að síðustu tveir leikir hefðu veitt honum sjálfstraust, en það var ekki svo. Því miður.
Nunez var ekki sá eini sem klúðraði. Skítur skeður og allt það.
Vissulega var maður hissa á að maður sem er ekki er sterkur andlega, hafi tekið víti nr. 2.
Framlag hans á þessu tímabili er þá upptalið að viðbættum leik gegn Brentford!
Ef það er einn hlutur sem leikmaður þarf að hafa í lagi á punktinum þá er það hausinn.
Það vita það allar sófakartöflur heimsins að Darwin er sá allra slakasti þar. Hann er sá síðasti í liðinu sem ég myndi treysta fyrir víti undir pressu.
Slot sat uppi með þennan skúrk og hefur gert ótrúlega hluti með liðið. Vonir manns voru þó farnar að fara í þá átt að Darwin gæti kvatt liðið í vor með sæmd og komið með eitthvað framlag að borðinu til lengri tíma en svo virðist ekki vera.
Hvað veist þú um það? Annars annað blákaldar staðreyndir um mjög svo ósannfærandi leikmann. Mér finnst ólíklegt að Slot veðji meira á hann.
Svaka leikur, gengur betur næst.
Vorkenni okkar mönnum. Þeir lögðu sig fram og áttu sigurinn skilið úr þessum leik.
En. Bikarkeppnir eru alltaf happa/glappa.
Hægt að gráta í kvöld en úrslitaleikurinn á sunnudag spyr ekki að neinu öðru en viljanum og hæfileikunum til að snúa örlugunum sér í hag.
Góða nótt
YNWA.
Á þessum tímapunkti hefðum við ekki geta fengið erfiðari andstæðing.
Ótúlegt að hafa dregist gegn þessu liði eftir að hafa sigrað deildarkeppnina.
Annars er voða lítið til að fárast út af,, þeir voru sterkari þegar horft er til beggja viðureigna. Við drógum þá í vítakeppni og tvö léleg víti hentu okkur úr keppninni.
Mögulega var Liverpool eina liðið sem hefði geta dregið þetta PSG lið í vítakeppni.
Erum yfir í einvíginu og enginn ástæða að pressa í einhverjum djöfulgangi og hafa allt galopið tilbaka. Beita bara sömu taktík og í fyrri leiknum og líklegra að vera
meira clinical á heimavelli. Að því sögðu er ótrúlegt að skora ekki eitt fokking mark í 90mins. Taktískt disaster og Slot vonandi lærir af þessu. Detta út í 16 liða er skammarlegt eftir að hafa unnið forkeppnina. Að henda svo illa ryðguðum Gakpo inná í stað Chiesa er líka ámælisvert. Get ekki beðið þangað til þetta drasl Nunez verði selt því þetta hlýtur að vera einn allra heimskasti sóknarmaður sem hefur spilað fyrir lfc. Farið hefur fé betra.
“Farið hefur fé betra”
Ertu að tala um meistaradeildartitilinn?
Eetu líka að kalla eftir Mourinho eða Conte til að stýra liðinu?
Það var ekkert annað en lukka að halda hreinu í París og alls ekki væntlegt að beita sömu taktík aftur á Anfield þegar forskotið er ekki nema 1 mark.
Liðið fékk fjölmörg fínt færi í leiknum
Nunez ballotellison Þvílíkur moðhaus,
farið hefur fé betra. ágætlega mælt
Það er ekki hægt að dæma tap ut fra vitakeppni. Liðið spilaði alveg agætan fotbolta, bara stundum fellur ekki allt með liðum, eins og hja LFC i kvold, shit happend! Deildartitillinn var og er nr.1, allt annað er bonus.
YNWA
Sammála
Gríðarlegt svekkelsi en PSG er með alveg svakalega frískt lið. Okkar drengir skildu bókstaflega allt eftir á vellinum, langflestir alla vega, og gæti orðið erfitt bæði andlega og líkamlega að ná upp dampi aftur fyrir bikarleikinn á sunnudaginn.
Tvær spurningar snúast í hausnum á mér. Hversu slæm eru meiðsli Trents? Og hversu skrýtið er að að Slot setur Chiesa aldrei inná?
Já, það var allt annað að sjá okkar menn miðað við fyrri leikinn – en höfum á hreinu að það gat varla verið verra.
Liðið sýndi ágæta takta og var að skapa… en FÆRANÝTINGIN maður lifandi Mo Salah, Allah og Jesús!
Og svo gefa þeir andstæðingnum mark með slæmum varnar-/markmannsmistökum.
Nunez og Jones, sem báðir fengu heilmikinn tíma inni á vellinum, voru skammarlega lélegir og litu vægast sagt illa út. Auðvitað ekkert við þá að sakast í vítakeppninni en er ekki með ólíkindum að þessir menn séu látnir stíga á punktinn?
Gakpo var augljóslega ekki tilbúinn. Hafði ekkert fram að færa og leit því miður út eins og gamalmenni á vellinum.
Þó svo að okkar menn hafi verið virkilega góðir á köflum í kvöld og flestir barist eins og ljón, þá áttu þeir ekkert skilið úr fyrri leiknum og hvað þá að sigra. Þetta var því verðskuldað hjá PSG sem voru betra liðið yfir leikina tvo.
Ég sé þetta PSG-lið alveg fara alla leið í keppninni – en að því sögðu þá gæti mér ekki verið meira sama því okkar menn dottnir út og fókusinn fer annað; fyrst á Wembley og svo á að klára deildina vonandi með stæl.
Vonum það besta með meiðsli TAA og Ibou.
Áfram Liverpool!
En og aftur er það botnlaust olíufurstafélag sem hefur áhrif á gengi Liverpool.
það er nákvæmlega ekkert sjarmerandi við þetta PSG félag. það er í sömu hillu og þau félög sem við erum að berjast við heimafyrir og við erum að fara mæta slíku félagi í úrslitaleik næstu helgi.
en af því sögðu, þá verðum við að gera okkur fulla grein fyrir því að ef Liverpool landar þessum PL verður það okkar 20 Englandsmeistaratitill og jöfnum við okkar gömlu ekrifjendur þar.
og erum þá ánn nokkurar umræðu orðið sigursælasta félag á Englandi.
vitnum í þjóðsöngin okkar og berum höfuðið hátt! þegar og “ef” við löndum PL í lok tímabils og við öll með einn galdan gull við hönd þá er enginn að velta fyrir sér hvað við fórum langt í Cl og ekki einu sinni hvað gerðist í þessum deildarbikarleik!
ef við verðum Englandsmeistarar í vor! þá er það allt sem skiptir máli!
Því miður fór sem fór, varðandi innáskiptingarnar þá voru þær flestar til hins verra fyrir utan Quansha og Endó sem stóðu sig vel. Mér hefur alltaf fundist erfitt að fylgjast með Curtis Jones. Mér finnst einhvernveginn eins og hann telji sig betri leikmann en hann er. Þ.e. ætlar sér um of heldur að hann geti hangið á boltanum sem er mjög oft hreinlega tekin af honum. Gakpo sem hefur verið frábær í vetur var ískaldur og gerði nákvæmlega ekkert. Elliot fellur í sama flokk og Jones. Nunez fannst mér heilt yfir fínn í leiknum.
Vító. Víti sem eru tekin eins og Curtis tók það fer í mínar fínustu. Að labba að boltanum og ætla að spyrna í hægu síðasta skrefi. Ömurlega lélegt. Gera þetta bara eins og Salah og Milner þruma boltanum að markinu. Nunes hefði mátt spyrna fastar en það var þó mun betra víti en hjá Curtis.
Alison hefur svo aldrei getað neitt í vítaspyrnukeppnum eins frábær markmaður og hann er.
Þetta var mögnuð viðureign. Byrjunarliðið mætti 100% peppað til leiks og ef ekki hefði verið fyrir þennan misskilning í vörninni hefðum við haldið hreinu. Vörn Parísar var ógnarsterk og þeir fleygðu sér fyrir alla bolta.
Varamennirnir ollu gríðarlegum vonbrigðum. Gakpo engan veginn klár í slaginn, Eliott hvarf, K. Jones missti boltann og var of hægur. Nunez var ekki bara súrrealískur í ákvörðunum sínum (það er eins og hann hafi aldrei æft með þessu liði) hitt var verra að það var eins og hann hefði hlíft sér. Þeir voru greinilega hræddir við hann í upphafi og það átti hann að nýta með karlmannlegum tæklingum og þéttu spili. En ég trúði ekki mínum augum þegar ég sá hann skokkandi í hægagangi eftir flötinni.
Og svo þessi ákvörðun að láta hann taka víti…. Af hverju ekki Gakpo og svo Eliott???
Makalaust.
En yfir það heila var þetta bilað spennandi og hefði getað farið á betri veg. Nú er bara að endurheimta skrokka og þol fyrir sunnudaginn!
Ég tek bara ofan fyrir PSG, þetta er by far besta PSG lið sem hefur verið uppi og fóru því miður verðskuldað áfram.
Drullufúlt að detta út en núna þurfa leikmenn að safna kröftum og ná í bikar næstu helgi og gleyma þessum leik.
Förum svo vonandi að tryggja okkur stærsta bikarinn fljótlega.