Liverpool byrjar á Anfield á föstudagskvöldi

Fyrst er það Bournemouth á Anfield, föstudag 15.ágúst, opnunarleikur tímabilsins. Um að gera að grilla og opna einn Egils Gull það kvöld.

Helgina eftir er það Newcastle á  St. Jamses 23.ágúst og við ljúkum svo ágúst með stórleik við Arsenal á Anfield. Seinni leikurinn við Arsenal er í byrjun janúar og þá verður Mo Salah ekki með enda AFCON í ár.

Tímabilið endar svo á heimaleik gegn Brentford.

Þetta er annars bara hið dæmigerða að öll lið mætast heima og heiman yfir 38 umferðir. Það helsta sem vinnur gegn leikjalista Liverpool eru Meistaradeildarleikirnir, ef að við förum alla leið þar eru leikirnir á eftir í deild jafnan nokkuð þungir. Þrjár ferðir til London, Brighton, Bournemouth, City, Forest, Everton og United allt á útivelli í kjölfar Meistaradeildarvikna.