L’pool 2 – Reading 0

34 Comments

1. :smile:Góður sigur þó ekki hafi verið neinn glæsibragur yfir honum. Okkar menn hálf andlausir fram á við sérstaklega í seinni. Gegn betra liði hefði getað farið illa. Það er ekki nógu gott hvað boltinn gengur hægt upp völlinn og andstæðingarnir fá nánast undantekningarlaust tíma til að skipuleggja sig í vörninni. Það vantar sem sagt tilfinnanlega hraða í sókn okkar manna og ef hann verður ekki til staðar í næsta leik getum við fengið fyrir ferðina. En sem sagt góður sigur í dag og góð leikskýrsla.Takk fyrir það. 🙂

2. Sko… Þetta var örugglega leiðinlegasti fótboltaleikur sem ég hef séð lengi. Liverpool spilaði alltaf svona: Carragher eða Hyypia, oftat hyypia. Tók boltann upp og reyndi svo að gefa sendingu á framherjan. Og mikið rosalega spilar Liverpool hægann fótbolta.!

3. úff af hverju valdi ég að halda með Liverpool en ekki sóknarsinnuðu liði eins og Man Utd og Arsenal 😡

4. nú ef þú hefur valið þér lið, geturu ekki bara valið þér nýtt, sóknarsinnað lið. En til hvers að sætta sig við það. Blessaður veldu þér bara nýtt lið á hverju vori, þ.e. þegar ljóst er hverjir eru meistarar hverju sinni. Einfaldar þetta töluvert fyrir þig.
   Að öðru samt. Annað hvort liggur internetið niðri eða þá að menn koma frekar hérna og missa sig þegar illa gengur. Ef við hefðum tapað þá væru alla vega 20 komment hérna. Við unnum leikinn, 3 komment og allir frekar neikvæðir eitthvað. Ég hef eitthvað misskilið þetta sport, hélt einhvern veginn að 4 unnir leikir í röð væri jákvætt og skref fram á við.

5. Gjörsamlega, fullkomlega, Villi Sveins. Hvað er málið? Vissulega höfum við verið hörmulegir öðru hvoru það sem af lifir vetrar, en það réttlætir ekki neikvæðnina sem veldur því að maður hreinlega nennir ekki að skoða kommentin hérna. Það mætti ætla að Liverpool sé á hraðri leið í 1. deild (eða hvað það nú heitir)!?! Svo vinnum við, hvað 4. eða 5. leikinn í röð, skyldusigur einstaklega örugglega, og einu kommentin eru um að þetta hafi ekki verið nógu glæsilegt?
   (Nú er ég í raun að sannreyna teoríuna mína – þ.e. ég skrifa bara til að kvarta í stað þess að hrósa því sem vel er gert… eða hvað?)

6. 4 leikir í röð?
   þetta voru allt leikir á anfield og þar af var helmingurinn gegn nýliðunum

7. Hmm. Palli litli, þú ert samt alls ekki einn í heiminum… 😉

   Þú valdir hárrétt þrátt fyrir leiðinlega frammistöðu dagsins. Það gefur nefnilega lífinu gildi að halda með liði eins og Liverpool, ofsafengin gleði eða gnístandi sorg til skiptis. Ekki sér maður fyrir sér Man USA eða Arsenal koma tilbaka eins og við gerðum gegn AC Milan í Istanbul, 0-3 undir í hálfleik í stærsta leik ársins.
   Ónei, slíkt gera aðeins alvöru karlmenn með hreðjar. Menn sem karlar óttast og konurnar elska!

   Smjörtillarnir í Man USA, hrokafullu frakkarnir í Arsenal eða málaliðarnir í
   Chel$ea myndu fara að efast um getu sína og manndóm 3-0 undir en ekki æðru og óttalausu drengirnir okkar frá Bítlaborginni.

   Þetta er ástæðan fyrir því að ég gjörsamlega elska þetta félag sem Liverpool er, við stöndum ávallt saman hvernig sem staðan er og gefumst aldrei upp. ….You´ll Never Walk Alone. Þetta er líka ástæðan fyrir því að Liverpool hafa orðið 5 SINNUM EVRÓPUMEISTARAR en öll hin þrjú liðin aðeins 2 sinnum.

   Ef þetta er ekki nóg fyrir þig Palli þá geturu alltaf bara dáðst með krökkunum að Cristiano Ronaldo og sóknarboltanum þeirra og ekkert skilið í því þegar þeir detta snemma í ár útúr CL.
   Eða þú getur blóðrúnkað þér heima í stofu horfandi á Arsenal reyna spila sig inní mark andstæðinganna með stuttum sendingum, hlustað síðan á afsakanafræðinginn Arsene Wenger koma með gufuruglaðar skýringar þegar litla fína dúkkuspilið þeirra gengur ekki upp.
   Ja eða þú getur fengið ókeypis inn í “The House of Pain” með því að byrja halda með masókistunum í Chelsea. Eða bara verið stoltur af því að halda með okkar liði og hegðað þér eins og maður hérna á þessari frábæru Liverpool síðu. Þitt er valið… :rolleyes:

8. Liv vann .Gönguboti?Reading spilar svona bolta og liv verður að spila eftir því.Hefði þettað verið man eða arsenal þá væru þið að skrifa öðruvísi.Reading var á sömu slóðum og við fyrir leikinn,þannig þettað var frábært,ég er sæll og glaður

9. Já, það er nú vaninn að menn séu fljótari að kommenta þegar að illa gengur.

   En Liverpool léku í gær einfaldlega eins vel og þeir þurftu. Þetta var svona Chelsea frammistaða, menn voru ekkert að stressa sig um of á málunum, heldur bara kláruðu leikinn nokkuð örugglega. Þetta var aldrei í hættu og því fóru Liverpool aldrei uppúr öðrum gír.

   Það er hins vegar magnað að menn skuli kvarta yfir því að styðja ekki sóknarlið þegar að þeir styðja lið, sem hefur skorað 12 mörk í síðustu 4 leikjum (hið merka sóknarlið Arsenal hefur skorað 7 mörk í síðustu 4 leikjum).

   En annars, þá er leikurinn gegn Arsenal næsta sunnudag gríðarlega mikilvægur og þar verða menn einfaldlega að sýna að þeir geti klárað hlutina á útivelli.

10. Kannski að bæta því við að þjálfari Reading hefur tekið fram að hann breytti leikskipulaginu vegna þess að þeir hafa verið að leka mörgum mörkum í undanförnum leikjum.

    Þess vegna byrjaði hann með 5 varnarmenn og fjóra á miðjunni, sem er öðruvísi skipulag en gegn Arsenal og gegn okkar mönnum í deildarbikarnum.

    *Þrátt fyrir* að þeir hafi pakkað svona í vörn, þá skoruðu okkar menn 2 mörk. *Þrátt fyrir* það, þá eru menn samt neikvæðir hérna.

11. Mér fannst þetta vera ágætis frammistaða. Liðið fór nokkurn veginn áreynslulaust í gegnum leikinn og vann öruggan sigur. Nú er bara að vinna Arsenal og þá ættum við að geta brosað örlítið yfir frammistöðu liðsins.

12. Ég er himinilifandi með sigurinn..við erum að klifra upp töfluna.

    En við þurfum að landa sigrum á útivelli líka til að eiga möguleika í topp fjóra. Ég er sannfærður um að það kemur…efast ekki. Liverpool verður eitt af fjórum efstu liðunum í maí.
    Ekki nokkur vafi. Spurningin er bara hversu nálægt við komumst árangri síðustu leiktíðar!! Sem var frábær.

    Vonandi náum við að vinna eða gera jafntefli við Arsenal… það myndi hleypa svo miklu lífi í þetta hjá okkur. Ég get varla beðið eftir þeim leik.

    Ég hafði einhvernveginn á tilfinningunni í leiknum á móti Reading að dagskipanin væri að hanga á boltanum eins mikið og hægt væri. Okkar menn fóru fullkomlega eftir því. Reading er svona ekta stemmingslið, þrífast á háu tempói og smá ringulreið. Þeir fengu aldrei að spila sinn leik. Þeir reyndu aðeins í seinni hálfleik en ekkert gekk. Það kom mér bara verulega á óvart hvað þetta var afslappað hjá okkar mönnum. Ég hef séð sums staðar að Reading hafi spilað svo illa, þess vegna unnum við þennan leik!! Ok..en það eru gömul og ný fræði að enginn spilar betur en andstæðingurinn leyfir honum!!! Reading..þeir áttu bara ekki séns. Og hanu nú..

    Já…Arnar ..takk fyrir skeleggt innlegg til Palla litla. Það er ekkert betra en að vera Púllari.

    YNWA

13. Já af hverju heldur maður ekki með sóknarliði eins og Arsenal ?! Einfalt, Liverpool er bara miklu betra en þú mátt alveg vera liðam**la fyrir mér.

    Sjálfum finnst mér boltinn sem Arsenal spilar ekki sá skemmtilegasti sem ég sé og mér finnst líka miklu skemmtilegra að horfa á menn eins og Steven Gerrard og Wayne Rooney en Henry og Ronaldinho. Fótbolti þarf ekkert endilega að innihalda 7000 sendingar í hverri sókn til að vera fallegur og skemmtilegur. Stundum felst glæsileikinn í einfaldleikanum. Virkilega ánægður með að sjá liðið geta tekið svona leiki, sem við vorum í vandræðum með fyrir 2 árum, í hlutlausum og ekkert vera að stressa sig yfir málunum.

    Nú er það bara að taka B´ham og svo slátra Arsenal á sunnudaginn, nú er að sjá hvort liðið sé að bæta sig á útivelli!

14. Stórkostlegt að sjá Kuyt setja tvö mörk. Þarna sýndi hann svolítil “Ruud van Nistelrooy” tilþrif, skoraði úr markteignum, ekki fallegustu mörk í heimi en með því að vera réttur maður á réttum stað… þá sérstaklega annað markið. Fyrra markið var mjög vel gert reyndar.

    Margir hafa borið Kuyt og Nistelrooy saman og mér sýnist Kuyt geta komist á sama stall og hann 🙂 Þó svo að Nistelrooy hafi spilað fyrir Man U verður ekki tekið af honum að hann var og er frábær markaskorari…

15. Fyrir mér var Ívar Bjarklind maður leiksins. Við erum kannski af annarri Liverpool kynnslóð en margir og metnaðurinn því líklega meiri en hjá einhverjum en ég vil taka undir allt sem hann sagði hjá Snorra í gær í settinu.

    Liverpool er eitt af sigursælustu liðum heimsins en árangurinn milli 80 – 90 gerir það nú einna að verkum. Milli 90 – 2000 þá vantaði bara allta herslumuninn að liðið næði titlinum en liðið var að spila frábæran bolta með menn eins og Fowler, Mc Manaman og Redknapp í fararbroddi. Frá árinu 2000 höfum við vissulega landað stórum titlum eins og þeim stæðsta Meistarardeildartitlinum og tveim FA bikurum. En á þessum tíma höfum við spilað frekar varnasinnaðann bolta í stað einnar snertingarboltans sem var einkenni Liverpool í áratugi.

    Í gær spiluðum við á móti einhverju lélagasta liði sem ég hef séð í ensku úrvalsdeildinni. Reyndar höfum við bara spilað við slök lið að undanförnu þar sem krafan er sigur og ekkert annað. Það sem mér svíður mest er – eins og Ívar sagði í gær – liðið er einfaldlega ekki betra en þetta. Það vantar einfaldlega fleiri leikmenn með svokallað star qualiti til að við náum að veita bestu liðum deildarinnar einhverja keppni.

    Gerrard er nánast sá eini í dag sem hefur þetta star qualiti sem leikmenn Liverpool eiga að hafa. Það eru kannski Kewell, Alonso og Hyppia sem hafa komist næst Gerrard í því að hafa þessi stjörnu gæði. Fowler er svo sá aðili sem mér finnst hafa þetta star qualiti á sama leveli og Gerrard þó ekki hafi farið mikið fyrir því að undanförnu. En galdurinn er ennþá til staðar – það er ég sannfærður um.

    Og þá segi ég alveg eins og Ívar sagði í gær – af hverju í andsk. fær Fowler ekki meiri séns. Er ekki á hreinu að hann myndi skora mark eða vera líklegur til þess í leik eins og gegn Reading. Crouch mun t.d. aldrei ná þessu star qualiti – það er pottþétt að hann verður aldrei betri en hann er í dag. Hann mun aldrei sóla menn eins og Fowler gerði. Hann mun aldrei smyrja honum í sammarann eins og Fowler gerði og hann mun aldrei skora þrennu á móti Arsenal eða manu. Þá er einnig ljóst miðað leiki haustsins að kaupin á Pennant voru stór mistök. Strákurinn er svo langt frá því að vera á sama kaliberi og Gerrard, Alonso og Kewell. Hvað þá Sissoko.

    Því segi ég – ef liðið er ekki betra en þetta og eini raunhæfi möguleikki er að ná 4 sætinu – þá í guðanna bænum leyfið Fowler að spila. Maður heldur svo rosalega upp á hann að maður bíður í ofvæni eftir að hann fái boltann og geri eitthvað óvænt eins og að smyrja honum upp í þaknetið. Einn klobbi frá Fowlernum væri nóg til að gleðja mitt hjarta.

    Fyrir mér er það því eðlileg krafa hjá Liverpool aðdáendum að liðið spili skemmtilegann fótbolta – sérstaklega á móti liðum eins og Reading. Þá er það líka krafa að menn hafi gaman af því sem þeir eru að gera og brosi einstaka sinnum inni á vellinum. Skemmtilegir taktar og flott samspil er líka eitthvað sem við aðdáendur eigum að gera kröfu um þegar Liverpool er annars vegar. Ef að það eina sem þarf til þess alls er bara það fá Fowler inn á þá segi ég – inná með Fowler og út af með Crouch.

    …. og hvernig er það annars á ekki að fara að linka okkur við einhverja stjörnu núna í janúar. Ég man bara ekki eftir því að það hafi verið svona lítið í gangi hjá liðinu.

    Áfram Liverpool!

    Sættum okkur aldrei við annað en það besta.

16. >Og þá segi ég alveg eins og Ívar sagði í gær – af hverju í andsk. fær Fowler ekki meiri séns.

    Erum við í alvöru að fara inní þessa umræðu eftir að liðið hefur skorað 12 mörk í 4 leikjum? Hvenær í andskotanum geta menn verið jákvæðir?

    Já, við vorum einu sinni bestir í Evrópu, en ætla menn þá að vera í stanslausu þunglyndi þangað til að það verður aftur staðreynd?

    Er ekki í lagi að frekar hafa þolinmæði og skilja að það tekur tíma að rífa þetta lið uppúr þeirri fáránlegu lægð sem það var í.

    Varðandi Reading leikinn þá er það einfaldlega erfiðara en menn halda að spila skemmtilegan fótbolta gegn liði sem er með 9 menn í vörn. Leikskipulag Reading er einfaldlega breytt frá því að þeir fengu á sig 4 mörk gegn Liverpool og Arsenal. Núna var dagskipunin að verjast.

    >Það eru kannski Kewell, Alonso og Hyppia sem hafa komist næst Gerrard í því að hafa þessi stjörnu gæði

    Frábært að menn séu núna búnir að afskrifa Jamie Carragher af því að hann hefur verið hálf slappur í tvo mánuði. Frábært! Og líka frábært að maður sem skorar 10 mörk í 29 leikjum í Meistaradeildinni hafi ekki “star quality” – hvað svo sem í andskotanum það er. Frábært að fyrsti striker í hollenska landsliðinu skuli ekki heldur hafa það – né einn efnilegasti miðjumaður í heimi. Frábært að maður sem setti markamet fyrir enska landsliðið skuli ekki heldur hafa það.

    >…. og hvernig er það annars á ekki að fara að linka okkur við einhverja stjörnu núna í janúar. Ég man bara ekki eftir því að það hafi verið svona lítið í gangi hjá liðinu.

    Jú, við getum búið til einhverja góða sögu fyrir þig. Hvern viltu?

17. Hössi, ég er bara svo ósammála þessu hjá þér að það hálfa væri nóg:

    1. Í fyrsta lagi, þá er margbúið að ræða það að það einfaldlega þýðir ekki að bera saman liðna áratugi og þann sem nú stendur yfir. Knattspyrnan eins og hún leggur sig hefur stökkbreyst yfir í einvhers konar viðskiptaskrímsli þar sem aðeins þeir grimmustu lifa af. Það eina sem skiptir máli er árangur, hann hefur forganginn yfir fegurð knattspyrnunnar. Spurðu hvaða hlutlausa aðdáanda sem er hvort hann vildi frekar hafa stutt lið sem hefur spilað jafn fallega knattspyrnu og Arsenal hefur gert síðastliðin tvö ár, eða hvort hann vildi hafa stutt lið sem hefur unnið jafn marga leiki og Chelsea síðastliðin tvö ár, og ég skal lofa þér því að hann myndi velja Chelsea fram yfir.

    2. Það sem af er tímabili höfum við séð Riise, Alonso, Agger og Luis García skora með flottum skotum utan teigs. Þeir hafa séð um að smyrj’ann í sammarann eins og þú segir. Gerrard á örugglega sinn skamt inni, hann smyr nokkrum á hverju tímabili. Skiptir einhverju máli þótt Crouch sé ekki að smyrj’ann inn í sammarann þegar aðrir menn í liðinu sjá um það? Er ekki nóg að Crouch sé búinn að skora ellefu mörk á tímabilinu og leggja upp helling til viðbótar? Hefðum við unnið leikinn í gær ef Fowler hefði verið inná í stað Crouch, sem átti tvo skalla sem bjuggu til tvö mörk fyrir Kuyt?

    3. Djibril Cissé, Emile Heskey og Stan Collymore eru milljón sinnum flottari framherjar á velli en Dirk Kuyt. Það eru gæjar sem geta tekið menn á, klobbað þá og sprett úr spori framhjá þeim. Þessir menn reyndu allir en gátu ekki unnið Úrvalsdeildina með Liverpool, og í raun má segja að Kuyt sé að byrja betur en þeir þrír nú þegar. Hvaða máli skiptir hvort þetta er flott eða ekki á meðan maðurinn skorar?

    4. Þú kvartar yfir 2-0 sigri liðsins en segir svo að einn klobbi frá Fowler myndi gleðja þitt litla hjarta? Ég spyr á móti, eðlilega: Ert þú stuðningsmaður Liverpool eða ert þú stuðningsmaður Robbie Fowler?

    Að lokum: endilega hættið þessu væli um liðna tíma. Liverpool voru frábærir í den en á þeim tímum voru ekki allir leikir í beinni. Heldur þú að Dalglish, Barnes og félagar hafi aldrei átt leiki þar sem liðið virkaði andlaust og vann bara skyldusigra? Í þá daga sá enginn alla leiki liðsins og því muna menn bara góðu stundirnar. Það gerist með öll lið, líka liðið sem vann Meistaradeildina 2005. Við erum búnir að gleyma því að þann vetur töpuðum við fyrir Southampton í deildinni, 2-0, þar sem sjálfur Peter Crouch jarðaði okkur. Það sama tímabil töpuðum við 1-0 fyrir Mónakó í ömurlegum leik og 1-0 fyrir Olympiakos í hræðilega slöppum leik … báðir þessir tapleikir voru í Meistaradeildinni. En nei, af því að við unnum Meistaradeildina það árið minnir okkur að við höfum verið ósigrandi í Evrópu það árið.

    Þú talar af hlýhug um lið Souness/Evans/Houllier á síðasta áratug. En á þeim áratug vann liðið nákvæmlega tvo titla, einn FA bikar undir stjórn Souness og einn Deildarbikar undir stjórn Evans.

    Á þessum áratug hefur liðið unnið fimm stóra titla undir stjórn Houllier og aðra þrjá undir stjórn Benítez. Á þessum áratug hefur liðið líka framleitt heimamennina Gerrard, Carragher og Owen, sem og hetjur á borð við McAllister, Hyypiä, Hamann, Babbel, Murphy, Smicer, Dudek, Reina, Riise, Alonso, García, Morientes, Cissé, Crouch, Kuyt, Agger og Bellamy. Sumra þeirra minnumst við ekki endilega bara af góðu en aðrir þeirra eru goðsagnir í sögu klúbbsins og ég mun hugsa til þeirra allra af hlýhug því þeir gerðu þennan yfirstandandi áratug skemmtilegan fyrir okkur Púllara.

    Ég veit hvorn áratuginn ég myndi velja – áratuginn þar sem Redknapp stjórnaði miðjunni og Ruddock vörninni, Fowler setti markamet og liðið vann nákvæmlega ekki neitt eða áratuginn sem Gerrard stjórnaði miðjunni og Carragher vörninni, Kuyt/Crouch/Cissé/Morientes/Fowler/Bellamy/Pongolle deildu með sér markaskoruninni og liðið vann allt sem hægt var að vinna (nema Úrvalsdeildina, en hún er á leiðinni).

    Hættum þessu væli. Liðið spilaði frábærlega fyrir ekki lengra en átta dögum síðan, gegn Aston Villa. Þetta er ekki svo slæmt, er það?

18. Kristján Atli – það er nákvæmlega ekkert væl í gangi hérna. EF þú tækir þig til og læsir pistilinn minn aftur og jafnvel með jákvæðu hugarfari þá myndir þú kannski komast að annarri skoðun.

    Ég ætla ekki að svara einstöku athugasemdum ykkar en vil benda þér á Einar að þó ég hafi ekki minnst á Carrager sem stjörnu leikmann þá er ekki búinn að afskrifa hann og ég held mikið upp á hann. Ég bara skil ekki hvernig þú gast fundið það út úr pistlinum mínum að ég væri á móti Carrager.

    Ég vil bara taka eftirfarandi fram. Ég er hvorki óánægður með sigurinn á Reading né spilamennskuna að undanförnu. Ég er aftur á móti óánægður með þá staðreynd að liðið er ekki spila skemmtilegan fótbolta, þó hann geti verið árangursríkur, og að við eigum að öllum líkindum ekki möguleika á því að verða enskir meistarar þetta árið. Ég held bara að ég hafi fullan rétt á því að vera óánægður með þetta og að gengi liðsins á síðasta tímabili hafi gefið manni væntingar til alls annars en við erum búnir að upplifa nú í haust.

    Ég er heldur ekki óánægður með menn eins og Carrager og Kuyt og tel þá frábæra fótboltamenn. Ég er örugglega að gleyma einhverjum en nefndi Gerrard, Alonso og Kewell bara v.þ. að þessir þrír gætu væntanlega, ef heilir, gengið inn í hvaða lið í heiminum í dag og voru lykilmenn hjá liðum sínum í sumar á HM. Aðrir voru það ekki.

    Ég held að margir geti tekið undir með mér að leikurinn við Reading hafi verið leiðinlegur á að horfa. Sigurinn var vissulega góður og ég vil frekar sigur en skemmtilegan fótbolta. En andsk. hafi það. Þegar liðið er bæði úr leik um keppnina um enska titilinn og spilar hundleiðinlegan fótbolta eins og þessum leik hlýtur maður að gera kröfu um að maður eins og Fowler fái að spreyta sig. Ég er alls ekki að segja að hann sé nógu góður til þess en ég vil ennþá trúa að gömlu galdrarnir séu ennþá til staðar og ef hann fengi almennilegan séns þá væri hann betri leikmaður en Crouch. Ég hef ekkert á móti Crouch og finnst hann mjög góður leikmaður. Ég efast samt um að hann komist nokkurn tímann á sama stall og Fowler, Owen, Gerrard og Carrager hafa í hjörtum stuðningsmanna Liverpool.

    Ég er svo ekki í neinu helv. þunglyndi yfir því að við vorum einu sinni bestir í Evrópu. Bara alls ekki. Ég ætla samt að leyfa mér að gagnrýna það sem miður fer hjá liðinu, sérstaklega þegar liðið tekur skref aftur á bak frá árinu þar á undan. Ég er heldur ekki með neinar óraunhæfar væntingar og átta mig alveg á því hvernig fótboltinn hefur þróast á undanförnum árum. En ef þið ætlist til þess að ég minnki væntingar mínar til gengi liðsins þá mun ég aldrei gera það. Mín krafa til liðsins er einfaldlega sú að við eigum að sækjast eftir bestu leikmönnunum, keppa um stærstu titlana og spila skemmtilegastan bolta. Ég er ekki að segja að svona verði þetta en ef menn keppast ekki að því að ná þessum markmiðum og geri væntingar um að þær náist þá er bæði liðið og við stuðningsmennirnir á rangri leið.

    Ég vil svo taka það fram að ef þið lesið pistilinn minn aftur þá sjáið þið að ég einfaldlega að benda á að það vanter eitthvað í liðið til þess að það springi út. Væntingar um að Fowler leysi þau vandamál eru kannski óraunhæf en það verður alltaf gaman að sjá hann spila.

    Kristján Atli – ég var svo ekki að kvarta undan sigri Liverpool á móti Reading. Þessari athugsemdi þinni og spurningunni um hvort ég sé meiri aðdáandi Liverpool eða Robbie Fowler vísa ég heim til föðurhúsanna. Það að gera lítið úr mér sem Liverpool aðdáanda finnst mér einfaldlega ömurlegt og hvorki hæfa þér né þessari síðu.

    Ég vil svo taka fram að pistillinn átti ekki að vera gagnrýni á liðið að undanförnu og þá góðu sigra sem liðið hefur unnið upp á síðkastið. Kannski er ég bara ennþá svekktur yfir þeirri staðreynd að liðið byrjaði illa í haust og að kaupin í sumar virðast ekki vera að virka enn sem komið er f.u. kaupin á Kuyt. Þetta var bara ákall um fleiri stjörnuleikmenn eins og Fowler var á sínum tíma til Liverpool.

    Það að ég skildi kvarta undan fáum fréttum af leimönnum sem væru linkaðir við liðið er bara v.þ. að ég hef gaman af slíkum fréttum og öllum vangaveltum yfir leikmönnum sem gætu styrkt liðið – ekkert annað.

    Áfram Liverpool!

19. Verð að fá að taka undir með Hössa.

    Málið er nefnilega það að Liverpool er ekkert betra en þetta. Liðið er einfaldlega ekki betra en 4. sætið í ensku úrvalsdeildinni, það enn eitt árið er virkilega sárt. Maður vill sjá framfarir og að liðið verði betra og betra. Vissulega hefur liðið verið að spila vel í öðrum keppnum og þá betur en hjá Houllier svo dæmi séu tekin og auðvitað frábært að vinna Meistaradeildina.

    En eins og Shankley sjálfur sagði á sínum tíma þá er deildin okkar “bread and butter”. Það er svolítið sem mér finnst menn ekki almennilega átta sig á. Það er deildin og árangur þar sem á að vera algjört lykilatriði og það að vera fjórðu bestu á Englandi er bara ekki nóg fyrir mig. Einn bikartitill fyrir mig bætir það ekki upp að vera einungis í 4. sæti í deildinni. Meistaradeildartitilinn má þó eiga það að hann bætti upp að mestu leyti skelfilegt tímabil í deildinni.

    KAR segir að Úrvalsdeildartitill sé á leiðinni. Ég er algjörlega ósammála, alla vega ekki miðað við það sem er í gangi hjá LFC þessa dagana og undanfarin ár. Málið er nefnilega að liðið er langt frá því að vera nógu gott og alltof mikið af fylgjendum og hreinlega lélegum fótboltamönnum þarna inn á milli. Pennant og Zenden er góð dæmi um lélega fótboltamann. Þá eru meðalmenn alls ráðandi hjá LFC og þykir mér ekki nóg að menn geti spilað vel í CL, t.d. Garcia, en spilað svo mestmegnis illa í deildinni. Menn verða fyrst og fremst að geta blómstrað í deildinni.

    Hópurinn er bara einfaldlega langt frá því að vera nógu góður til að berjast um enska titilinn og ef að menn eins og t.d. Pennant verða keyptir áfram þá getum við gleymt því að vinna þessa deild. Hvernig getur maður ætlast til þess að meðalmenn geri lið af meisturum? Til þess að vera meðal þeirra bestu og vera bestur þarftu að kaupa bestu leikmennina, alla vega góða leikmenn – það er bara þannig.

    Í lokinn langar mig að taka undir með Hössa þetta star qualiti. Það eru einfaldlega rosalega fáir leikmenn í þessu liði sem geta talist til heimsklassaleikmanna. Alonso og Gerrard eru þeir sem manni dettur fyrst í hug. Carragher í formi er svo líklega besti varnarmaður heims. Aðrir finnst maður bara ekki vera í heimsklassa, ég verð bara að segja það. Hvernig getur maður ætlast til þess að vinna ensku deildina þegar liðið hefur jafn fáa áberandi góða leikmenn og raun ber vitni?

20. Æi, ég varla nenni að svara þessu þunglyndi. Ég er alltof glaður eftir leiki dagsins og það er víst lítið, sem við getum gert til að peppa ykkur upp.

    >Málið er nefnilega það að Liverpool er ekkert betra en þetta. Liðið er einfaldlega ekki betra en 4. sætið í ensku úrvalsdeildinni, það enn eitt árið er virkilega sárt.

    Við vorum í þriðja sæti í fyrra, langt fyrir ofan liðið í fjórða sæti.

    >Einn klobbi frá Fowlernum væri nóg til að gleðja mitt hjarta.

    Þú segir nákvæmlega ekkert gott um sigurinn í gær, en segir að einn klobbi frá Fowler muni færa þér ánægju, þannig að það er eðlilegt að spyrja hvort þú sért meiri aðdáandi Robbie Fowler en Liverpool. Þetta er ágæt spurning. Ég var t.d. meiri aðdáandi Ruud Gullit en AC Milan þegar ég var minni.

    >Hópurinn er bara einfaldlega langt frá því að vera nógu góður til að berjast um enska titilinn

    Þetta er bara bull. Við vorum með besta árangurinn í ensku deildinni stóran hluta síðasta tímabils og það er ekki nokkur vafi um að hópurinn hefur batnað.

    Þið megið alveg vera hörundsárir og segja að það sæmi ekki okkar síðu að kalla þetta væl. En við erum búnir að vinna FJÓRA LEIKI Í RÖÐ og þið eruð samt að kvarta. Ég leyfi mér bara víst að kalla þetta væl.

21. Stefán segir:

    >”Málið er nefnilega það að Liverpool er ekkert betra en þetta. Liðið er einfaldlega ekki betra en 4. sætið í ensku úrvalsdeildinni,”

    Hvernig færðu fjórða sætið út? Við lentum í fimmta sætinu fyrir tveimur árum og í því þriðja nú í vor. Hvar kemur fjórða sætið inní þetta, af hverju eru menn að einblína á það?

    Svo langar mig til að benda þér á dagsetninguna. Í dag er fimmti nóvember og samkvæmt mínum útreikningum eru rúmir sex mánuðir eftir af þessari deildarkeppni. Það er nægur tími til að vinna sig upp í fjórða sætið og töluvert ofar en það. Eru menn ekki einum of fljótir að leggja upp laupana? Ekki myndi ég vilja að þið, Stefán og Hössi, spiluðuð fyrir Liverpool ef þið gefist svona fljótt upp.

    >”KAR segir að Úrvalsdeildartitill sé á leiðinni.”

    Ég vona að þú sért ekki að misskilja mig, Stefán. Ég meinti ekki að hann væri pottþétt á leiðinni í vetur. Ég væri nettruglaður ef ég færi að lofa titli núna þegar við erum átta stigum á eftir Chelsea og ellefu á eftir Man U 🙂

    >”Það eru einfaldlega rosalega fáir leikmenn í þessu liði sem geta talist til heimsklassaleikmanna.”

    Teljast Andryi Schevchenko og Dimitar Berbatov til heimsklassaleikmanna? En Wayne Rooney? Thierry Henry? Ég er ekki að gera lítið úr þessum leikmönnum … en Kuyt og Crouch eru búnir að skora meira en allir þessir leikmenn í vetur.

    Morientes og Cissé, á pappírnum, virkuðu miklu betri leikmenn með meiri möguleika fyrir klúbbinn en Crouch og Kuyt gera. Samt eru Kuyt og Crouch báðir búnir að skora nú þegar jafn mikið af mörkum og Morientes gerði í allri deildarkeppninni í fyrra. Nú þegar.

    Hvað er það sem gerir Crouch ekki að heimsklassaleikmanni? Það að hann hafi bara skorað 25 mörk á fyrstu 15 mánuðum sínum fyrir Liverpool? Það að hann hafi bara skilað liðinu í 83 stig á síðasta ári? Það að hann hafi verið eini framherji Englands sem skoraði á HM? Það að hann sé fyrsti framherjinn í sögu Englands sem skorar tíu eða fleiri landsliðsmörk á sama árinu? (Ellefu, og enn er einn leikur eftir fyrir hann að bæta við … )

    Hvað er það sem gerir Momo Sissoko ekki að heimsklassaleikmanni? Rafa hefur sjálfur sagt að eini munurinn á honum og Makelele sé að Makelele er reyndari og því taktískt útsjónasamari. Makelele er 35 ára, Momo er 21s árs. Ef hann er ekki efnilegur veit ég ekki hvað það orð þýðir.

    Og jú, García spilar yfirleitt betur í Meistaradeildinni en Úrvalsdeildinni en Rafa er búinn að svara því “vandamáli” á mjög sniðugan hátt. Hann hefur keypt Crouch, Bellamy, Zenden og Pennant einmitt af því að þeir eru búnir að sýna og sanna með öðrum liðum að þeir hafa það sem til þarf í Úrvalsdeildinni. Gefið Pennant smá tíma, hann er ungur og enn að læra. Man enginn hvað Joe Cole var lengi að finna sig hjá Chelsea? Það tók hann eitt og hálft ár, en svo blómstraði hann. Gefum Pennant tíma.

    Ég bara skil ekki þessa neikvæðni, almennt. Við erum sem stendur í áttunda sæti, ellefu stigum á eftir Man U og átta á eftir Chelsea. Þar fyrir neðan eru Bolton, Portsmouth, Arsenal, Aston Villa og svo eru Everton með jafn mörg stig og við en betri markatölu. Og enn erum við bara á fimmta nóvember og þegar búnir að spila fjóra af fimm erfiðustu útileikjum tímabilsins, og sá fimmti er um næstu helgi. Finnst mönnum virkilega svona erfitt að sjá liðið fyrir sér hala inn nægilega mörg stig á næsta hálfa árinu til að fara fram úr Bolton, Portsmouth, Villa, Arsenal og jafnvel nálgast United og Chelsea eitthvað alvarlega mikið?

    Er ég bilaður eða voru Arsenal og Chelsea ekki að tapa um helgina? Og eiga Arsenal, Chelsea og United ekki eftir alla sína leiki innbyrðis, ólíkt okkur sem erum búnir með þessi lið á útivelli eftir næstu helgi?

    Hafa Arsenal ekki bara skorað sjö mörk í síðustu fimm leikjum í öllum keppnum? Þetta stórkostlega sóknarlið sem þeir eru? Og hafa Liverpool ekki skorað tólf í fjórum leikjum á sama tíma?

    Er það svona gjörsamlega ótrúlegt að hugsa til þess að Arsenal, Chelsea og Man U eigi eftir að tapa einvherjum stigum fram að áramótum og svo enn fleirum eftir áramót? Eigum við ekki eftir að mæta þessum þremur liðum öllum á Anfield? Er ekki titilbaráttan enn í okkar höndum, sem höfum gert Anfield að sannkölluðu virki þar sem nærri því allir leikir vinnast og enginn tapast?

    Er virkilega svona leiðinlegt og ömurlegt að halda með/horfa á Liverpool?

    Ég bara skil þetta ekki. :confused:

22. Menn eins og þeir sem byrja á H og enda á össi og byrja á S og enda á tefán eru ekkert annað en hel***** prímadonnur og dekurógeð. Það er a.m.k. mín skoðun.

23. Hössi sagði:

    >”Kristján Atli – ég var svo ekki að kvarta undan sigri Liverpool á móti Reading. Þessari athugsemdi þinni og spurningunni um hvort ég sé meiri aðdáandi Liverpool eða Robbie Fowler vísa ég heim til föðurhúsanna. Það að gera lítið úr mér sem Liverpool aðdáanda finnst mér einfaldlega ömurlegt og hvorki hæfa þér né þessari síðu.”

    Ég ákvað að svara þér í sér ummælum. Ég var ekkert að gera lítið úr þér með mínum ummælum hér að ofan, alls ekki. Harma það ef þú skildir ummæli mín sem svo, ég meinti það ekki þannig. 🙂

    Hins vegar, eins og Einar Örn benti á, þá þykir mér eðlilegt að spyrja hvort þú haldir meira upp á Fowler eða Liverpool miðað við ummæli þín um að sigur gegn Reading hafi verið leiðinlegur því leikurinn var leiðinlegur, en að einn klobbi frá Fowler hefði glatt þig meira. Mér fannst þetta bara eðlileg spurning.

    Svo ég endurtaki mig enn einu sinni, þá ætla ég að ítreka þetta: leikurinn í gær var ágætur í fyrri hálfleik og hundleiðinlegur í þeim seinni. Arsenal spiluðu um daginn hundleiðinlega leiki, einhverja þrjá eða fjóra í röð í upphafi tímabils, og tapleikurinn þeirra gegn CSKA Moskva í Meistaradeildinni á útivelli telst seint klassískur af þeirra hálfu. Síðan hafa þeir núna gert þrjú jafntefli í röð og svo töpuðu þeir í dag. Henry er í mikilli markaþurrð og þeir hafa skorað aðeins sjö mörk í fimm leikjum núna. Ég bara skil ekki af hverju fólk er að koma hér inn eftir sigurleik okkar manna, þar sem tvö mörk voru skoruð og sigurinn aldrei í hættu, og kvarta yfir því að við séum ekki að spila jafn sókndjarfan bolta og Arsenal.

    Hvar enduðu Arsenal í fyrra? Og hvar enduðum við? Og á ég virkilega að draga það upp hverjar markatölurnar voru í fyrra? Ókei …samkvæmt þessu skoruðum við 57 mörk í fyrra á móti 68 hjá Arsenal, en enduðum samt heilum fimmtán stigum fyrir ofan þá. Í ár munum við pottþétt skora meira (þegar komnir í 14 á móti 16 hjá Arsenal) og mér finnst ekkert óeðlilegt að gera það tilkall til liðsins að það endi aftur fyrir ofan Arsenal.

    Af hverju eru Arsenal þá svona mikil snilli í ykkar augum? Endilega útskýrið það, því ég sé það ekki. Jú, þeir spila frábæran fótbolta en síðan árið 2004 hefur það skilað nákvæmlega engu.

24. :rolleyes:Ég verð að segja að ég er dálítið hissa á þessari umræðu. Ég er dálítið hissa á hvernig stjórnbendur síðunnar bregðast við ef menn eru ekki á sama máli og þeir. Við verðum að hafa leyfi til að hafa skoðanir sem eru ekki endilega í takt við skoðanir stjórnenda þessa spjalls án þess að sé nánast hreitt í þá ónotum. Hössi og Stefán eru málefnalegir og grundvalla skoðanir sínar heiðarlega og vel. Ég er að hluta til sammála þeim og að hluta ekki. En ég nenni ekki að elta ólar við það því fyrir mér er aðalatriðið að mennséu málefnalegir. Málefnaleg umræða er uppbyggjandi og á að taka henni vel en ekki altaf að reyna að drepa í mönnum sem hafa skoðanir sem ekki eru í takti við “stjórnina”. Stjórnendur geta verið ósammála mönnum en geta sett það fram á annan hátt en reyna altaf að “drepa” menn fyrir skoðanir sínar. Ef menn eru LFC menn af lífi og sál þá geta menn verið´ósammála án þess að “slást” ekki satt. Hinsvega eru skrif eins og “Bjöggi” setur inn hér síðast af því tagi að þau eru ekki birtingarhæf. Liverpoolkveðjur félagar. :rolleyes:

25. >Ég er dálítið hissa á hvernig stjórnbendur síðunnar bregðast við ef menn eru ekki á sama máli og þeir. Við verðum að hafa leyfi til að hafa skoðanir sem eru ekki endilega í takt við skoðanir stjórnenda þessa spjalls án þess að sé nánast hreitt í þá ónotum. Hössi og Stefán eru málefnalegir og grundvalla skoðanir sínar heiðarlega og vel.

    Hvaða kjaftæði er þetta, Sigtryggur? Hvar erum við Kristján ekki málefnalegir? Megum við aldrei svara fyrir okkur án þess að menn fari að væla um yfirgang okkar þessa dagana?

    Við erum ósammála þessari neikvæðni og svörum fyrir okkur á ítarlegan og málefnalegan hátt. Það er glórulaust að halda því fram að við séum í einhverjum fílabeinsturni og reiðumst því þegar fólk er ósammála okkur. Við eigum betra skilið en að fá það orð á okkur. Við svörum einfaldlega fyrir okkur ef við erum ósammála mönnum, en það að menn séu ósammála okkur gefur þessari síðu oft skemmtanagildi sitt.

    >Stjórnendur geta verið ósammála mönnum en geta sett það fram á annan hátt en reyna altaf að “drepa” menn fyrir skoðanir sínar.

    Vá, “drepa” menn fyrir skoðanir sínar?! Hössi er fullkomlega fær um að verja sínar skoðanir og hann hefur rifist við okkur síðuhöfunda áður og hann hefur gert það á málefnalegan hátt og við teljum að við höfum svarað á sambærilegan hátt.

26. Sigtryggur – ég er hjartanlega sammála þér í því að fólk þarf að geta rætt saman á málefnalegan hátt en við virðumst vera ósammála því hvað sé málefnalegt og hvað ekki.

    Að mínu mati er umræða málefnaleg ef hún brýtur ekki eftirfarandi reglur:

    1. Að ljúga.
    2. Að gera einhverjum upp skoðanir.
    3. Að lítillækka einhvern fyrir að viðra skoðun sína, eða fyrir þá skoðun sem viðkomandi viðrar.
    4. Að vera með nafnaköll og/eða upphrópanir, svo sem “asni” eða “bjáni”.

    Ég hef aldrei nokkurn tíma á þessari síðu brotið þessar siðareglur sem ég set sjálfum mér. Tökum sem dæmi þessa umræðu við þessa færslu. Hér er ég ósammála þeim Hössa og Stefáni og svaraði þeim. Það gerði ég með rökum, vísaði í orð þeirra og svaraði þeim lið fyrir lið með minni eigin skoðun og rökstuddi svo af hverju sú skoðun var. Enn fremur spurði ég Hössa hvort hann væri stuðningsmaður Robbie Fowler eða Liverpool. Þá spurningu taldi ég ekki aðeins réttmæta heldur nánast augljósa, þar sem hann sagði orðrétt:

    >”Því segi ég – ef liðið er ekki betra en þetta og eini raunhæfi möguleikki er að ná 4 sætinu – þá í guðanna bænum leyfið Fowler að spila. Maður heldur svo rosalega upp á hann að maður bíður í ofvæni eftir að hann fái boltann og geri eitthvað óvænt eins og að smyrja honum upp í þaknetið. Einn klobbi frá Fowlernum væri nóg til að gleðja mitt hjarta.”

    Þetta skildi ég sem svo að hann vildi helst að menn sættu sig við fjórða sætið og leyfðu Robbie Fowler að spila, úr því að tímabilið væri búið hvort eð er. Misskildi ég orð hans?

    Við erum þremur stigum á eftir liðinu í þriðja sæti í deildinni.

    Þannig að ég tek undir með þér Sigtryggur að skítkast og/eða ónot eru ekki eitthvað sem á að tíðkast á þessari síðu. En ég einfaldlega er ekki að hreyta ónotum eða skítkasti í neinn. Ég hef rökrætt hér við Hössa og Stefán en hugsa samt ekki á neinn hátt illa til þeirra, og ef annar þeirra kæmi upp að mér á morgun og segðist vera Hössi/Stefán kommentari myndi ég taka í höndina á viðkomandi, þakka honum fyrir að lesa síðuna og bjóða honum í kaffi.

    En fólk verður samt að fá að vera ósammála. Þeir eru greinilega á annarri skoðun en ég og hafa skrifað hér löng komment til að rökstyðja sínar skoðanir. Þeim kommentum hef ég (og Einar Örn líka) svarað með svipað löngum kommentum þar sem ég lýsi því að ég sé ósammála þeim og kem með rök því til stuðnings.

    Þetta kallast ekki skítkast. Þetta kallast umræða. Og það er nákvæmlega ekkert að umræðu, er það? 🙂

    Það er það sem gerir þessa síðu svo skemmtilega að mínu mati. Hér geta menn komið inn og viðrað sínar skoðanir án þess að vera ritskoðaðir. Eins lengi og menn eru ekki með skítkast fá ummæli þeirra að standa. En við sem stjórnum síðunni verðum líka að fá að taka þátt í umræðunum og segja okkar skoðun, hvort sem við stjórnum síðunni eða ekki.

    Eini munurinn á mér og þér Sigtryggur er að ég skrifa greinarnar og hendi út þeim ummælum sem innihalda orð eins og “asni” “mongólíti” eða “spænska fíflið”. Það myndir þú líka gera. Að öðru leyti er munurinn á okkur nákvæmlega enginn, þetta er bara spjallþráður þar sem þú tjáir þína skoðun og ég mína. Það er allt í lagi mín vegna. 🙂

    E.s.
    Ég átta mig á því að ég á það til að skrifa löng svör við ummælum annarra. En það er bara ég, sumir skrifa styttri ummæli og aðrir lengri. Það er ekki samansemmerki á milli þess að skrifa löng svör og að vera að níðast á einhverjum.

27. Það mætti halda að Hössi og Stefán haif lesið yfir sig af þessari leikskýrslu…. > 😉 http://www.telegraph.co.uk/sport/main.jhtml?xml=/sport/2006/11/05/sfgliv05.xml

    >”If this team consider themselves credible title challengers………they must shed their excess weight. Inside this loose, baggy monster is a lean, trim title-contender struggling to get out.

    >Yet how many members of this Liverpool side would get into the Arsenal, Manchester United or Chelsea teams? Xabi Alonso is talented, Sami Hyypia was outstanding yesterday and Kuyt is evidently emerging as a considerable attacking threat, but really only Steven Gerrard would convincingly win a place in any of those three XIs.

    >Players such as Jermaine Pennant and Boudewijn Zenden – competitive Premiership types that they are – fall short of the standards required of a team with league title pretensions.”

    >…..”but without any real pace to threaten the space behind the Reading defence, Liverpool struggled to impose themselves.”

    >”If Benitez can find a system that gets the best out of Kuyt – and that may mean ditching the enthusiastic, but impotent Crouch – then Liverpool can start posing truly demanding questions of any defence……Should Benitez sign more players of Kuyt’s calibre for the faithful fans to applaud, then he could bring the title to the thirsty banks of the Mersey.”

    —

    Það eina sem ég er sammála Hössa og Stefáni með er að Pennant er alls ekki nógu góður fyrir Liverpool og að árangur Liverpool það sem af er tímabilinu er alls ekki ásættanlegur þrátt fyrir 4 létta heimasigra í röð.
    Það að halda því fram að Liverpool í dag sé ekkert betra en 4.sætið í ensku deildinni og okkur hafi farið aftur frá því í fyrra er hinsvegar bara alger þvæla í mínum augum og í raun ekki svaravert.
    Hin 3 liðin treysta á hraða og kraft en Liverpool fer þetta á taktíkinni, bara mismunandi leikstílar. Hraðinn hentar á Englandi en taktíkin í Evrópu. Heilt yfir eru þetta nokkuð jöfn lið í dag sem öll geta unnið hvert annað. Í leikjum milli þeirra hingað til í vetur hefur það lið unnið sem hefur spilað betri vörn. Liverpool hefur verið að tapa þessum leikjum með klaufamistökum í vörninni.

    Lítum á heildarmyndina strákar og dæmum leik Liverpool í lok leiktíðarinnar. Kannski mun þessi rotation policy hjá Benitez reynast snilld, kannski mun lofandi samvinna Kuyt og Crouch og endurnærður Gerrard lyfta sóknarleik Liverpool og gera hann glæsilegan áhorfs.

    Útileikurinn núna gegn Arsenal verður prófraun á
    hvar við stöndum þetta árið en enginn endanlegur dómur. Ég geri frekar kröfu um að Liverpool bæti liðið örugglega með skýra framtíðarsýn í huga heldur en að fara í einhverja örvæntingarfulla fýlu og spandera peningum núna í janúar.

28. Sigtryggur Karlsson, þú skrifaðir:

    “Hinsvega eru skrif eins og “Bjöggi” setur inn hér síðast af því tagi að þau eru ekki birtingarhæf.”

    Hvernig er það eiginlega, má ekkert orðið segja á þessu landi lengur? Mega orð eins og prímadonnur og dekurógeð ekki lengur birtast á bloggsíðum eða? Þetta minnnir mig soldið á það þegar Ásgeir Kolbeins sagði orð eins og “ógeð” og “viðbjóður” í sjónvarpsþætti um daginn og það olli það miklu fjaðrafoki að fjölmiðlar landsins ákváðu að segja frá þessum orðum Ásgeirs. Þetta er farið að verða eins og í Bandaríkjunum þegar menn mega ekki lengur skrifa nokkur “ófögur orð” eins og þau sem ég skrifaði hér fyrr.

    Segðu mér eitt Sigtryggur Karlsson, þegar þú talar við félaga þína, notar þú aldrei “ófögur orð” eða blótsyrði? Ef þú segir nei þá ertu mjög líklega að ljúga því auðvitað talar ekki nokkur maður alltaf eins og hann sé staddur í fréttaviðtali á RÚV. Svo langar mig að spurja þig hver sé munurinn á því að segja prímadonna og dekurógeð á bloggsíðu eða í daglegu tali í vinnunni/skólanum? Ég sé a.m.k. ekki þann mun.

    Svo vil ég líka segja að það er tómt kjaftæði að Einar Örn og Kristján Atli séu ómálefnalegir og séu að “drepa” menn fyrir skoðanir sínar. Þeir 2 setja yfirleitt upp vel framsett svör og rökstyðja síðan skoðanir sínar. Ég get engan veginn séð hvað er að því.

29. Sammála þér Sigtryggur, Hössi og Stefán voru mjög málefnalegir í sýnum skrifum og því algjör óþarfi að bregðast svona harkalega við Einar og Kristján. Það sem gerir þessa síðu að skemmtilegustu Liverpool síðunni í dag er einmitt (í flestum tilfellum) málefnaleg umræða um liðið okkar þar sem menn hafa skiptar skoðanir á skipulagi, leikmönnum o.f.l. Vonandi höldum við áfram á þeirri braut.

    Þeir sigrar sem unnist hafa (4 síðustu) voru klárlega skildusigrar. Þetta eru ekki leikir sem reyndu á það hvort LFC hefur lið til að vinna meistaradeildina/deildarbikarinn/deildina.

    Fyrri hálfleikurinn gegn Villa var það besta sem séðst hefur frá liðinu í deildinni í vetur. Enda spiluðu þeir með sitt sterkasta lið í þeim leik og einnig í gegn Bordeaux. Sumum gæti þótt leikurinn og spilamennskan gegn Reading vonbrigði eftir þessa tvo góðu leiki á undan. Persónulega varð ég fyrir smá vonbrigðum, hefði vilja sjá meira sannfærandi sigur miðað við yfirburði Liverpool. En 3 stig í hús er það sem telur í þessu öllu saman.

    Ég hef mjög gaman af öllu tali um breiddina hjá LFC, fyrir mér er hún betri en í fyrra í sumum stöðum en verri í öðrum. Markvarðarmál eru eins og í fyrra.

    Vörnin: Í miðvaðrastöðunum erum við klárlega betur settir en í fyrra með tilkomu Agger, hann var reyndar kominn í jan (06) en nú er hann búinn að aðlagast og breiddin því mjög góð með Agger, Carra og Hyypia. Vinstri bakk er svipað að mínu mati Traore út fyrir Aurelio. Aurelio betri sóknarlega en Traore betri varnalega því set ég = þar, + Warnock. Riise er ennþá okkar besti bakvörður vinstra meginn. Hægri bakvarðarstan er ekki eins góð upp á breiddina og hún var í fyrra, en væntanlega verður bætt úr því í janúar glugganum. Niðurstaða: Meiri breidd í hafsentunum en minni í bakvörðunum.

    Miðja: Hamann út og Zenden því maður númer 3 eða 4 inn á miðjuna (eftir því hvar Gerrard spilar). Þarnar erum við klárlega með minni breidd en í fyrra. Hamann er mikið betri leikmaður en Zenden, auk þess sem hann er algjör sigurvegari. Í erfiðustu leikjunum gastu alltaf treist á Hamann. Á vinstri kanti kemur Gonzales inn en við missum Kewell í meiðsli. Einnig hefur Aurelio verið að spila nokkra leiki þar með misgóðum árangri. Klárlega minni breidd meðan Kewell er meiddur. Á þeim hægri höfum við svo Gerrard og viðbótin frá því í fyrra er Pennant. Persónulega er ég ekki mikill aðdáandi Pennant. Mér finnst hann hingað til hafa lítið sýnt sem réttmætir 7 millj punda verðmiða. Vonandi nær hann að bæta sinn leik hjá Benitez. En so far mestu vonbrigði í kaupum sumarsins. Niðurstaða : Á miðri miðjunni er breiddin minni,á hægri meiri en á vinstri (meðan Kewell spilar ekki) minni.

    Sókn: Við losum okkur við Cisse og Morientes, fáum í staðinn Kuyt og Bellamy. Þarna höfum við klárlega bætt okkur, breiddin er betri. Eina að Kuyt hefði mátt koma fyrr(ég talaði um það á þessari síðu í fyrra), t.d. í fyrra en betra er seint en aldrei. Niðurstaða : sóknarlega er Liverpool með sterkari breidd en í fyrra.

    En betur má ef duga skal, Benitez hefur sjálfur sagt að Liverpool liðið í dag sé ekki jafn sterkt og Valencia var þegar hann stjórnaði því. það eiga því eflaust leikmenn eftir að fara og aðrir betri(vonandi) að koma áður en deildartitillinn vinnst.

    Kveðja
    Krizzi

30. Já, þetta var afar leiðinlegur leikur. Það sem veldur kannski mestum vonbrigðum er hversu lélegir Pennant og Gonsalez eru. spurningin er hvort Pennant sé í rauninni ekkert betri en þetta. Gonsalez á rétt á einu seasoni í viðbót áður en maður afskrifar hann.

31. Þar sem ég hef mjög gaman af því að ræða og spá í Liverpool – sérstaklega á þessari síðu – vil ég lýsa ánægju minni með góðann hluta þessarar umræðu. Sérstaklega er ég ánægður með þá sem taka undir með mér.

    Umræðan byrjaði á því að ég í frekar löngu máli tók undir með manni sem sagði í sjónvarpinu að því miður væri Liverpool ekki betra en staða þeirra gefur til kynna og var að vonast eftir að Fowler fengi að spila meira. Síðan benti ég á að Liverpool vantaði fleiri star qualiti leikmenn til að vera að berjast um enska titilinn. Þá benti ég á að í eins hrútleiðinlegum leik og á móti Reading hefði einn klobbi frá Fowler glatt mitt litla hjarta. Snilldar tilþrif frá einhverjum öðrum leikmanni hefðu líka verið vel þegin. Ég var nú bara að benda á að Fowler er elskaður og dáður af Liverpool áhangendum v.þ. að hann gerði alltaf eitthvað óvænt og skemmtilegt inn á vellinum.

    Hvernig hægt var á skilja þennan póst minn sem neikvæðni í garð Liverpool eða að ég tæki Fowler fram yfir liðið er mér óskiljanlegt.

    Kristján Atli og Einar Örn – auðvitað svarið þið fyrir ykkur þegar einhver gagnrýnir ykkar skoðanir o.sv.frv. Ég varð samt að viðurkenna að í póstinum mínum var engin neikvæðni í garð ykkar skoðana sem verðskulduðu að þið þyrftuð yfir höfuð að svara fyrir ykkur. Svo var ekkert helv. væl í gangi.

    Ég ítreka að ég hef mikið álit og held mikið upp á Carrager. Ég skil ekki enn hvernig hægt var að finna neikvæðni í hans garð í póstinum mínum.

    Þá skil ég bara ekki hvernig samlíkingin við Arsenal tengist þessum skrifum mínum. Ég bara var alls ekki að bera gengi Liverpool og Arsenal saman.

    Mig langar svo að svara þessu sérstaklega.

    Ég sagði – Einn klobbi frá Fowlernum væri nóg til að gleðja mitt hjarta.

    Einar svarar – Þú segir nákvæmlega ekkert gott um sigurinn í gær, en segir að einn klobbi frá Fowler muni færa þér ánægju, þannig að það er eðlilegt að spyrja hvort þú sért meiri aðdáandi Robbie Fowler en Liverpool. Þetta er ágæt spurning. Ég var t.d. meiri aðdáandi Ruud Gullit en AC Milan þegar ég var minni.

    Bíddu nú alveg. Bara af því að ég segi ekkert gott um sigurinn þýðir það þá að ég var óánægður með hann? Ég held nú ekki. Vildi bara benda á að leikurinn var leiðinlegur á að horfa og fátt sem gladdi augað. Ekkert annað. Og bíddu nú einnig – þýða þessi ummæli mín að ég þurfi að ákveða hvort ég haldi meira með Liverpool eða Fowler eins og KAR fer fram á að ég ákveði. Þetta er bara rugl að mínu mati og á ekkert skilt við þá skoðun mína að Fowler eigi að fá meiri séns með liðinu. KAR er reyndar búinn að svara þessu aftur og ég hef greinilega misskilið hann.

    Stefán sagði – Hópurinn er bara einfaldlega langt frá því að vera nógu góður til að berjast um enska titilinn

    Einar svaraði – Þetta er bara bull. Við vorum með besta árangurinn í ensku deildinni stóran hluta síðasta tímabils og það er ekki nokkur vafi um að hópurinn hefur batnað.

    Er það – er þetta bara bull. Ég bara held nú síður. Ég gæti skrifað langa pistla um það að þetta sé rétt hjá honum. Væntingar þessa tímabils voru einfaldlega þær að við myndum halda áfram þar sem frá var horfið síðasta vor. Þær væntingar eru að mínu mati brostnar auk þess sem leikmannakaup sumarsins voru vonbrigði að mínu mati. Aðeins einn leikmaður af þeim sem keyptir voru getur gert tilkall til byrjunarliðssætis. Þetta er bara alls ekkert bull en þú getur að sjálfssögðu verið ósammála honum.

    Ég vil svo taka fram að auðvitað vona ég að liðinu gangi sem best og vinni næstu leiki – sérstaklega á móti Arsenal. Ég vona líka að leikmenn stígi upp og spili betur en þeir hafa gert að undanförnu. Ég vona líka innilega að deildin spilist þannig að við eigum möguleika á titlinum næsta vor. Bara það að vera í baráttunni myndi gleðja mitt hjarta.

    Arnar – ég læt það nægja að skoða þessa síðu þegar Liverpool er annars vegar. Ég kíki stundum á fréttirnar á liverpool.is en læt nægja að tjá mig á þessari síðu. Allar mínar upplýsingar og leikskýrslur hef ég því héðan og hvergi annarsstaðar. Þetta er einfaldlega lang skemmtilegasta síðan. Ég kíki svo auðvitað á mbl.is, fotbolta.net og gras.is. Þá kíki ég jú einstaka sinnum á soccernet.com. Samt gaman að vita að menn út í heimi séu með svipaðar vangaveltur og við mölbúarnir hér á klakanum.

    Áfram Liverpool!

32. Ok Hössi minn, það voru bara merkilega mikil líkindi milli þess sem þú skrifaðir og þessarar greinar! Báðir tilgreindu Zenden og Pennant sem meðalskussa og töluðu um mjög svipaða hluti.

    Haltu svo áfram að gagnrýna Liverpool málefna og uppbyggilega. Þú myndar gott mótvægi við Pollýönnunum skemmtilegu sem stjórna þessari síðu! :biggrin2:

33. Jæja..búinn að lesa rökræðurnar..

    Ég hef verið fastagestur hérna á þessu bloggi í tvö ár. Og ef það er eitthvað sem ég get sagt um þessa síðu þá er það Einar Örn og Kristján Atli eru allt annað en ómálefnalegir. Þvert á móti er þeir einkar málefnalegir og ýta undir skoðanskipti um okkar ástkæra lið.

    Síðan finnst mér allt Pollýönnu tal út í Hróa Hött. Hvað er að því að reyna frekar að draga það jákvæða fram í dagsljósið heldur en að stöðugt einblína á það neikvæða??????????? Ég persónulega er meira fyrir það einblína á það jákvæða og ef það setur einhvern Pollýönnu stimpil á mig ..so be it.

    Hössi og Stefán hafa svo sannarlega rétt á því að hafa litla trú á Liverpool þessa dagana. Örugglega fleiri púllörum sem líður þannig núna!!

    Ég er ekki búinn að gefa titil upp á bátinn þessa leiktíð. Úr því West Ham og Tottenham gátu lagt Arsenal og Chelsea af velli þá getur allt gerst!!
    Þessi leiktíð er ekki einu sinni hálfnuð. Ef við töpum á móti Arsenal á Sunnudaginn er enginn heimsendir. Við eigum ennþá möguleika!!

    Það var dálítið rætt um Fowlerinn hér að ofan..gott mál. En ég verð að segja að það gladdi mig óumræðilega að sjá Kuyt skora seinna markið á móti Reading. Hann var á réttum stað á réttum tíma…sem hefur verið aðalsmerki Robbie Fowler í gegnum tíðina.
    Kannski er kominn nýr Guð á Anfield!!?? Nei.. ég segi svona.. Punkturinn er, að það er yfir heilmiklu að gleðjast þegar kemur að framherjamálum Liverpool þessa dagana…Ekki satt??

34. 🙂 Sælir strákar og takk fyrir spjallið. Ég ætla ekki að teygja þessa umræðu lengra en læt henni lokið af minni hálfu. Ég vona að Bjöggi eigi góðar nætur (og reyndar daga líka) þó mér finnist hann ekki málefnalegur. Ég held reyndar að honum sé alveg sama og það er í góðu lagi. Ég er líka ánægður með að Kristján og Einar eru málefnalegir og svara alltaf málefnalega en þeir eru ungir og kappsamir og vilja hafa síðasta orðið og það er líka í góðu lagi. Vonandi getum við deilt um það um næstu helgi hvort sigurleikurinn við Arsenal var skemmtilegur eða ekki og hverjir lögðu sig fram og allt það. Hitt væri verra ef við þyrftum að deila um hverjum tapið væri að kenna. Góðar kveðjur 🙂 🙂