Hannes Daði Haraldsson
1-0 Aron Donnum 36.mín
2-0 Thijs Dallinga 58.mín
2-1 Cristian Casseres Jr 74,mín , sjálfsmark
3-1 Frank Magri 76.mín
3-2 Diogo Jota 89. mín
Hvað réði úrslitum
Þetta byrjaði ágætlega þegar Joe Gomez var næstum búinn að skora sitt fyrsta mark á ferlinum þegar hann skallaði í þverslánna en leikur Liverpool einkenndist af liði sem gerir mikið af breytingum og var spil liðsins hægt og fyrirsjánlegt og Toulouse liðar nýttu stemminguna á vellinum og voru miklu grimmari og beinskeittari. Það sem réði úrslitum var löglegt mark sem tekið var af okkar mönnum á lokamínútunni en við áttum bara ekkert skilið úr þessum leik þannig ég nenni ekki að vera kvarta undan dómaramistökum. Eina slæma við þá ákvöðrun er að þetta hefði verið fallegt augnablik fyrir hinn unga Jarell Quansah.
Hvað þýða úrslitin
Þar sem LASK vann Union St. Gilloise í hinum leiknum í riðlinum hefði sigur tryggt okkur efsta sætið í riðlinum í kvöld og síðustu tveir leikirnir verið formsatriði en tap þýðir að ef Toulouse vinna Union St Gilloise í næstu umferð ráðast úrslitinn ekki fyrr en í lokaumferðinni, sama hvað við gerum gegn LASK. Það var því gríðarlega mikilvægt að vinna í dag en það sást ekki á leikmönnum Liverpool.
Bestu menn Liverpool
Skástur í dag fannst mér fyrirliði dagsins Joe Gomez, hann spilaði fyrri hálfleik í hægri bakverði og þann seinni í vinstri eftir að Tsimikas var tekinn útaf í hálfleik og gerði sína hluti ágætlega, skoraði nánast í upphafi leiks og kom boltanum á hættusvæðið fyrir sjálfsmarkið þeirra. Vann flest sín einvígi, klárlega enginn stórleikur en ágætur en það var ekki um margt gott að velja í dag. Hinn kosturinn hefði verið Diogo Jota sem kom inná þegar níu mínútur voru eftir skoraði gott mark. Eini annar sem ber að nefna er Harvey Elliott sem átti skrýtinn leik. Hann var eini af sóknarsinnuðu leikmönnum Liverpool sem virtist vera alltaf að og að reyna að komast inn í leikinn en það gekk ekkert sérstaklega mikið upp hjá honum en vilji var sjaldséður hjá rauðklæddum í dag og því kemst hann á þennan lista.
Hvað hefði betur mátt fara
Flest. Sést best á því að Klopp gerir þjár skiptingar í hálfleik og setur Salah, Trent og Szoboszlai inná, sem reyndust vera hver öðrum slakari, og allir stóru kallarnir á bekknum enduðu á að koma inná því seinna koma Nunez og Jota líka inn en lítið breytist nema með innkomu Jota.
Umræðan
Helsta umræðan eftir leik verður markið sem var dæmt af en ætti að vera djúpur miðjumaður. Wataru Endo var afleitur þar í fyrri hálfleik og eftir að hann fór útaf fór Mac Allister þangað og ekki gekk það betur. Vissulega virkaði miðjan sem held alls ekki í leiknum og hlupu oft á tíðum Toulouse liðar yfir okkur en stóri veikleikinn var sexan.
Næsta verkefni
Næsta verkefni er sunnudagsleikur heima gegn Brentford og skilaboðin fyrir þann leik hljóta að vera einföld, VAKNA STRÁKAR!!! Brentford eru á fínu skriði búnir að vinna síðustu þrjá leiki og hafa lið sem getur gert okkur svaka grikk ef menn mæta jafn linir og þeir voru í dag eða jafn hugmyndasnauðir og þeir voru um síðustu helgi. Eftir það er það svo landsleikjahlé áður en við mætum svo City.
Arg… guð minn góður hvað tveir slakir leikir í röð geta farið með bjartsýnina hjá manni. Biðst afsökunar ef þetta er allt of neikvætt, þetta minnti bara of mikið á síðustu leiktíð og vá hvað maður nennir því ekki aftur í bráð.
Bara lélegt í kvöld og virkaði sem vanmat og baráttan var mun meiri hjá heimamönnum sem verðskulduðu þennan sigur.
En 2 leikir eftir og við eigum alltaf að sigra þennan riðil.
Kassann út og bara næsti leikur.
Áttum ekkert skilið út úr þessu! Skammarlegt! Verst að það er ekki einu sinni hægt að segja að það sé langt síðan liðið bauð upp á svona hræðilega frammistöðu, ekki lengra síðan en í síðasta leik. Þessi frammistaða á pari við það versta sem liðið bauð uppá á síðustu leiktíð. Þetta áhuga og getuleysi er verulegt áhyggjuefni. Ef menn koma svona inn í leikinn á sunnudaginn verður okkur slátrað.
Skrìtin VAR dòmur ì lokin a leiknum. Fàranlegt að svona mörk séu dæmd af. Er alveg kominn upp ì kok af þessu VAR drasli, þvì miður er þetta bùið að eyðileggja fòtboltan gjörsamlega.
Tsmikas ömurlegur, Mac Allister vörusvik, Salah heillum horfinn, Kehlleher ver ekki skot.. til að vinna okkur þarftu enga taktíska snilld, bara berjast aðeins meira. Þá förum við inn ì skel. Runnum aðeins í brekkunni á móti Luton en það virðist sem við ætlum að renna langt niður.
Toulouse er í 14. sæti í frönsku deildinni. Þetta lið er í Luton-klassa í besta falli.
Það sem þyrfti að gera væri að grafa fram launaseðla leikmanna liða eins og Toulouse og Luton og neyða okkar ofurlaunuðu dáðadrengi til að rýna aðeins í þær tölur.
Sanngjörn úrslit og sumir kannski aðeins of fljótir að halda því fram að þetta Liverpool-lið eigi heima í Meistaradeildinni. Sýnist á öllu að liðið sé á hárréttum stað í Evrópudeildinni. Því miður 🙁
Call the season off
Jæja það er víst ekki hægt að vinna endalaust, þetta er samt ekki nema annað tapið hjá Liverpool síðan 1 apríl
Eða bara fyrsta tapið því við vorum rændir í Tottenham leiknum og hann ætti ekki að teljast með.
Auðvitað hægt að líta þannig á þetta. En það er frammistaðan sem er áhyggjuefni. Það er ekki eins og liðið hafi verið að spila og berjast vel og tapa ósanngjarnt.
Og rönn frá lokum síðasta tímabils telur því miður ekkert í dag.
Var þetta ekki bara sangjarnt! Andstæðingurinn fór eins langt og dómarinn leyfði í hælanarti og við vorum bara gungur í þeim slag. Ekki það að dómgæslan gerði útslagið en furðuleg var hún oft á tíðum. Vonandi er þetta skitutímabil að baki og bara áfram gakk. Viðurkenni samt smá kvíða fyrir næsta leik en þar geta leikmenn sýnt að þeir séu menn en ekki mýs.
PS Hvað gaur var eiginlega að lýsa leiknum…hann var verri en Liverpool
YNWA
Þá er nú mikið sagt því okkar menn voru á hælunum allan leikinn en sá sauður sem lýsti leiknum var vissulega á pari við okkar menn ef ekki verri.
Æi svona úrslit pirrar mann mjög lítið. 9 breytingar á byrjunarliði að spila á móti liði sem er að spila sinn stærsta leik á ferlinum með geggjaða stuðningsmenn.
Við áttum ekkert skilið úr þessum leik og fengum nákvæmlega það.
Mætum til leiks í næsta leik og förum með sigur í landsleikjarhlé og þá er maður bara sáttur.
Þetta var ömurleg frammistaða. Alveg ömurleg. Ekki nokkur einasta ógn neins staðar á vellinum. Eini maðurinn sem spilaði á pari var Jota. Allir aðrir voru með rassinn beran, meira og minna. Toulouse átti sigurinn fyllilega skilið.
Endo er í kolrangri deild, alltaf lágmark metra á eftir áætlun. Hann má fara í janúar. Ekki svo gott grín hjá Klopp og co. MacAllister missir boltann stanslaust og er löngu búinn að týna sjálfstraustinu. Þessir tveir voru verstir að mínu mati.
Vonandi kemur þessi skita ekki að sök en það yrði algjört hundsbit ef þetta tap þýddi auka-leiki í febrúar, ef allt fer á versta veg í framhaldinu.
(og já, ég þarf að éta beljusokk)
Eitt í viðbót. Hvað má VAR-dómari telja margar snertingar afturábak á vellinum þegar hann ætlar að dæma mark af vegna hendi? Eru engin takmörk á því?
Var einmitt að spá í það en áttaði mig svo á því að VAR er bara eitthvert fyrirbæri sem hefur hlutina bara eftir eigin hentisemi. Í þessum leik er þetta svona og næsta allt öðruvísi. Ég vina bara að fljótlega verði hægt að segja “einu sinni var VAR” 🙂
Daníel! Ruslafatan át seinna kommentið mitt.
Hendin er í sömu sókn
Sælir félagar
Mikið var gott að ég missti af þessum leik. Leikurinn við Luton var, að því ég hélt; botninn á frammistöðu liðsins í vetur en mér sýnist að þetta hafi verið verra. Ég veit ekki með ykkur en ég hefi áhyggjur af “mótiveringu” Klopp fyrir svona leiki og svo uppleggið. Mér fannst, eins og reyndar fleirum, að það gætti hroka og leti í leiknum við Luton. Að liðið skuli koma inn í leiki þannig stefnt skrifast á Klopp og staffið hans í kringum leikmennina. Hroki og vanvirðing fyrir andstæðingunum en ávísun á tap. En hvað veit ég sosum en annars bara góður.
Það er nú þannig
YNWA
Spes
https://m.fotbolti.net/news/09-11-2023/loglegt-mark-var-tekid-af-liverpool
Meira hér, Dale Johnson er sá fréttamaður í UK sem veit hvað mest um VAR
https://twitter.com/DaleJohnsonESPN/status/1722709372952772959?ref_src=twsrc%5Egoogle%7Ctwcamp%5Eserp%7Ctwgr%5Etweet
Jafntefli í þessum leik hefði verið bæði mjög ósanngjarnt og langt frá því að vera nógu gott.
Að fara að þræta um hvort þetta mark hafi átt að standa eða ekki er klárlega ekki það sem skiptir máli eftir kvöldið
Þetta var skita. Upp á þak.
Reyndar hefði verið frábært að ná jafntefli þrátt fyrir skitu. Markið átti að standa burt séð frá því hvort liðið spilaði vel eða illa
Frammistaðan var ekki góð en auðvitað skiptir máli að mark var tekið af Liverpool, það ætti ekki að þurfa að ræða það neitt frekar. Í staðinn fyrir jafntefli þá er þetta tap. Góð lið spila ekki alltaf vel en ná samt í úrslit. Það á auðvitað að ræða slæma frammistöðu en það má að sama skapi ræða frammistöðu dómarans. Þannig ég ætla bara að vera hjartanlega ósammála þér
Jafntefli hefði farið langt með að tryggja okkur sigur í riðlinum. Harla gott hefði ég talið.
Getur þú útskýrt hvers vegna það skiptir ekki máli að löglegt jöfnunarmark hafi verið tekið af liðinu?
Burt með VAR nema marklínutækni og rauð spjöld. VAR reynir að finna eitthvað einhvers staðar til þess að taka mörk af. Akkúrat það sem leikmenn og áhorfendur vilja sjá, þ.e.a.s. mörk. Finnst mönnum í lagi að Liverpool hefur ekki átt þokkaleg back up fyrir bakverðina í nokkur ár?? Gomez, Milner látnir leysa af og fleiri. Tsimikas! Ekki einu sinni hægt að nota stráka úr akademíunni. Gömlu draugarnir með breiddina. Og Tiago orðinn hinn nýi Keita.
Þetta í lokin var bara svo lýsandi fyrir þá sem nota VAR…….algjörlega óásættanlegt og niðrandi enn á ný fyrir dómarastéttina.
Slakur leikur af hálfu okkar manna og gátu bjargað stigi en furðu inngrip kom í veg fyrir það.
Áfram gakk,en þessi dómgæsla í seinni tíð er bara að eyðileggja leikinn sem okkur þykir svo vænt um
Liverpool deserved Toulouse.
Mikil skita sem boðið var uppá í kvöld og tapið fyllilega verðskuldað, dugar bara ekki að ætla að byrja að spila þegar 10 mín eru eftir af klukkunni.
Fyrir þetta tímabil taldi ég Kelleher vera einn besta annan markmann sem nokkurt lið á Englandi á.
Hann hefur heldur betur afsannað það, ver ekkert og er taugaóstyrkur.
Auðvitað er ekkert í hættu eftir þessa hörmung, tja annað en stolt okkar aðdáenda.
Life goes on.
Tveir vondir leikir í röð núna og erfiður leikur á sunnudag.
YNWA
Frábært tap — ef þau eru til. Þetta ætti ekki að hafa mikil áhrif á að vinna þennan riðil. Og ef við þurfum að senda betri menn inná þá gerum við það.
Og eftir þennan leik og Luton ruglið er sýnt að við getum ekki bæði spilað ónýtum vinstri bakverði og sexu sem er ekki að gera sig. Ætti bæði að ýta stjórninni í að kaupa André og ekki síður þá ættu Klopp og fyrirliðarnir að geta sannfært hópinn um að maður er ekki betri en árangurinn.
En liðið var lélegt. Held að sumu leyti vegna þess að það er ekki skynsamlegt að gera svona margar skiptingar trekk í trekk. Það er enginn taktur í liðinu með þessu. En mest þá var þetta einhver svona hrokafullur tapara skrekkur.
Næsti leikur.
Þetta voru vissulega vonbrigði og Liverpool virðist aldrei geta gert sér lífið auðveldara. Sérstaklega þegar liðið þarf á því að halda.
Útaf fyrir sig geta öll lið lent í basli á erfiðum útivölllum og þessi var það svo sannarlega. Það sem mér finnst hins vegar standa upp úr er að nokkrir leikmenn eru einfaldlega ekki nógu góðir til að spila fyrir Liverpool og svo er það farið að bitna á okkur allsvakalega að hafa selt Fabinho.
Mac Allister er vorkun. Hann er ekki djúpur miðjumaður ekkert frekar en Fabinho var ekki hafsent. Það er einfaldlega vont að spila honum úr stöðu og maður sér augljóslega á honum að þegar hann fær að spila framar á vellinum vantar hann sprengikraftinn og áræðnina sem hann býr yfir enda liggja þeir hæfileikar í dvala þegar þú þarf að verja miðjuna sem djúpur miðjumaður.
Svo skil ég ekki hvað er í gangi með Tsimikas. Ég hef hingað til talið okkur heppna að hafa svona öflugan bakvörð til að bakka Robinson upp í meiðslum en hann er gjörsamlega heillum horfin blessaður og Klopp virðist vera að missa trúna á honum. Ég skal samt lveg viðurkenna að mér finnst glæpsamlegt að spila Gomez í staðinn fyrir hann og þó að Gomez geri stundum vel þá er vængurinn sem hann spilar nánast dauður sóknarlega.
Ég tók eftir að skýrslunni eftir leik var Gomez og Elliot hrósað. Það skil það svo sem. Báðir eru ágætir fótboltamenn þannig lagað og geta rambað á ágætis leiki af og til. Þeir eru einfaldlega með það góða leikmenn í kringum sig. En það er ekki nóg til að spila fyrir Liverpool. Langt frá því og mér finnast gæðin í liðinu hrapa stórkostlega þegar þeir spila. Að mínu mati verða þeir tveir aldrei annað en hluti af Liverpool sem strögglar eins og mér finnst ítrekað sanna sig. Gomez er hræðilegur fram á við og var það svo sannarlega í gær eins og ég hef minst á og Elliot skilar einfaldlega ekki nógu miklu framlagi varnarlega séð. Vinnur enga skallabolta og engin návígi og ég bara kemst ekki yfir það að hann hafi ekki stoppað sóknina sem varð að marki Luton gegn okkur í síðasta leik.
Svo finnst mér pínu ósanngjarnt að bölsótast út í Endo. Það sáu það allir að hann væri ekki nógu góður fyrir Liverpool þegar hann var keyptur. Eftir glæpsamlega sölu á Fabinho þurftu menn einfaldlega að hafa a.m.k. einn í liðinu sem gæti spilað stöðu djúps miðjumanns og hann er held ég á pari við væntingar manna.
Svo er það blessaður Kelleher. Klopp og fleiri hafa verið að hrósa honum og segja að hann sé frábær markmaður. Jú ég skil að menn vilji tala hann upp en ég held að sé einfaldlega langt frá því að vera nógu góður til að leysa Allison af. Ef Allison myndi meiðast illa, sjö níu þrettán, finnst mér líklegast að við þyrftum að fá inn nýjan markmann.
Að þessu öllu sögðu þá finnst mér blasa við að Liverpool með þessa 4 leikmenn í liðinu er aldrei að fara að gera neitt af viti og því ættu úrslit eins og á móti Toulouse í raun ekki að koma mönnum á óvart.
Ég vil þó taka fram að ég er ekki á því að þessir fjórir, Gomez, Elliot, Endo og Kelleher, séu vita gagnslausir og geti ekki af og til fyllt í skarðið í meiðslum eða til að hvíla menn en Guð hjálpi okkur fari þeir að spila að staðaldri.
Það besta við þetta allt saman er þó það að við erum langt frá því að vera úr leik í deildinni, Evrópukeppninni og bikurunum og ef menn kaupa heimsklassa djúpan miðjumann og jafnvel varnarmann í janúar er aldrei að vita nema þetta tímabil verði okkar.
Áfram Liverpool!
Málið er einfaldlega það að við erum ekkert annað
Tsimikas hafði reynst ágætlega upp á breiddina.
Þetta tímabil hefur hann þó verið slakur.
Vinstri bakvarðarstaðan hefur breyst eftir að Trent fór að færa sig inn á miðjuna. Mér sýnist það vea hluti af vandamálinu varðandi Tsimikas þó reyndar hafi hann einnig verið slakur sóknarlega í síðustu leikjum.
Endó var fínn gegn Leicester og í fyrri leiknum gegn Toulouse. Aftur á móti var hann slakur í gær og hefur átt ansi misjafnar innkomur.
En kaupin á Endo eru greinilega ekki eins sniðug og maður var að vonast eftir.
Það þarf að kaupa dm í janúar.
Ég ætla að taka upp hanskann fyrir Kelleher. Hann hefur margoft sýnt hvað í honum býr. En það spilar enginn markvörður betur en veikasti hlekkurinn í vörninni fyrir framan hann. Og vörnin var vandamálið í gær.
Endo var klárlega keyptur í fljótfærni, einhverskonar neyðar úrræði. Tsimikas á ekkert erindi í byrjunarlið. Varalið Liverpool er veikt og lekt eins og sjóeldiskví á Vestfjörðum.
To loose for Toulouse is shit