SSteinn
Afsakið kæru lesendur hve seint þessi upphitun kemur inn, en það er alveg ótrúlegt hvað nýfædd dóttir mín telur sig geta tekið af mér tíma framyfir kop.is, þvílíkur misskilningur 🙂
Mikið skelfilegt að að segja það, en því miður, þetta er síðasta upphitunin fyrir Meistaradeildarleik á þessu tímabili. Mér er illt í maganum, fyrst og fremst vegna þess að ég ELSKA Meistaradeildarkvöldin, það er alltaf einhver sjarmi yfir Liverpool og þessum kvöldum. Reyndar er ég handviss um það að við eigum eftir að búa til eftirminnileg Evrópudeildarkvöld líka, en það verður bara ekki eins. Það er ekki eins að mæta liðum frá Fjarskanistan eins og að fá Real Madrid á Anfield eins og á síðustu leiktíð. Fjandinn hafi það bara, þetta er alveg bara grautfúlt.
Það hafa ekki verið góðir tímar fyrir okkur Poolara undanfarið, hreinlega slæmir ef frá eru taldir tveir sigrar yfir okkar erki óvinum í Man.Utd og Everton. Þeir hafa iljað manni svo sannarlega um hjartarætur og gert þessa tíma aðeins bærilegri. Það breytir því þó ekki að þunglyndisstundirnar eru alltof alltof margar. En reyndar segir það okkur eitt, við erum ennþá með helling af væntingum til liðsins okkar. Meistaradeildin er farin, en það eru ennþá nokkrir hlutir sem við höfum að keppa að. FA Cup er enginn plastbikar í mínum huga, langt því frá. Við eigum að leggja mikla áherslu á þá keppni. Aðal fókusinn verður þó á að bæta stöðu okkar í deildinni, sú keppni er hliðið að peningunum, peningum sem við getum alls ekki verið án. Svo er það Evrópudeildin eftir áramótin, það er jú alltaf gaman að lyfta bikurum, þó svo að þeir séu ekki þeir stærstu í bransanum.
En tilgangslaus leikur á morgun? Nei, engan veginn. Ég vil kveðja þessa keppni með sæmd og ég vil sjá liðsmenn Liverpool FC koma afslappaða til leiks og leika fótbolta. Engan “panikk” bolta eins og alltof oft hefur sést, heldur afslappaðan bolta þar sem menn sýna af sér leikgleði og liðsanda. Ekki flækja þetta og fara of mikið út í taktík, bara hefja leik á morgun með því hugarfari að spila fótbolta. Ekki flókið og ekki stór bón sem ég er að fara fram á hérna. Þetta er gott tækifæri á að fara back to basics, engin pressa, The Kop að styðja við bakið á liðinu og Fransesco FallOver og co í heimsókn. Þeir eiga ekki break í okkur ef við tökum upp á því að fara að spila fótbolta aftur, ekki break.
Mér er nákvæmlega sama hvernig Fiorentina stillir upp á morgun, það eina sem skiptir máli er Liverpool FC og hugarfar leikmanna þegar þeir arka inn á grænan Anfield. Ég vona svo sannarlega að þarna fái leikmenn að reyna sig sem hafa lítið komið við sögu vegna meiðsla. Ég vil sjá Ítalíu herdeild Rauða Hersins á vellinum og taka á löndum sínum. Andrea Dossena verður þarna úti í glugga á horninu og sýnir sig fyrir væntanlegum kaupendum. Aquilani verður til sýnis af öðru tilefni, eða að sýna af hverju hann var keyptur til liðsins. Báðir þessir kappar eru að keppa við tímann til að komast á HM næsta sumar, best bara að byrja á morgun. Ég persónulega myndi einnig gefa Cavalieri sénsinn í markinu, en er samt handviss um að Rafa muni stilla upp Reina þar. Ég ætla að tippa á að liðið verði svona skipað:
Johnson – Skrtel – Carragher – Dossena
Mascherano – Aquilani
Kuyt – Gerrard – Riera
Ngog
Bekkurinn: Cavalieri, Insúa, Kyrgiakos, Lucas, Benayoun, El Zhar og Torres
Svona hér um bil vonlaust mál að stilla upp þessu liði. Sjálfur hefði ég viljað gera enn meiri breytingar á liðinu og stilla því svona upp:
Johnson – Skrtel – Kyrgiakos – Dossena
Mascherano – Aquilani
El Zhar – Gerrard – Riera
Ngog
En ég ræð víst litlu og það eru víst örfáar ástæður fyrir því að ég sit hérna heima og skrifa upphitun inn á kop.is, á meðan aðrir fá milljónir á mánuði fyrir að stjórna liðum þarna úti í hinum stóra heimi.
Bring it on, ég ætla allavega að njóta þessa síðasta Meistaradeildarkvölds þessa leiktíðina, alveg í botn. Ég ætlast hreinlega til þess að leikmenn Liverpool FC geri slíkt hið sama, en þó ekki sem áhorfendur, heldur virkir þátttakendur. Fótbolti er það sem málið snýst um, jákvætt hugarfar, gott flæði, fínar marktilraunir og svo toppurinn á því öllu, falleg mörk. Kveðjum þessa keppni með sæmd og sýnum og sönnum að hún er bara hreinlega alls ekki söm án Liverpool FC.
3-0 fyrir Liverpool, Gerrard, Riera og Aquilani skora mörkin.
YNWA
Ég mundi vilja sjá varaliðið leika þennan gagnslausa leik sem skiptir akkurat eingu máli,ég bara spyr,því ekki að spara lykilleikmenn fyrir komandi jólatraffík
Get ekki séð ástæðu til að spila framm öllu sterkasta liðinu í þennan leik… en held í þann litla vonarneista að kaupinn á Aquilani hafi verið einhver snjöllustu sem gamli hefur gert á ferlinum… áfram LFC leikurinn fer 2-1
Til hamingju með dótturina Sigursteinn.
Svo verð ég að taka undir með því að ég vona að Liverpool fari frá þessari keppni með sæmd og vinni og geri það sannfærandi að auki. Ég verð að segja það að erfitt verður það að halda sér að próflestri og missa af frumraun Alberto Postulini í byrjunarliðinu, ekki ólíklegt að maður “neyðist” til að kíkja á leikinn á sopcatinu til að sjá þennan bjargvætt spila.
YNWA
owen m. 3.
já fyrir fags united
sakna Michael Owen í dag
ég vil sjá sterkt lið spila og vinna þennan leik örugglega. Liðið þarf nr. 1, 2 og 3 að vinna upp sjálfstraust. Mér finnst sjálfstraust leikmannanna ekki meiga við fleirri töpum. Á morgun byrjar sigurhrinan og liverpool sýnir heiminum að þeir eru ekki dauðir úr öllum æðum. Nokkuð sammála byrjunarliðinu, fyrir utan Dossena, algjör óþarfi að eyða mínutum í mann sem við ætlum ekki að nota, liverpool er ekki æfingabúðir fyrri Ítalska landsliðið. Væri til í að sjá hvað Aurelio hefur uppá að bjóða sem bakvörður aftur, eða hreinlega bara keyra áfram á Insúa og láta hann bara spila sig í gang aftur.
Fiorentina vilja sleppa billeg út úr þessum leik og mæta annars hugar. Við eigum hins vegar að mæta einbeitir til leiks og ganga frá þessu liði. 5-0
auðvitað á að gefa ungum drengjum séns í þessum leik, enda skiptir hann engu máli. Hvíla Gerrard,agger,charrager,jhonson ofl….
enda mikilvæg törn framundan
Ég hef sagt og segi það enn BIG mistake að taka Owen ekki frítt tilbaka sem back up fyrir Torres…..
Fullyrði að staða Liverpool væri betri í dag að hafa tekið Owen fyrir frítt sem back up fyrir Torres en að hafa Ngog eða Kuyt í senternum. Skil ekki þessa ákvörðun hjá Benitez að hafa ekki tekið kappan þrátt fyrir forsöguna. Það eru ekki til betri klárar en Owen og það sést best á tölfræðinni. Verð að játa að manni svíður í hvert sinn sem maður sér kappann skora fyrir Utd. ekki síst þegar maður veit til þess að fyrsti kostur hans var að koma aftur heim.
Annars leikurinn á morgun sem skiptir engu máli. Nú ætlar að Rafa að setja Aquilani í byrjunarliðið og verður gaman að sjá hvernig hann kemur út. Annars er maður engan veginn stemmdur fyrir þennan leik og klárt að maður gerir engar sérstakar ráðstafanir til þess að sjá þennan leik. Vona bara að þeir sem spila þennan leik komist heilir frá honum. Leikurinn gegn Arsenal er stóri leikurinn framundan. Einhvern tímann myndi maður segja að sigur í þeim leik myndi vera turningpoint á tímabilinu og liðið myndi fara skrið. Enn það hélt maður líka eftir sigurinn gegn Utd. og Everton en annað kom á daginn. Núna er ekkert annað í stöðunni en að taka einn leik fyrir í einu og sjá hvað koma skal. Þó svo að liðið hafi verið að vinna þessa leiki inná milli þá finnst manni vera ansi mikill þungi og stemmningsleysi yfir liðinu. Það vottar ekki fyrir leikgleði og þrátt fyrir að Benitez hafi verið að gefa minni spámönnum tækifæri þá virðist sem þeir leikmenn ná ekki að koma með neitt nýtt eða ferskt inní leik liðsins.
Við verðum bara að fara sætta okkur við að vera ekki í þessari keppni, því þetta lítur ekkert alltof vel út næsta vetur miða við núverandi gengi. Og það voru klárlega mistök að fá Owen ekki aftur, því einsog staðan er búin að vera allt þetta tímabil fyrir utan nokkra leiki þá vantar okkur þennan klárara og sérstaklega þegar að Torres er meiddur. En stundum þá skil ég bara ekkert hvað Benitez er að hugsa í sambandi við kaup, sölur, skiptingar og kerfi. En svona er erfitt að vera Liverpool maður í dag.
Við vinnum 1-0 og ég spái því að það verður babel sem skorar markið en annars who cares um þennan leik ég nenni ekki að horfa á hann liverpool spilar hundleiðinlegan bolta ætla frekar að horfa á leik sem verða skoruð mörk og sendingar fram á við
Ég vill sjá El Zhar sem lenst frá Anfield annað kvöld. Guð gefi að hann verði seldur til man utd 😉
Vona að við klárum þennan leik með sæmd á morgun, og að Dossena fái tækifæri til að sanna sig 😉
Mér finnst ekkert ólíklegt að Kuyt verði hvíldur. Það væri svo gaman að sjá einhverja unga leikmenn spreyta sig, til dæmis Pacheco. Vonandi verður þetta bara skemmtilegur leikur, og vonandi stendur Aquilani undir væntingum (sem ég efast ekkert um sama hvernig hann spilar á morgun).
Hvað er þetta, miðað við tölfræði Owen í deildinni þetta árið er hann búinn að skora 2 mörk í 11 leikjum í deildinni. Hugsa að þriggja marka tölfræði Ngog í 8 leikjum nýtist nú betur þegar uppi er staðið, þ.e.a.s. ef menn ætla að vera tala um tölfræði.
einare (#9) sagði:
Samkvæmt Soccerbase er Owen búinn að skora 7 mörk í 20 leikjum fyrir United en Ngog búinn að skora 5 mörk í 13 leikjum fyrir Liverpool. Ngog var með fleiri mörk skoruð í talsvert færri leikjum fyrir þrennuna hjá Owen í gær, nú er hann með aðeins færri mörk í talsvert færri leikjum (0.38 mörk í leik hjá Ngog gegn 0.35 mörkum í leik hjá Owen). Ég veit ekki nákvæmlega mínútur spilaðar en mig minnir að ég hafi séð einhvers staðar nýlega að Owen hafi spilað næstum því 30-40% fleiri mínútur en Ngog, og hann lék allan leikinn fyrir United í gær, þannig að Ngog er nánast örugglega með betra hlutfall af mörkum á móti mínútum spiluðum en Owen líka.
Tölfræðin hjá:
Torres: 10 mörk í 13 leikjum í vetur (0.77 mörk að meðaltali í leik)
Kuyt: 5 mörk í 21 leik (0.24 mörk í leik af hægri kantinum)
Gerrard: 4 mörk í 17 leikjum (0.24 mörk í leik)
Benayoun: 5 mörk í 21 leik (0.24 mörk að meðaltali í leik af kantinum).
M.ö.o., Torres skorar meira þrátt fyrir að spila miklu færri leiki, Ngog skorar örlítið minna í færri leikjum en er með betra hlutfall og Kuyt/Benayoun af kantinum og Gerrard úr holunni eru með örlítið verra hlutfall en Owen, og það þegar þeir eru báðir að eiga mjög slæma kafla á sínum ferli en Owen hefur fengið hrós fyrir að skora og halda sér heilum í haust.
Hvernig færðu út að tölfræðin styðji það að Owen hefði orðið lykilmaður hjá Liverpool? Hvaða tölfræði er það sem þú styðst við? Ég sé tölfræðina hér að ofan og er sáttur við að hafa Ngog frekar en Owen sem varaskeifu fyrir Torres (sem Owen kemst hvergi nærri að snerta, nota bene).
Við þurfum annan toppklassasóknarmann og það helst í janúar, ekki spurning. Michael Owen er hins vegar ekki sá maður. Þrenna gegn Wolfsburg, sem eru nýliðar í Meistaradeildinni og skitu á sig í gær, breytir því ekki.
Annars að upphituninni, þá er ég sammála Steina í því að ég myndi vilja hvíla lykilmenn í þessum leik. Jú, við viljum bjarga andlitinu í Meistaradeildinni og allt það en það skiptir einfaldlega margfalt meira máli að spila vel gegn Arsenal á sunnudag og ef ég ætti að velja myndi ég glaður tapa 5-0 í kvöld ef það þýddi að óþreytt lið okkar manna myndi vinna á sunnudag.
Ég myndi vilja sjá Rafa hvíla menn eins og Johnson, Agger, Insúa, Mascherano, Gerrard, Kuyt og Torres (á bekknum) og reyna um leið að láta Aquilani ekki spila of mikið þótt hann byrji inná svo að þessir menn geti allir verið heilir á sunnudag.
Segjum:
Reina
Degen – Skrtel – Carragher – Dossena
Lucas – Aquilani
El Zhar – Benayoun – Riera
Ngog
… og þá er ég sáttur. 🙂
Bjartsýni og óskhyggja í þessaru upphitun, eins vel skrifuð og skemmtileg hún er. Hef sjálfur lítinn áhuga á þessum leik og er hræddur um að þetta verði jafn lélegur leikur og hann er ómerkilegur. Verður áhugavert að sjá Aquilani og einnig hversu margir munu mæta á Anfield.
Fer 1-1 í leiðinlegum leik. N’Gog skorar markið. Aquilani mun eiga fína spretti.
Þessi leikur skiptir gríðalegu máli……fyrir mig og fjóra félaga mína. Við erum að fara til Liverpool í endaðan febrúar, lendum á fimmtudegi. Ef að Liverpool verða “seeded” í drættinum í Europa League þá eiga þeir heimaleik þegar við erum í Liverpool og mundum við því ná tveimur leikjum á fjórum dögum sem væri massívt. En til þess að þeir verði “seeded” þá verða þeir að verða eitt af fjórum bestu liðunum sem koma úr meistaradeildinni, og til þess að það gerist verða þeir helst að vinna. Allaveganna ekki tapa. Þannig að við liggjum á bæn um að Rafa setji nokkuð sterkt lið og reyna að klára þetta með sæmd. Er samt voðalega hræddur um að neistinn sem hefur vantað í liðið detti ekki inn í kvöld. Til þess er of lítið undir…..fyrir flesta 🙂
Þrátt fyrir þrennuna í gær hef ég orðið fyrir pínu vonbrigðum með Owen, bjóst kannski við of miklu.
Annars er ég ekki í nokkrum vafa um að Owen hefði nýst Liverpool mun betur en United á þessum tímabili. Ef Owen hefði verið þarna hefði hann líklega spilað meira en Ngog og að mínu mati verið kominn með slatta af mörkum.
Að kaupa Owen var bara eins og að spila í Lotto. Ef Rafa hefði keypt kappann og hann hefði meiðst eða ekki verið að setjann þá hefði Rafa verið vitleysingur og háflviti hjá flestum hérna inni.
Að því að Gamli Rauðnefur hefur engu að tapa að bæta Owen við á launaskrá þýðir það ekki að við hefðum haft efni á því. Það má segja mér að hann sé ekki ódýr í rekstri pilturinn sá.
Ég get bara ekki sagt að ég sjái eitthvað voðalega eftir Owen, þrátt fyrir þessa þrennu í gær. Þetta var reyndar nokkuð típískur Owen leikur, sást varla og gerði mest lítið en endaði einhvernvegin uppi með þrjú mörk. Hann er auðvitað mjög góður framherji ennþá og skorar ef hann fær færin. Þessi Obertan heillaði mig samt eiginlega meira, sérstaklega í öðru markinu hjá þeim.
Reyndar fannst mér þessi leikur til skammar fyrir Wolfsburg á þessum hrikalega velli, en á móti mjög flott frammistaða hjá United sem hafði greinilega engu að tapa í leiknum og spiluðu alveg án pressu.
Varðandi okkar leik þá er bara gott að þessari lame meistaradeild sé loksins að ljúka, svona meistaradeild er svvooooo 2005 eitthvað. Europe League er alveg málið núna 🙂
Sættum okkur við það, Kristján Atli að segja að Owen hafi spilað 20 leiki, jú tæknilega séð, maðurinn hefur byrjað inná í 3 leikjum fyrir United í deildinni og komið inná í nokkrar mínútur 8 sinnum sem gerir þá 2 mörk í deild, ekki slakt miðað við spilaðar mínútur, hann hefur byrjað inná í leikið 6 meistaradeildarleiki (byrjað inná í 4) og skorað 4 mörk… Leikið 2 leiki í deildarbikarnum og skorað 1 mark… Ngog hefur byrjað inná í fleiri leikjum í deild og spilað töluvert fleiri mínútur og er marki á undan honum… Owen með vinninginn í meistaradeildinni og á eftir að setja fleiri fyrir þá… Ég sé bara eitt, þó aðrir þrjóskir stuðningsmenn okkar sjái það ekki, Benitez gerði mistök með að fá ekki Owen!!! Haldið þið að Owen væri ekki búinn að raða mörkum í þessum meiðslunum hans Torres! ÓJÚ, sá sem heldur öðru fram er fáfróður! Þessi maður kostaði ekki KRÓNU og er hann meðal annars árangurstengdur hjá Utd… Owen hefði ALLTAF skorað gegn þessu ÖMURLEGA Blackburn liði! N´gog er því miður slakari leikmaður en Owen sama hvað aðrir reyna að friða hugann með því að halda öðru fram.
Það er nú þannig (Takk Sigkarl 🙂 )
Cavalieri
Darby – Skrtel/Kelly – Kyrgiakos – Insúa
Aquilani – Masch
El Zhar – PACHECO – Benayoun
N’gog
Svona vil eg sja þetta! til hvers að hafa big guns i þessum leik ? hef Masch þarna með Aquilani til þess að þeir geti lært að spila saman strax.
Eyþór (#21). Þú ert sem sagt að segja að Owen hefði klárað færið þegar að N’gog skaut í slánna ??? Vinsamlegast leiðréttu mig ef þú ert ekki að meina það en það hefðu fáir framherjar klárað það færi þar sem boltinn skoppaði á þúfu og fór í hnéið á N’gog. Annars er Goggarinn alveg týpískur “box center”, hann er bestur þar og hann því miður algjör argasta óheppni að boltinn skoppaði svona asnalega fyrir hann. N’gog hefur vaxið virkilega mikið en er alls ekki af þeim kaliber sem ég vil sjá í Liverpool. Benitez sagði einmitt í viðtali fyrir stuttu ef N’gog hefði skorað úr þessu færi hefði allir verið að tala um hvað Liverpool væru á góðri siglingu og bla bla bla. Mjög gaman að sjá hvað eitt færi skilur á milli feigs og ófeigs í þessum bransa. Við erum taplausir í 6 leikjum og höfum haldið hreinu í 3 leiki í röð sem eru mikil framför að mínu mati. Svo skil ég ekki ennþá af hverju menn eru að tala um Júdas, aftur og aftur og aftur hérna inni. Maðurinn var búinn að DRULLA yfir LFC trekk í trekk. Það er kannski einhverjum hérna inni sem finnst gott að gera sömu mistökin aftur og aftur og láta slá á puttana á sér en Rafa er ekki einn af þeim. Kynnið ykkur hvað Michael Owen gerði áður en hann fór til Real Madrid t.d. Hann dró klúbbinn á asnaeyrunum með því að segjast ætla að skrifa undir nýjan samning og fór síðan á fáránlega litla upphæð. Stakk bæði klúbbinn og stuðningsmenn í bakið. Svo hefur hann fengið ótal tækifæri til að koma aftur, Rafa alltaf með höndina úti en Owen bókstaflega slegið á hana.
Þrátt fyrir 3 mörk í gær er mér skítsama um Owen og er mjög feginn að hann kom ekki til LFC, hann hefur engan klassa og er bara ræfill.
Forza Liverpool.
Eyþór Smári (#21) – hvar finnurðu tölfræði yfir að Ngog hafi byrjað fleiri deildarleiki en Owen? Samkvæmt síðu Ngog á BBC Football hefur hann leikið 8 deildarleiki fyrir okkur, þar af 3 í byrjunarliði, og skorað 3 mörk. Samkvæmt BBC síðu Owen hefur hann hins vegar leikið 11 deildarleiki, þar af 3 í byrjunarliði, og skorað 2 mörk.
Ngog er sem sagt að leika jafnmarga byrjunarliðsleiki, þremur leikjum færra sem varamaður, og samt að skora marki meira.
Höldum áfram með samanburðinn frá BBC-síðunum. Þeir hafa báðir leikið 2 leiki í deildarbikar í haust, báða í byrjunarliði, og skorað sitt markið hvor í þeim. Ngog hefur hins vegar skorað 1 mark í 3 Meistaradeildarleikjum, þar af 2 í byrjunarliði og 1 sem varamaður. Owen hefur þar fleiri mörk, 4 alls en í 6 leikjum (3 sem varamaður) sem eru helmingi fleiri leikir en Ngog hefur spilað í Evrópu. Sjöundi leikur Owen í flokknum “European/Others” er svo innákoma hans sem varamaður í Góðgerðarskildinum í ágúst, þar sem hann skoraði ekki.
Svart á hvítu:
Heild: Owen – 20 leikir (12 sem varamaður) og 7 mörk. Ngog – 13 leikir (6 sem varamaður) og 5 mörk.
Hvernig þú færð út að Ngog hafi spilað helling meira eða sé með hellings fleiri mínútur skil ég ekki. Það einfaldlega stenst ekki, Owen er með fleiri leiki sem byrjunarmaður og/eða varamaður í öllum keppnum. Ngog er hins vegar með hærra meðaltal marka skoraðra gegn leikjum spiluðum.
Er einhver sem getur í hreinskilni sagt að honum þyki Ngog betri leikmaður en Owen og vilji frekar hafa hann í framlínunni?
Annars erfitt að bera saman einhverjar mínútur og mörk; hverjir voru mótherjarnir? voru þetta sigurmörk í jöfnum og lokuðum leikjum eða fjórða markið í einhverju rústi? eru samherjar owen jafngóðir og samherjar ngog? Hver veit.
Já, auðvitað. Ngog ungur og að bæta sig eða Owen aldraður meiðslapési á niðurleið?
Ef við erum að bera saman 20 ára gamlan Ngog og 20 ára gamlan Owen, þá hefur Owen vinninginn.
Við erum hins vegar að bera saman 30 ára gamlan Owen, sem meiðist tvisvar á tímabili, við 20 ára gamlan Ngog, sem er sennilega með 1/10 af þeim launum sem að Owen er með.
Fyrir mig, þá vel ég Ngog.
pan (#25) segir:
Ég er búinn að skrifa núna tvö löng ummæli með ítarlegri tölfræði sem sýnir, svart á hvítu, að hræódýr og láglaunaður ungur leikmaður frá Frakklandi er að standa sig betur undir gríðarlegri pressu og sem nánast eina von síns liðs (í fjarveru Torres) heldur en 29 ára gamall, þaulreyndur Englendingur sem ætti að öllu eðlilegu að þekkja þetta allt betur og geta meira. Og fær betur borgað.
Samt koma svona komment inn, þar sem menn hundsa alla tölfræði og segja það sem þeim „finnst“. Svipað og þegar menn vildu frekar hafa Pennant á kantinum en Kuyt á sínum tíma, af því að þeim „fannst“ hann vera flottari eða eiga betur heima á kantinum, á meðan Kuyt skoraði miklu meira og átti fleiri stoðsendingar (og gerir enn).
Til hvers er maður að þessu? Til hvers að reyna að rökræða þessa hluti ef fólk ætlar bara að láta eins og það sjái ekki staðreyndirnar og reynir samt að halda því fram að Owen sé að gera betur en Ngog í vetur?
🙄
Sko, ég veit að Owen var frábær. Hann var undrabarn, við elskuðum hann, hann var markakóngur hjá okkur og bjartasta von Englands. Svo fór hann til Real og stóð sig ágætlega í eitt ár en fékk slæma meðferð. Síðan þá, síðustu fjögur árin, hefur hann verið hjá Newcastle þar sem einfaldlega allt annar leikmaður hefur leikið undir nafninu Michael Owen en sá sem við þekktum hjá Liverpool.
Ef ég gæti fengið Michael Owen eins og hann var á árunum 1998-2002 núna myndi ég fyrstur manna kasta Ngog út fyrir dyr og fagna Owen með tárin í augunum. Það eru hins vegar fleiri ár síðan sá leikmaður sást síðast og í hans stað er núna kominn hægari og meiðslagjarnari leikmaður sem skorar enn sinn skammt en ekkert í líkingu við það sem áður var. Þá vil ég frekar ferska og fríska unglinginn Ngog sem skorar jafnvel enn betur, þrátt fyrir ungan aldur og reynsluleysi, en hinn reyndi Owen gerir í dag.
21s árs Owen > 20 ára Ngog. Staðreynd.
En … 20 ára Ngog > 29 ára Owen. Einnig staðreynd, eins og tölfræðin sem ég hef komið með í tveimur ummælum hér að ofan sýnir svo ekki verður um villst.
Samt vilja menn fá Owen til Liverpool. Ég bara skil ekki slíka þvermóðsku.
Ngog hefur held ég enn ekki skorað mark sem skiptir einhverju máli! Sigurmarkið hans gegn Leeds og Debrecen tel ég ekki með! Gegn Leeds var það í deildarbikarnum sem öllum er nkl sama um! Gegn Debrecen skipti það aldrei máli þar sem við vorum aldrei að fara áfram… Hann er samt duglegastur að skora 2. og 3. mark liðsins í 2 og 3 – 0 sigrum… Lucas, Ngog og fl geta einfaldlega ekki verið hetjur, kannski mun það breytast hjá Ngog þar sem hann á töluvert fleiri ár eftir í boltanum heldur en Owen… Owen tryggði t.d. United sigur í riðlinum í gær, skoraði MJÖG mikilvægt mark gegn Shitty, auðvitað stakk Owen klúbbinn í bakið og stuðningsmenn en sumt verðum við að fyrirgefa og hugsa um hag liðsins og hagurinn væri meiri í dag hefðum við Owen í okkar röðum, ég skal hengja mig uppá það, svo talaði einhver um að Owen sé með betri spilurum og fengi betri þjónustu en Ngog, er það þá ekki enn meiri ástæða fyrir Ngog að skora meira þar sem sumum leikmönnum okkar er gersamlega fyrirmunað að skora, hann er með fullt af creative mönnum fyrir aftan sig eins og bennajón, gerrard og fl sem hafa spilað… Owen er skuggi af mönnum eins og Berbatov, Rooney, Giggs, Scholes, Valencia sem raða iðulega mörkunum fyrir Utd en þegar Owen fær tækifæri þá skorar hann… Þetta er bara mín skoðun á málinu en vona að litli prinsinn fái mig til að brosa í kvöld og öðrum hvorum sóknardauða miðjumanninum verði fórnað og fáum að sjá stoðsendingu frá miðjumanni loksins!
YNWA!
Fyrst Aquilani byrjar leikinn þá er í það minnsta garenterað að hann spilar í a.m.k. 65 mín 🙂 Nema hann meiðist auðvitað.
Það er nú það sem mun draga mig að skjánum í kvöld, að sjá Aquilani spila.
Eyþór Smári (#29) segir:
Þú verður að fyrirgefa, en þetta er það vitlausasta sem ég hef séð skrifað á þessa síðu. Auðvitað hefur hann ekki skorað nein mikilvæg mörk, ef þú telur mikilvægu mörkin hans ekki með! 🙄
Til hamingju Sigursteinn! Þetta er lífið!
Varðandi leikinn í kvöld þá hef ég bara alls engann áhuga á að horfa enda bara með vont bragð í munninum vegna ófara okkar í CL og hryllir við að liðið þurfi að taka þátt í UEFA keppninni…það er eins og þegar Ísland tekur þátt í B-heimsmeistarakeppni í handbolta, alveg niðurdrepandi.
Hvaða Owen bull er þetta eiginlega? Eru menn ennþá að hengja sig í þann pörupilt? Er ekki nóg að hann hafi sýnt okkur puttann allavega tvisvar? Eigum við samt að beygja okkur og hneygja og loka augunum og ímynda okkur að hann sé ennþá sá Owen sem var í toppformi hjá okkur og að ekkert hafi gerst í millitíðinni?
Ég sé ekki hvað það hjálpar þínum málflutningi að kalla menn fáfróða ef menn taki ekki undir spádómsgáfur þínar, sem btw. aldrei munu verða færðar sönnur á. Ég veit ekki betur en að margir hafi einmitt gagnrýnt Owen hjá Man.Utd fyrir að hafa farið ansi illa með mörg færi sem hann hefur fengið.
Þetta er ein al flottasta setning sem ég hef séð lengi. Já, þetta er sem sagt meðvituð ákvörðun hjá Ngog að skora ekki meira 🙂 Skiptir engu máli hvort þú fáir minni eða meiri þjónustu.
En hvað sem öðru líður, þá er mig farið að hlakka verulega til leiksins í kvöld. Liverpool FC er að spila og ég hef bara einfaldlega gríðarlegan áhuga á því liði og vil alltaf sjá leiki þess. Í kvöld fer fram leikur í Meistaradeildinni á Anfield og ég fæ fiðring í magann við þá tilhugsun. Greinilega margir á öndverðri skoðun, en þannig er það nú bara. Ég er allavega ákaflega sáttur með að hlakka alltaf til leikja liðsins, þetta er mitt aðal áhugamál og ég get hreinlega ekki sett mig í þau spor sem sumir virðast vera komnir í, þ.e. hafa ekki lengur áhuga á leikjunum. Vonandi mun þessi tilhlökkun mín aldrei breytast.
Og já, takk fyrir kveðjurnar félagar. Dóttirin verður í rétta klæðnaðinum í kvöld, svo mikið er víst 🙂
kjósa Liverpool vs Fiorentina
http://tv2sport.dk/fodbold
fyrir okkur sem viljum sjá leikinn í kvöld í DK
Gott framtak nr 34. Um að gera að leyfa Liverpool aðdáendum um allan heim að horfa á liðið sitt spila. Búinn að kjósa 🙂
A – þarf í alvöru að kjósa um þetta?
B – Er Inter leikurinn í alvöru yfir!!
C – Danir eru klikk
D – auðvitað búinn að kjósa
Tek undir þetta með þér SSteinn. Liðið mitt er að fara spila í kvöld og ég get hreinlega ekki beðið eftir leiknum. Síðasti leikurinn okkar í CL í bili og að sjálfsögðu verður maður límdur fyrir framan imbann. Ég iða alveg í skinninu að sjá Aquilani spila og svo verður ekki leiðinlegt að sjá Torres taka kannski 15-20 mín í þessum leik. Ég vil endilega að við slátrum þessu Fiorentina liði á heimavelli og sýnum þeim hvar Davíð keypti ölið. Sýnum þeim og öllum heiminum að það var bara helvítis “óheppni” að við séum ekki meðal þeirra 16 “bestu” þetta árið í CL. Rafa er samt búinn að segja það opinberlega að hann ætlar að leyfa minni spámönnum að spila leikinn í kvöld. Cavalieri verður því í markinu, það er ég viss um og við fáum El Zhar, Dossena, Degen og fleiri menn í liðið í kvöld.
3-0 fyrir Liverpool, kveðjum deildina með stæl.
Benitez búinn að gefa það út að hann ætli að reyna að hvíla þá sem hafa spilað hvern einasta leik upp á síðkastið til að forðast meiðsli en ætlar þó að spila einhverjum stórum nöfnum.
Ég ætla að horfa á þennan leik til þess að sjá Aguilani loksins spila. Verður spennandi að sjá hvað hann getur. Við skulum samt passa okkur á því að vera of harðir við hann ef hann verður slappur í kvöld. Hann er búinn að vera lengi frá.
Já og takk Brói, endilega að kjósa. Mikilvægt fyrir púlara í Danmörku 🙂
Við munum frekar sjá Darby í bakverðinum en Degen, þar sem svissneska módelið er ekki í CL hópnum.
er leikurinn ekki sýndur
NR 36 Babu
A ótrulegt en satt
B Þetta er að lagast 50-50
C Þeir eru alveg stamir
D Takk fyrir
Nagar sig í handabakið Benites?
FA cup og Evrópubikarinn eina sem hann á séns á og liðið í ruglinu.
Hvað á maður að segja um leik sem skipti ekki neinu máli?
Ef Blackburn var að spila leiðinlega um helgina, þá hafa menn ekki horft mikið á Liverpoolliðið þessa leiktíð (fyrir utan leikinn á móti Utd).
Það vantar allt samspil í liðið og hjartað varð eftir í Istanbúl hér um árið.
Ég bið til guðs að kraftaverk gerist og að liðið fari að spila eins og menn, því það þarf til.
Þú sem ert á Anfield…
ég kaus brói enda bý ég í DK og vil sjá leikinn.
menn tala um að það hafi verið mistök hjá Benitez að semja ekki við Owen, ég er algjörlega sammála. En stærstu mistökin voru auðvitað að semja ekki við Anelka á sínum tíma. Ef mig minnir rétt þá var það Benitez sem vildi það ekki. Skil hreinilega bara ekkert í manninum. En hann er víst stjórinn.
Já, og Rafa er líka valdur að Global Warming, Icesave, fyrri og seinni heimstyrjöldinni og svarta dauða. Eru engin takmörk fyrir því hversu langt menn reyna að seilast Grellir? Anelka fór frá okkur um vorið 2002, heilum 2 árum áður en Rafa kemur til Liverpool. Og þetta bölvaða þvaður um að þetta hafi verið mistök hjá honum að semja ekki við Owen, þá blæs maður á svoleiðis vitleysu. Owen var tvisvar, TVISVAR búinn að gefa Rafa fingurinn, fari hann bara og veri og vona ég að hann láti aldrei sjá sig í Liverpoolborg að nýju.
Verður virkilega svona margir byrjunarliðsmenn í liðinu. Ég myndi nú halda að Rafa myndi hvíla menn. Þeir sem tala hér um Owen, málið er náttúrulega þetta að hann hefði hætt í fótbolta ef hann hefði ekki fengið samning og Liverpool hafði einfaldlega ekki efni á að hafa hann í squad-inu. Hvað vildi hann ekki ca. 50+ á viku. Ansi margar kúlur fyrir Liverpool.
Ssteinn, ég sagði nú bara að “ef mig minnir rétt” En það hefur greinilega klikkað í þetta sinn. Biðst bara innilegar afsökun á því, en ef þér finnst engin mistök hafa átt sér stað í stjórnartíð Benitez þá tek ég hattinn ofan fyrir þér. Því eina sem ég heyri á götunni eru ekki fögur orð í okkar garð. Það er nú bara mitt álit að það hefur margt farið miður í stjóratíð Benitez og sérstaklega er það spilamennskan sem hefur pirrað mig mest. Ég get alveg tekið tapi með sæmd ef spilamennskan er góð hjá liðinu, reynir að spila góðan fótbolta, upp kanntana, stuttar sendingar milli manna FRAMávið. En það er bara svo langt frá því sem Benitez leggur upp með, hann leggur leikinn þannig upp að það eigi að halda boltanum, reyna ekki að fá á sig mark og láta svo Torres eða Gerrard klára þetta fyrir okkur. Kuyt er nú bara oft einsog hann sé annar bakvörður, Babel fær ekki að sækja einsog hann vill, Masch og Lucas báðir varnarsinnaðir miðjumenn.. Þetta er ekki bara ég sem er að segja þetta. Aðalaega aðdáendur annarra liða í ensku deildinni og það fer mest í taugarnar á mér. En þú ert hetjan mín Ssteinn ef þú ert sáttur með spilamennskuna og getur tekið þessu öllu með góðri sæmd.
eyþór smári (29) – hvernig getur þú sagt að debrecen markið hans ngog hafi ekki verið mikilvægt? á þessum tíma var þetta lífsnauðsynlegt mark fyrir okkur. þetta er eins og að segja að markið hans owen á móti man city hafi ekki verið mikilvægt ef united klárar ekki ensku dolluna í vor.
…og annað mál eyþór – þrenna owen í gær virðist þér ansi hugleikin. þetta var þrenna í leik þar sem united skildi allar sínar kanónur eftir á bekknum eða í manchester. þetta var sumsé ekki mikilvægasti leikur united fyrr og síðar. af hverju telur þú þessa þrennu með í mikilvægum mörkum united? þeir voru jú komnir upp úr riðlinum.
grellir (45) – mér finnst líka óþolandi að liverpool skuli hafa keypt diouf og diao á samanlagt 12-14 kúlur. mér skilst að benitez hafi eitthvað haft með það að gera.
4-0 og ekkert rugl – Benayoun, Mascherano, Riera og Ngog með mörkin (öll í fyrri hálfleik)
Svo er að sjá að Evrópukeppni skítaliða sé að verða sterkari en sextán liða úrslit Meistaradeildarinnar
tradran, en eg maeli eindreigid med tessari grein. http://www.thisisanfield.com/2009/12/08/10-reasons-why-liverpool%e2%80%99s-season-lies-in-tatters/
Djöfull er ég ánægður með kommentin þín Kristján Atli. Það er frekar pirrandi þegar menn drulla yfir suma leikmenn án þess að það sé nokkur fótur fyrir því. N’gog hefur lent í þessu bara af því hann er ekki Owen, og kuyt er alltaf að lenda í þessu af því hann lítur út eins og hafnarverkamaður frá Rotterdam, en ekki undirfatamódel frá Madrid. Staðreyndin er sú að N’gog er búinn að skora helling fyrir okkur, og meðal annars mikilvæg mörk, og kuyt hefur verið einn okkar besti leikmaður í nokkur tímabil, og er að verða næst markahæsti poolari í meistaradeildinni (vantar held ég 1 mark til að jafna Rush).
Svona er byrjunarliðið:
Cavalieri – Darby – Agger – Skrtel – Insua – Mascherano – Aquilani – Yossi – Gerrard – Dossena – Kuyt
náði ekki bekknum
Hvað eru menn enn að væla yfir JUDAS a.k.a michael Owen??
Subs: Reina, Torres, Aurelio, Kyrgiakos, Carragher, Spearing, Pacheco.
Aumingjar !!!!!!!!!!!!!!!!!!